ಬೆಂಗಳೂರಿನಲ್ಲಿ ಹೊಸ ಪ್ರಭೇದದ ಜೀರುಂಡೆ ಪತ್ತೆ..! ಎಲ್ಲಿ ಗೊತ್ತಾ?

ಸಾಮಾನ್ಯವಾಗಿ ಹೊಸ ಹೊಸ ಜೀವಿಗಳು ದೊಡ್ಡ ದೊಡ್ಡ ಅರಣ್ಯದಲ್ಲಿ ಮನುಷ್ಯರ ಓಡಾಟವಿಲ್ಲದ, ನಗರೀಕರಣಕ್ಕೆ ಸಂಪರ್ಕವೇ ಇಲ್ಲದ ಕಡೆ ಹುಟ್ಟಿಕೊಂಡಿರುತ್ತದೆ. ಇನ್ನು ಅನ್ವೇಷಣೆ ಮಾಡುವುದೇ ದೊಡ್ಡ ಸವಾಲಿನ ಕೆಲಸ ಆಗಿರುತ್ತೆ. ಆದ್ರೆ ಕೆಲವೊಮ್ಮೆ ಈ ಜೀವಿಗಳು ನೂರಾರಿ ವರ್ಷದಿಂದ ನಮ್ಮ ನಡುವೆ ಇದ್ದರೂ ಅದನ್ನು ಗುರುತಿಸಲು ಸಾಧ್ಯವಾಗಿರುವುದಿಲ್ಲ.

ಸದ್ಯ ಈಗ ಹೊಸದೊಂದು ಜೀರುಂಡೆಯ ಪ್ರಬೇಧ ಪತ್ತೆಯಾಗಿದ್ದು, ಅದು ಸಹ ಸಿಲಿಕಾನ್ ಸಿಟಿ ಬೆಂಗಳೂರಿನಲ್ಲಿ ಈ ಹೊಸ ಜಾತಿ ಪತ್ತೆಯಾಗಿರುವುದು ಅಚ್ಚರಿ ಮೂಡಿಸಿದೆ. ಇವು ಸಗಣಿಗಳನ್ನು ಉಂಡೆ ಮಾಡುವುದು ನಾವು ನೋಡಬಹುದು. ಈ ಜೀರುಂಡೆಯ ಹೊಸ ಪ್ರಬೇಧ ಈಗ ಬೆಂಗಳೂರಿನಲ್ಲಿ ಪತ್ತೆಯಾಗಿದೆ.

ಬೆಂಗಳೂರಿನ ಹೆಸರಘಟ್ಟ ಅರಣ್ಯ ವಲಯದಲ್ಲಿ ಅಶೋಕ ಟ್ರಸ್ಟ್‌ ಫಾರ್‌ ರಿಸರ್ಚ್‌ ಇನ್‌ ಇಕಾಲಜಿ ಅಂಡ್‌ ಎನ್ವಿರಾನ್‌ಮೆಂಟ್‌ (ATREE) ಯಿಂದ ಕೀಟಶಾಸ್ತ್ರಜ್ಞರು ಕಂಡುಹಿಡಿದ ಹೊಸ ಪ್ರಭೇದಕ್ಕೆ 'ಒನಿಟಿಸ್‌ ವಿಸ್ತಾರ' ಎಂದು ಹೆಸರಿಡಲಾಗಿದೆ ಮತ್ತು ಇದು ಓನಿಟಿಸ್‌ ಎಂಬ ಅಪರೂಪದ ಜೀರುಂಡೆ ಕುಟುಂಬಕ್ಕೆ ಸೇರಿದೆ.

