ಬ್ರೈನ್ ಡೆತ್ ಆಗಿದ್ದ ವ್ಯಕ್ತಿ ಅಂಗಾಂಗ ತೆಗೆಯಲು ಆಪರೇಷನ್ ಮಾಡುವಾಗ ಎದ್ದು ಕುಳಿತ: ಈಗ ಆ ವೈದ್ಯರಲ್ಲಾ ಸಸ್ಪೆಂಡ್ ಆಗಿದ್ದಾರೆ

Insync

oi-Reena TK

By Reena Tk

Updated: Thursday, October 24, 2024, 13:43 [IST]

ಆತ ದೊಡ್ಡ ಮಾದಕ ವ್ಯಸನಿಯಾಗಿದ್ದ, ಡ್ರಗ್ಸ್, ಕುಡಿತ ಚಟದಿಂದಾಗಿ ಆತನ ಆರೋಗ್ಯ ಸಂಪೂರ್ಣ ಹದಗೆಡುತ್ತಾ ಬಂತು, ಆತನ ಬ್ರೈನ್ ಡೆಡ್‌ ಆಗಿದೆ ಎಂದು ವೈದ್ಯರು ಘೋಷಿಸಿದರು, ಆದರೆ ಆತ ವೈದ್ಯಕೀಯ ಲೋಕವನ್ನೇ ಅಚ್ಚರಿಗೊಳಿಸಿ ಬದುಕಿಗೆ ಮರಳಿದ್ದಾನೆ, ಬ್ರೈನ್‌ ಡೆಡ್‌ ಆಗಿದ್ದ ವ್ಯಕ್ತಿ ಮತ್ತೆ ಬದುಕಿಳಿಯಲ್ಲ ಎಂದು ಹೇಳಲಾಗುವುದು. ಆದರೆ ಈತ ಹೊಸದೊಂದು ದಾಖಲೆ ಬರೆದಿದ್ದಾನೆ.

ಇನ್ನೊಬ್ಬರಿಗೆ ಜೀವದಾನವಾಗುತ್ತಿದ್ದ ವ್ಯಕ್ತಿ ತಾನೇ ಜೀವ ಪಡೆದಿದ್ದಾನೆ

ಬ್ರೈನ್ ಡೆಡ್‌ ಆದರೆ ವೈದ್ಯರು ಆ ರೋಗಿಯ ಕುಟುಂಬಸ್ಥರಲ್ಲಿ ನೀವು ರೋಗಿಯ ಅಂಗಾಂಗ ದಾನ ಮಾಡಲು ಇಚ್ಛಿಸಿದರೆ ಇತರ ಕೆಲ ಜೀವಗಳನ್ನು ಉಳಿಸಬಹುದು ಎಂದು ಸಲಹೆ ನೀಡುತ್ತಾರೆ. ಬ್ರೈನ್‌ ಡೆಡ್‌ ಆದ ವ್ಯಕ್ತಿ ಬದುಕಿಗೆ ಮರಳುವ ಸಾಧ್ಯತೆಯಂತೂ ಇಲ್ವೇ ಇಲ್ಲ ಎಂಬ ಖಾತರಿಯಲ್ಲಿಯೇ ವೈದ್ಯರು ಇಂಥದ್ದೊಂದು ಮಾತು ಹೇಳುತ್ತಾರೆ.

ಬ್ರೈನ್‌ ಡೆಡ್‌ ಆಗಿರುವ ಈ ವ್ಯಕ್ತಿ ಬದುಕುವುದಿಲ್ಲ, ಈತನ ಅಂಗಾಂಗಳಿಂದ ಇತರ ವ್ಯಕ್ತಿಗಳ ಜೀವವಾದರೂ ಉಳಿಯುತ್ತೆ ಎಂದು ಈ ರೀತಿ ಹೇಳುತ್ತಾರೆ. ಇಂಥವರ ಹೃದಯ, ಲಿವರ್, ಕಿಡ್ನಿ, ಕಣ್ಣು ಇವುಗಳನ್ನು ಕಸಿ ಮಾಡಿದರೆ 6-7 ಜನರಿಗೆ ಹೊಸ ಬದುಕು ಸಿಗುತ್ತದೆ, ಹಾಗಾಗಿ ಅಂಗಾಂಗ ದನದ ಮಹತ್ವ ಹೇಳುತ್ತಾರೆ, ಆದರೆ ಈ ಘಟನೆಯ ಬಳಿಕ ಪಾಪ ವೈದ್ಯರು ಈ ರೀತಿ ಹೇಳಲು ಯೋಚನೆ ಮಾಡುತ್ತಾರೆ. ಏಕೆಂದರೆ ಬ್ರೈನ್ ಡೆಡ್‌ ಆಗಿದ್ದ ಕುಡುಕ ಆತನ ಹೃದಯ ತೆಗೆಯಲು ಆಪರೇಷನ್ ಮಾಡುವಾಗ ಎದ್ದು ಕೂತಿದ್ದಾನೆ, ಇಂಥ ಘಟನೆ ವೈದ್ಯ ಲೋಕಕ್ಕೇ ಹೊಸ ಸವಾಲು ಹಾಕಿದೆ.

