ಸಖತ್ ಅಡುಗೆಗೆ ಹೆಸರುವಾಸಿಯಾದ 5 ದೇಶಗಳಿವು

ಪ್ರಪಂಚದಲ್ಲಿಯೇ ಬಹಳ ರುಚಿಕರವಾದ ಅಡುಗೆಯ ರುಚಿ ನೋಡಿದ್ದೀರಾ ಎಂದು ಯಾರಾದರೂ ನಮ್ಮಲ್ಲಿ ಕೇಳಿದರೆ ಇಲ್ಲ ಎಂಬ ಉತ್ತರ ತಕ್ಷಣ ಹೇಳಿಬಿಡುತ್ತೇವೆ. ಒಂದು ವೇಳೆ ವಿದೇಶಕ್ಕೆ ಹೋದವರು 'ನಾನು ಹೋದ ದೇಶಗಳಲ್ಲಿ ಯಾವ ದೇಶದ್ದು ಆಗಿರಬಹುದು' ಎಂದು ಯೋಚಿಸುತ್ತಾರೆ. ಆದರೆ ಪ್ರಪಂಚದಲ್ಲಿಯೇ ರುಚಿಕರವಾದ ಅಡುಗೆಯ ರುಚಿ ಮಾಡಬೇಕೆಂದು ಬಯಸುವುದಾದರೆ ನೀವು ವಿದೇಶಕ್ಕೆ ಹೋಗಬೇಕಾಗಿಲ್ಲ, ಇಲ್ಲಿಯೇ ಮಾಡಬಹುದು!

ಹೌದು ಭಾರತ ದೇಶದ ಅಡುಗೆಯು ಪ್ರಪಂಚದಲ್ಲಿಯೇ ರುಚಿಕರವಾದ ಅಡುಗೆಗಳಲ್ಲಿ ಒಂದಾಗಿದೆ. ಅಬ್ಬಾ! ಪ್ರಪಂಚದ ರುಚಿಕರವಾದ ಅಡುಗೆಯ ರುಚಿ ನಾವು ನೋಡಿದ ಹಾಗೆ ಆಯ್ತು ಎಂದು ಸಮಧಾನವಾಗಿರಬಹುದು ಅಲ್ಲವೇ? ಬನ್ನಿ ಪ್ರಪಂಚದಲ್ಲಿಯೇ ರುಚಿಕರವಾದ ಅಡುಗೆ ತಯಾರಿಸುವ ಪ್ರಮುಖ 5 ದೇಶಗಳು ಯಾವುದೆಂದು ತಿಳಿಯೋಣ ಬನ್ನಿ.

1. ಫ್ರೆಂಚ್ ಅಡುಗೆ: ಫ್ರೆಂಚ್ ರುಚಿಕರವಾದ ನಾನಾ ಬಗೆಯ ಅಡುಗೆಗಳನ್ನು ತಯಾರಿಸುತ್ತಾರೆ. ಒಂದು ಅಡುಗೆ ಮತ್ತೊಂದು ಅಡುಗೆಗಿಂತ ರುಚಿಕರವಾಗಿರುತ್ತದೆ. ಫ್ರೆಂಚ್ ನ ಪ್ರತಿಯೊಂದು ಚಿಕ್ಕ ಪಟ್ಟಣದಲ್ಲೂ ಅನೇಕ ಬಗೆಯ ರುಚಿಕರವಾದ ಚೀಸ್ ತಯಾರಿಸುತ್ತಾರೆ. ಅಲ್ಲದೆ ತುಂಬಾ ವಿಶಿಷ್ಟವಾದ ವೈನ್ ಕೂಡ ತಯಾರಿಸಲಾಗುವುದು. ಇಲ್ಲಿ ನೂರಕ್ಕೂ ಅಧಿಕ ಬಗೆಯ ಚೀಸ್ ತಯಾರಿಸಲಾಗುವುದು. ಇಲ್ಲಿ ತುಂಬಾ ಆರೋಗ್ಯಕರ ರೀತಿಯಲ್ಲಿ ಅಡುಗೆಯನ್ನು ತಯಾರಿಸಲಾಗುವುದು.

