ಒಲಿಂಪಿಕ್ಸ್‌ನಲ್ಲಿ ಪದಕ ಗೆದ್ದ ಲೊವ್ಲಿನಾ ಬೊರ್ಗೊಹೈನ್‌: ಇವರ ಕುರಿತ ಆಸಕ್ತಿರ ಸಂಗತಿಗಳು

ಟೋಕಿಯೋ ಒಲಿಂಪಿಕ್ಸ್‌ನಲ್ಲಿ ಭಾರತಕ್ಕೆ ಎರಡನೇ ಪದಕ ಖಾತ್ರಿಯಾಗಿದೆ. ಎರಡೂ ಪದಕಗಳು ಮಹಿಳಾ ಕ್ರೀಡಾ ಪಟುಗಳ ಮೂಲಕವೇ ಭಾರತಕ್ಕೆ ಲಭಿಸಿವೆ. ಮೀರಾಬಾಯಿ ಚಾನು ಭಾರ ಎತ್ತುವ ಸ್ಪರ್ಧೆಯಲ್ಲಿ ಗೆಲ್ಲುವ ಮೂಲಕ ಬೆಳ್ಳಿ ಪದಕ ಭಾರತಕ್ಕೆ ಲಭಿಸಿದೆ. ಇದೀಗ ಲೊವ್ಲಿನಾ ಬೊರ್ಗೊಹೈನ್‌ ಮಹಿಳಾ ಬಾಕ್ಸಿಂಗ್‌ ಕ್ವಾರ್ಟರ್‌ ಫೈನಲ್‌ನಲ್ಲಿ ಗೆದ್ದು ಸೆಮಿಫೈನಲ್‌ ಪ್ರವೇಶಿಸಿ ಕಂಚಿನ ಪದಕ ಖಾತರಿ ಪಡಿಸಿಕೊಂಡಿದ್ದಾರೆ. ಇದರಿಂದ ಭಾರತೀಯರ ಸಂತೋಷ ದುಪ್ಪಟ್ಟಾಗಿದೆ.

ಲೊವ್ಲಿನಾ ಬೊರ್ಗೊಹೈನ್‌ರಿಗೆ ಇದೀಗ ಕಂಚಿನ ಪದಕ ಕಾತರಿಯಾಗಿದ್ದು ಸೆಮಿಫೈನಲ್‌ನಲ್ಲಿ ಗೆಲುವು ತಮ್ಮದಾಗಿಸಿದರೆ ಚಿನ್ನ ಅಥವಾ ಬೆಳ್ಳಿ ಪದಕ ಸಿಗುವ ನಿರೀಕ್ಷೆಯಿದೆ, ಒಂದು ವೇಳೆ ಸೋತರೆ ಕಂಚಿನ ಪದಕ ಲಭಿಸುವುದು. ಆದ್ದರಿಂದ ಭಾರತಕ್ಕೆ ಮತ್ತೊಂದು ಪದಕ ಸಿಗುವುದು ಖಾತರಿಯಾಗಿದೆ.

ಲೊವ್ಲಿನಾ ವಿಶ್ವ ಚಾಂಪಿಯನ್‌ಶಿಪ್‌ನಲ್ಲಿ ಎರಡು ಬಾರಿ ಕಂಚಿನ ಪದಕ ಗೆದ್ದಿದ್ದಾರೆ. ತಮ್ಮ 20218ರಲ್ಲಿ ಚೊಚ್ಚಲ ವಿಶ್ವ ಚಾಂಪಿಯನ್‌ಶಿಪ್‌ನಲ್ಲಿ ಕಂಚಿನ ಪದಕ ಗೆದ್ದಿದ್ದಾರೆ.