ಈ ಜಾತಿಯ ಜೀರುಂಡೆಯು ಸಗಣಿಯನ್ನು ಉಂಡೆಯನ್ನಾಗಿಸಿ ಗೂಡುಗಳಿಗೆ ಹೊತ್ತುಯ್ಯುತ್ತವೆ. ಇವು ತಮ್ಮ ಕುಟುಂಬಗಳಿಗೆ ಆಹಾರ ನೀಡುವ ಕ್ರಮ ಇದಾಗಿದೆ. ಹೀಗಾಗಿ ಇವನ್ನು ಸುರಂಗಕಾರರು ಎಂದು ಕರೆಯಲಾಗುತ್ತದೆ. ಆದರೆ ಇವು ಸಂಖ್ಯೆಯಲ್ಲಿ ವಿಸ್ತಾರವಾಗಿದೆ. ಬ್ರಹ್ಮ ಪುತ್ರ ನದಿಗೆ ಅಡ್ಡಲಾಗಿ ಕಟ್ಟಲಾಗಿರುವ ಕೋಲಿಯಾ ಬೊಮೊರಾ ಎಂಬ ಸೇತುವೆಯ ಬಳಿ ಹೊಸ ಜಾತಿಯ ಜೀರುಂಡೆ ಪತ್ತೆಯಾದ ಬಳಿಕ ಈಗ ಹೆಸರಘಟ್ಟದಲ್ಲಿ ಪತ್ತಯಾಗಿದೆ.

ಈ ಅಧ್ಯಯನದಲ್ಲಿ ಒಬ್ಬರಾದ ದಿವಂಗತ ಕೇತಾ ಗೌಡ ಅವರ ಹೆಸರಿನಲ್ಲಿ ಒಬ್ಬರಿಗೆ 'ಒನಿಟಿಸ್ ಕೇಥೈ' ಎಂದು ಹೆಸರಿಸಲಾಗಿದ್ದರೆ, ಎರಡನೆಯದಕ್ಕೆ 'ಒನಿಟಿಸ್ ಬೊಮೊರೆನ್ಸಿಸ್' ಎಂದು ಹೆಸರಿಸಲಾಯಿತು. ಈ ಕೀಟಗಳು ಪ್ರಮುಖ ಪರಿಸರ ಕಾರ್ಯವನ್ನು ನಿರ್ವಹಿಸುತ್ತವೆ ಏಕೆಂದರೆ ಅವುಗಳು ಟನ್‌ಗಳಷ್ಟು ಜಾನುವಾರು ಸಗಣಿಗಳನ್ನು ಹೂಳಬಹುದು ಮತ್ತು ತೆರವುಗೊಳಿಸಬಹುದು.

ವಿಶ್ವದ ಅತಿ ದೊಡ್ಡ ಜಾನುವಾರು ಜನಸಂಖ್ಯೆಯನ್ನು ಹೊಂದಿರುವ ಭಾರತದಂತಹ ದೇಶದಲ್ಲಿ ಇದು ಸಂಪೂರ್ಣವಾಗಿ ನಿರ್ಣಾಯಕವಾಗಿದೆ. ಹವಾಮಾನ ಬದಲಾವಣೆಗೆ ಗಣನೀಯವಾಗಿ ಕೊಡುಗೆ ನೀಡುವ ಹಸಿರುಮನೆ ಅನಿಲ ಹೊರಸೂಸುವಿಕೆಯ ಪ್ರಮುಖ ಮೂಲವೆಂದರೆ ದನಗಳ ಸಗಣಿ. ಆದರೆ ಈ ಜೀರುಂಡೆಗಳು ಸಗಣಿಯನ್ನು ಹೂತುಹಾಕಬಹುದು ಮತ್ತು ಈ ಹೊರಸೂಸುವಿಕೆಯನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಇದನ್ನು ಮಾಡುವಾಗ, ಈ ಜೀರುಂಡೆಗಳು ಪೋಷಕಾಂಶಗಳ ಸೈಕ್ಲಿಂಗ್ ಅನ್ನು ವರ್ಧಿಸುತ್ತದೆ.