2. ಭಾರತದ ಅಡುಗೆ: ಭಾರತದ ಕಾಶ್ಮೀರದಿಂದ ಕನ್ಯಾಕುಮಾರಿಯವರೆಗೆ ಅನೇಕ ಬಗೆಯಲ್ಲಿ ಅಡುಗೆಯನ್ನು ತಯಾರಿಸಲಾಗುವುದು. ಒಂದು ಪ್ರದೇಶದಿಂದ ಮತ್ತೊಂದು ಪ್ರದೇಶಕ್ಕೆ ಅಡುಗೆಯ ಶೈಲಿಯಲ್ಲಿ ಮತ್ತು ರುಚಿಯಲ್ಲಿ ಭಿನ್ನವಾಗಿರುತ್ತದೆ ಅಲ್ಲದೆ ರುಚಿಯಲ್ಲಿ ಅದ್ಭುತವಾಗಿರುತ್ತದೆ. ಭಾರತದಲ್ಲಿ ಸಸ್ಯಹಾರ ಮತ್ತು ಮಾಂಸಾಹಾರ ಎರಡನ್ನೂ ಬಹಳ ರುಚಿಟ್ಟಾಗಿ, ಆರೋಗ್ಯಕರ ರೀತಿಯಲ್ಲಿ ತಯಾರಿಸಲಾಗುವುದು. ಅದರಲ್ಲೂ ಉತ್ತರ ಭಾರತದ ಆಹಾರಪದ್ಧತಿಗೂ ಮತ್ತು ದಕ್ಷಿಣ ಭಾರತದ ಆಹಾರ ಪದ್ಧತಿಗೂ ಸಾಕಷ್ಟು ವ್ಯತ್ಯಾಸ ಕಾಣಬಹುದು.

ವಿಪರ್ಯಾಸವೆಂದರೆ ನಮ್ಮಲ್ಲಿಯೇ ಅನೇಕ ಬಗೆಯ ರುಚಿಕರವಾದ ಅಡುಗೆ ಇರುವಾಗ ಪಿಜ್ಜಾ , ಬರ್ಗರ್ ಅಂತ ಆರೋಗ್ಯಕರವಲ್ಲದ ಆಹಾರದ ಕಡೆಗೆ ಹೆಚ್ಚಿನ ಒಲುವು ತೋರಿಸುತ್ತಿದ್ದೇವೆ.

3. ಚೀನಾದ ಅಡುಗೆ: ಚೀನಾ ಫುಡ್ ಅಂತೂ ಭಾರತದಲ್ಲೂ ಪ್ರಸಿದ್ಧಿಯನ್ನು ಪಡೆದಿದೆ. ಚೀನೀಯರು ಮಾಂಸಾಹಾರದ ಅಡುಗೆಯನ್ನು ಹೆಚ್ಚಾಗಿ ಸೇವಿಸುತ್ತಾರೆ. ಅದರಲ್ಲೂ ಹಾವು, ಜಿರಳೆ, ಎರೆ ಹುಳ ಇವುಗಳೆಲ್ಲಾ ಅವರ ಮೆಚ್ಚಿನ ಆಹಾರಗಳಿವೆ. ಆದರೆ ಇವರು ತಯಾರಿಸುವ ನೂಡಲ್ಸ್, ಸಾಸ್ ಇತರ ಖಾದ್ಯಗಳು ಭಾರತೀಯರ ಮೆಚ್ಚುಹಗೆಯನ್ನು ಪಡೆದಿದೆ.

4. ಇಟಲಿಯ ಅಡುಗೆ: ಇಟಲಿಯ ಅಡುಗೆ ಕೂಡ ಪ್ರಪಂಚದಲ್ಲಿಯೇ ರುಚಿಕರವಾದ ಅಡುಗೆಗಳಲ್ಲಿ ಒಂದಾಗಿದೆ. ಅದರಲ್ಲೂ ಅನೇಕ ಬಗೆಯ ಸಾಸ್ ಗಳನ್ನು ಮತ್ತು ಆಲೀವ್ ಎಣ್ನೆಯನ್ನು ತಮ್ಮ ಅಡುಗೆಯಲ್ಲಿ ಯಥೇಚ್ಚವಾಗಿ ಬಳಸುತ್ತಾರೆ. ಪಿಜ್ಜಾ ಇಟಲಿಯ ಮೂಲದ ಅಡುಗೆಯಾಗಿದ್ದು ಇದನ್ನು ಆರೋಗ್ಯಕರ ಅಡುಗೆ ಎಂದು ಪರಿಗಣಿಸಲಾಗದಿದ್ದರೂ ಇತರ ಆರೋಗ್ಯಕರ ಮತ್ತು ರುಚಿಕರವಾದ ಅಡುಗೆಗಳು ಇಟಲಿಯಲ್ಲಿ ದೊರೆಯುತ್ತವೆ.

5. ಮೆಕ್ಸಿಕಾನ್ ಅಡುಗೆ: ಇವರು ಅಡುಗೆಯಲ್ಲಿ ಟೊಮೆಟೊ ಮತ್ತು ಆಲೂಗೆಡ್ಡೆಯನ್ನು ಧಾರಳವಾಗಿ ಬಳಸುತ್ತಾರೆ. ಇಲ್ಲಿಯ ಅಡುಗೆಯ ರುಚಿ ಒಮ್ಮೆ ನೋಡಿದರೆ ಮತ್ತೊಮ್ಮೆ ನೋಡಬೇಕೆನಿಸುವುದು ಸಹಜ.