ವೈದ್ಯ ಲೋಕದಲ್ಲಿ ಇಂಥ ಹಲವಾರು ಘಟನೆಯೂ ಆಗಾಗ ನಡೆಯುತ್ತಲೇ ಇರುತ್ತದೆ

ಇಂಥ ವಿಚಿತ್ರ ಘಟನೆಗಳು ಅಪರೂಪಕ್ಕೆ ಸಂಭವಿಸುತ್ತದೆ, ಸತ್ತ ಎಂದು ಸ್ಮಶಾನಕ್ಕೆ ತೆಗೆದುಕೊಂಡು ಹೋಗಿದ್ದ ವ್ಯಕ್ತಿ ಬದುಕಿರುವ ಹೀಗೆ ಅನೇಕ ವಿಸ್ಮಯಗಳು ನಡೆದಿದೆ. ಒಂದು ಎರಡರಿಂದ ಮೂರು ವರ್ಷಗಳ ಹಿಂದೆ ಕೂಡ ಇಂಥ ಘಟನೆ ನಡೆದಿತ್ತು. ಈಗ ಈತನ ವೀಡಿಯೋ ಸಾಮಾಜಿಕ ತಾಣದಲ್ಲಿ ವೈರಲ್ ಆಗುತ್ತಿದೆ.

ಆ ಪೋಸ್ಟ್‌ನಲ್ಲಿ ಈ ವ್ಯಕ್ತಿಯನ್ನು ಓವರ್‌ಡೋಸ್‌ ಕಾರಣ ಆಸ್ಪತ್ರೆಗೆ ಕೊಂಡೊಯ್ಯಲಾಗಿತ್ತು, ಅಲ್ಲಿ ವೈದ್ಯರು ಬ್ರೈಡ್‌ ಡೆಡ್ ಆಗಿದೆ ಎಂದು ಘೋಷಿಸಿದರು. ನಂತರ ಅಂಗಾಂಗ ದಾನಕ್ಕೆ ಸಿದ್ಧತೆ ಮಾಡಲಾಯಿತು, ಆದರೆ ಆಪರೇಷನ್ ಮಾಡುವಾಗ ಆತ ಅಳಲಾರಂಭಿಸುತ್ತಾನೆ, ಟೇಬಲ್‌ಗೆ ಬಡೆಯುತ್ತಾನೆ. ಆದರೂ ಆಪರೇಷನ್‌ಗೆ ಮುಂದಾಗಿದ್ದರು. ಆದರೆ ನಂತರ ಆಪರೇಷನ್ ನಿಲ್ಲಿಸಲಾಯ್ತು. ಈ ಕಾರಣದಿಂದ ತುಂಬಾ ವೈದ್ಯರನ್ನು ಸಸ್ಪೆಂಡ್‌ ಮಾಡಲಾಗಲಿದೆ ಎಂದು ಆ ಪೋಸ್ಟ್‌ನಲ್ಲಿ ಬರೆಯಲಾಗಿದೆ.

ಬ್ರೈನ್‌ ಡೆಡ್‌ ಎಂದರೇನು?

ಮೆದುಳು ತನ್ನ ಕಾರ್ಯ ಸಂಪೂರ್ಣ ನಿಲ್ಲಿಸಿದಾಗ ಬ್ರೈನ್ ಡೆಡ್‌ ಆಗುತ್ತದೆ. ಮೆದುಳಿಗೆ ತುಂಬಾ ಹಾನಿಯುಂಟಾದಾಗ ಮೆದುಳಿನ ಚಟುವಟಿಕೆ ಸಂಪೂರ್ಣ ನಿಂತು ಹೋಗುತ್ತದೆ. ರೋಡ್‌ ಅಪಘಾತವಾದಾಗ, ತಲೆಗೆ ಪೆಟ್ಟಾದಾಗ, ಮೆದುಳಿನಲ್ಲಿ ರಕ್ತಸ್ರಾವ ಉಂಟಾದಾಗ ಈ ರೀತಿ ಉಂಟಾಗುವುದು. ಮೆದುಳಿಗೆ ಹೃದಯ ರಕ್ತಸಂಚಾರ ಮಾಡಲು ಸಾಧ್ಯವಾಗುವುದಿಲ್ಲ, ಮೆದುಳಿಗೆ ಆಮ್ಲಜನಕದ ಪೂರೈಕೆಯಾಗದೆ ಮೆದುಳು ಸತ್ತು ಹೋಗುವುದು.

ಬ್ರೈನ್‌ ಡೆಡ್‌ ಆಗಿದೆ ಎಂದು ತಿಳಿಯುವುದು ಹೇಗೆ?

ಬ್ರೈನ್‌ ಡೆಡ್ ಆದರೆ ವ್ಯಕ್ತಿಯನ್ನು ಸತ್ತಂತೆ ಪರಿಗಣಿಸಲಾಗುವುದು. ಈ ವ್ಯಕ್ತಿಯ ಮೆದುಳಿಗೆ ಆಮ್ಲಜನಕ ಪೂರೈಕೆಯಾಗುವುದಿಲ್ಲ, ಪ್ರಜ್ಞೆ ಇರಲ್ಲ, ಉಸಿರಾಟವಿಲ್ಲ, ನುಂಗಲು ಸಾಧ್ಯವಿಲ್ಲ, ಕಣ್ಣಿನಲ್ಲಿ ಚಲನೆ ಇರುವುದಿಲ್ಲ. ಇಂಥ ವ್ಯಕ್ತಿಗಳು ವೆಂಟಿಲೇಟರ್‌ನಿಂದ ತೆಗೆದ ತಕ್ಷಣ ಸತ್ತು ಹೋಗುತ್ತಾರೆ. ಬ್ರೈನ್‌ ಡೆಡ್‌ ಆದ ವ್ಯಕ್ತಿ ಬದುಕುವುದೇ ಇಲ್ಲ ಎಂದು ಹೇಳಲಾಗುವುದು. ಆದರೆ ಈತ ಬದುಕಿದ್ದಾನೆ ಎಂದ ಮೇಲೆ ಆಯುಸ್ಸು ತುಂಬಾ ಗಟ್ಟಿ ಇದೆ ಅಲ್ವಾ?