ಸರಾಸರಿ ಹಸು ದಿನಕ್ಕೆ ಸುಮಾರು 30 ಕಿಲೋಗ್ರಾಂಗಳಷ್ಟು ಸಗಣಿ ಉತ್ಪಾದಿಸುತ್ತದೆ, ಇದು ವರ್ಷಕ್ಕೆ 10 ಟನ್‌ಗಳಿಗಿಂತ ಹೆಚ್ಚು. ಭಾರತವು ವಿಶ್ವದ ಅತಿದೊಡ್ಡ ಜಾನುವಾರು ಜನಸಂಖ್ಯೆಯನ್ನು ಹೊಂದಿದೆ. ಹೀಗಾಗಿ ಭಾರತಕ್ಕೆ ಈ ಜೀರುಂಡೆಗಳು ವರದಾನವಾಗಿವೆ. ಬೆಂಗಳೂರಿನ ATREE ಯಿಂದ ಕೀಟಶಾಸ್ತ್ರಜ್ಞರಾದ ಸೀನಾ ನಾರಾಯಣನ್ ಕರಿಂಬುಮ್ಕರ ಮತ್ತು ಪ್ರಿಯದರ್ಶನನ್ ಧರ್ಮ ರಾಜನ್ ಅವರು 20 ವರ್ಷಗಳಿಂದ ವಿಶೇಷವಾಗಿ ಭಾರತೀಯ ಉಪಖಂಡದಾದ್ಯಂತ ಸಗಣಿ ಜೀರುಂಡೆಗಳ ಬಗ್ಗೆ ಅಧ್ಯಯನ ಮಾಡುತ್ತಿದ್ದಾರೆ.

ಹಾಗೆಯೇ ಇತ್ತೀಚಿಗೆ ಅದೇ ಕುಟುಂಬದಿಂದ ಇತರ ಎರಡು ಹೊಸ ಪ್ರಭೇದಗಳನ್ನು ಸಹ ಪತ್ತೆ ಮಾಡಲಾಗಿದೆ. ಕರ್ನಾಟಕದ ಬಿಳಿಗಿರಿ ರಂಗಸ್ವಾಮಿ ದೇವಾಲಯದ ಹುಲಿ ಸಂರಕ್ಷಿತ ಪ್ರದೇಶದಿಂದ 'ಒನಿಟಿಸ್ ಕೆಥಾಯ್' ಮತ್ತು ಅಸ್ಸಾಂನ ತೇಜ್‌ಪುರದಿಂದ 'ಒನಿಟಿಸ್ ಬೊಮೊರೆನ್ಸಿಸ್'. ಪತ್ತೆಯಾಗಿವೆ.

ಇತ್ತೀಚಿನ ಆವಿಷ್ಕಾರವು ಹೆಸರಘಟ್ಟ ಹುಲ್ಲುಗಾವಲುಗಳ ಅಗಾಧವಾದ ಸಂರಕ್ಷಣಾ ಮೌಲ್ಯದ ಮೇಲೆ ಬೆಳಕು ಚೆಲ್ಲುತ್ತದೆ, ಇದು ವೈವಿಧ್ಯಮಯ ಪ್ರಭೇದಗಳ ನೆಲೆಯಾಗಿದ್ದರೂ, ವೇಗದ ಗತಿಯ ನಗರೀಕರಣ ಮತ್ತು ಇತರ ನಿರ್ಮಾಣ ಯೋಜನೆಗಳಿಂದ ವೇಗವಾಗಿ ಕಣ್ಮರೆಯಾಗುತ್ತಿದೆ. ಸದ್ಯ ಈ ಹೊಸ ಪ್ರಭೇದದ ಕೀಟಗಳು ಪರಿಸರಕ್ಕೆ ಯಾವ ರೀತಿಯ ಕೊಡುಗೆ ನೀಡುತ್ತಿವೆ ಎಂಬುದನ್ನು ಕೂಡ ವಿಜ್ಞಾನಿಗಳು ವಿವರಿಸಿದ್ದಾರೆ.