ಲೊವ್ಲಿನಾ ಮೊದಲಿಗೆ ಕಿಕ್‌ ಬಾಕ್ಸಿಂಗ್‌ನಲ್ಲಿ ಅಭ್ಯಾಸ ಮಾಡುತ್ತಾರೆ, ಅವರ ಸಾಮರ್ಥ್ಯವನ್ನು ಗುರುತಿಸಿದ ಸ್ಪೋರ್ಟ್ಸ್ ಅಥೋರಟಿ ಆಫ್‌ ಇಂಡಿಯಾದ ಪಾಡುಂ ಬೋರೋ ಅವರಿಗೆ ಬಾಕ್ಸಿಂಗ್‌ ಕಲಿಯುವಂತೆ ಸೂಚಿಸುತ್ತಾರೆ. ಮೀನನ್ನು ನದಿಗೆ ಬಿಟ್ಟಾಗ ಈಜುವಂತೆ ಲೊವ್ಲಿನಾ ಬಾಕ್ಸಿಂಗ್‌ನಲ್ಲಿ ಅತ್ಯುತ್ತಮ ಪ್ರದರ್ಶನ ನೀಡಲಾರಂಭಿಸುತ್ತಾರೆ. ಏಷ್ಯಾ ಚಾಂಪಿಯನ್‌ಶಿಪ್‌ನಲ್ಲಿ ಭಾರತಕ್ಕೆ ಎರಡು ಬಾರಿ ಕಂಚಿನ ಪದಕ ತಂದುಕೊಟ್ಟ ಹೆಗ್ಗಳಿಕೆ ಇವರದ್ದು.

ಭಾರತಕ್ಕೆ ಪದಕ ತಂದು ಕೊಟ್ಟ ಮೂರನೇಯ ಕ್ರೀಡಾಪಟು ಲೊವ್ಲಿನಾ
2008ರ ಒಲಿಂಪಿಕ್ಸ್‌ನಲ್ಲಿ ವಿಜೇಂದ್ರ ಸಿಂಗ್, 2012ರ ಒಲಿಂಪಿಕ್ಸ್‌ನಲ್ಲಿ ಮೇರಿ ಕೋಮ್‌ ಬಾಕ್ಸಿಂಗ್‌ನಲ್ಲಿ ಭಾರತಕ್ಕೆ ಪದಕ ತಂದುಕೊಟ್ಟಿದ್ದಾರೆ.

ಲೊವ್ಲಿನಾ ಬೊರ್ಗೊಹೈನ್‌ ಅವರ ಬಗ್ಗೆ ಹೆಚ್ಚಿನ ಮಾಹಿತಿ
ಪೂರ್ಣ ಹೆಸರು: ಲೊವ್ಲಿನಾ ಬೊರ್ಗೊಹೈನ್‌
ಜನನ: ಅಸ್ಸಾಂನ ಗೊಲಾಘಾಟ್‌ನಲ್ಲಿ ಅಕ್ಟೋ 2, 1997ರಲ್ಲಿ ಜನಿಸಿದರು
ಸಾಶನೆ:
2017ರ ಏಷ್ಯನ್ ಚಾಂಪಿಯನ್‌ಶಿಪ್‌ನಲ್ಲಿ ಕಂಚು
2018ರ ಏಷ್ಯನ್ ಚಾಂಪಿಯನ್‌ಶಿಪ್‌ನಲ್ಲಿ ಕಂಚು
2018ರ ನೂತನ ವಿಶ್ಚ ಚಾಂಪಿಯನ್ಶಿಪ್‌ನಲ್ಲಿ ಕಂಚು
2020: ಅರ್ಜುನ ಪ್ರಶಸ್ತಿ
2020 ಒಲಿಂಪಿಕ್ಸ್‌ನಲ್ಲಿ ಕಂಚಿನ ಪದಕ ಖಚಿತ ಪಡಿಸಿಕೊಂಡಿದ್ದು ಗೆದ್ದರೆ ಚಿನ್ನ ಅಥವಾ ಬೆಳ್ಳಿ ಪದಕ ಗೆಲ್ಲಲಿದ್ದಾರೆ.