ಮಕರ ಸಂಕ್ರಾಂತಿ ಹಬ್ಬದಂದು ಅಪ್ಪಿತಪ್ಪಿಯೂ ಇಂತಹ ಕೆಲಸಗಳನ್ನು ಮಾಡಬೇಡಿ

ಒರಟುತನ ಪ್ರದರ್ಶಿಸುವುದು ರಾಕ್ಷಸರ ಗುಣ

ಮಕರ ಸಂಕ್ರಾಂತಿಯು ತುಂಬಾ ಪವಿತ್ರವಾದ ಹಬ್ಬ ಮತ್ತು ಈ ದಿನದಂದು ಜನರು ತುಂಬಾ ಸಂಭ್ರಮ ಹಾಗೂ ಉಲ್ಲಾಸದ ಆರಂಭ ಪಡೆಯಲು ಬಯಸುವರು. ನೀವು ಕೆಟ್ಟದಾಗಿ ಮಾತನಾಡಿದರೆ ಆಗ ಸುತ್ತಲು ನಕಾರಾತ್ಮಕತೆ ಹಬ್ಬಲಿದ್ದೀರಿ. ಯಾವುದೇ ವ್ಯಕ್ತಿಯು ಈ ದಿನ ತಾಜಾ ಆರಂಭವನ್ನು ಮಾಡಲು ಬಯಸುವುದಾದರೆ ಆಗ ಆತನೊಂದಿಗೆ ತುಂಬಾ ಒರಟಾಗಿ ಮಾತನಾಡಿದರೆ, ಇದರಿಂದ ಆತನಿಗೆ ಪ್ರೇರಣೆ ಇಲ್ಲದಂತೆ ಮಾಡಬಹುದು. ಇದರಿಂದ ಆತ ಅಥವಾ ಆಕೆಯ ಯಶಸ್ಸಿಗೆ ದೊಡ್ಡ ಮಟ್ಟಿನ ತಡೆಯಾಗಬಹುದು. ತುಂಬಾ ನಯವಿನಯದಿಂದ ಮಾತನಾಡುವಂತಹ ವ್ಯಕ್ತಿಗಳನ್ನು ಸೂರ್ಯದೇವರು ತುಂಬಾ ಪ್ರಶಂಸೆ ಮಾಡುವರು. ಸೂರ್ಯ ದೇವರ ಆಶೀರ್ವಾದ ಪಡೆಯುವಂತಹ ವ್ಯಕ್ತಿಯು ತುಂಬಾ ಆತ್ಮವಿಶ್ವಾಸ ಮತ್ತು ಸಮಾಜದಲ್ಲಿ ಪ್ರತಿಷ್ಠೆ ಪಡೆಯುವರು ಎಂದು ಹೇಳಲಾಗುತ್ತದೆ. ಸೂರ್ಯದೇವರು ಅತಿಯಾದ ಒರಟುತನವನ್ನು ಇಷ್ಟಪಡುವುದಿಲ್ಲ.

ವಿವೇಕದಿಂದ ಬಟ್ಟೆ ಧರಿಸಬೇಕು

ಭಾರತದಲ್ಲಿ ಹೆಚ್ಚಾಗಿ ಹಬ್ಬಗಳು ಬಂದರೆ ಮಹಿಳೆಯರು ತುಂಬಾ ಶೃಂಗಾರ ಮಾಡಿಕೊಂಡು, ಆಭರಣ ಧರಿಸಿ ಬಣ್ಣ ಬಣ್ಣದ ದುಬಾರಿ ಬಟ್ಟೆಗಳನ್ನು ಧರಿಸುವರು. ಆದರೆ ಮಕರ ಸಂಕ್ರಾಂತಿಯಂದು ಹೀಗೆ ಮಾಡಬಾರದು. ಮಕರ ಸಂಕ್ರಾಂತಿಯು ಸುಗ್ಗಿಯ ಹಬ್ಬವಾಗಿರುವ ಕಾರಣದಿಂದಾಗಿ ಜನರು ಇದನ್ನು ತುಂಬಾ ಸರಳವಾಗಿ ಆಚರಣೆ ಮಾಡುವರು. ಅತಿಯಾಗಿ ಶೃಂಗಾರ ಮಾಡಿಕೊಂಡರೆ ಆಗ ಈ ಹಬ್ಬದ ಪ್ರಾಮುಖ್ಯತೆಯು ಕಳೆದುಹೋಗುವುದು. ಈ ಹಬ್ಬವನ್ನು ಹೆಚ್ಚಾಗಿ ಕೃಷಿ ಕುಟುಂಬಗಳು ಆಚರಿಸುತ್ತವೆ. ಇದು ಸುಗ್ಗಿ ಋತುವಿನ ಕೊನೆಯ ದಿನವೆಂದು ಹೇಳಲಾಗುತ್ತದೆ. ಇದರಿಂದ ಇದು ಕೃಷಿಕರಿಗೆ ಮೀಸಲಾಗಿದೆ.

ಮರಗಳನ್ನು ಕಡಿಯಬಾರದು

ಪ್ರಕೃತಿಯಲ್ಲಿರುವಂತಹ ಮರಗಳನ್ನು ಹಿಂದೂಗಳು ಹೆಚ್ಚಾಗಿ ಆರಾಧಿಸುವರು. ಕೆಲವೊಂದು ಮರಗಳನ್ನು ದೇವರ ಪ್ರತಿರೂಪವೆಂದು ಭಾವಿಸಲಾಗುತ್ತದೆ. ಮಕರ ಸಂಕ್ರಾಂತಿಯು ಸುಗ್ಗಿಯ ಹಬ್ಬ ಆಗಿರುವ ಕಾರಣದಿಂದಾಗಿ ಇದನ್ನು ಹಸಿರು ಹಾಗೂ ಮರಗಳ ಆರಾಧಿಸಲು ಕೂಡ ಬಳಸಲಾಗುತ್ತದೆ. ಈಗಷ್ಟೇ ಕಟಾವು ಮಾಡಲಾಗಿರುವಂತಹ ಬೆಳೆಗಳಿಗೆ ಇಲ್ಲಿ ಗೌರವ ನೀಡಲಾಗುತ್ತದೆ. ಈ ದಿನ ಮರಗಳನ್ನು ಕಡಿಯುವುದು ನಿಷಿದ್ಧವಾಗಿದೆ. ಮಕರ ಸಂಕ್ರಾಂತಿಯಂದು ಯಾರೂ ಮರಗಳನ್ನು ಕಡಿಯಲು ಹೋಗಬೇಡಿ.

ಮಾಂಸಾಹಾರ ಅಥವಾ ಮದ್ಯಪಾನ ಮಾಡಬೇಡಿ

ಎಲ್ಲಾ ಹಿಂದೂ ಹಬ್ಬಗಳಂತೆ ಮಾಂಸಾಹಾರ ಮತ್ತು ಮದ್ಯಪಾನ ಮಾಡುವುದು ಮಕರ ಸಂಕ್ರಾಂತಿಯಂದು ನಿಷಿದ್ಧವಾಗಿದೆ. ಇದರೊಂದಿಗೆ ನೀವು ಧೂಮಪಾನ ಕೂಡ ಮಾಡಬಾರದು. ಈ ಶುಭ ದಿನದಂದು ಮಾಂಸಾಹಾರ ಸೇವನೆ ಮಾಡದೆ ಸೌಹಾರ್ದತೆಯನ್ನು ಪ್ರದರ್ಶನ ಮಾಡಬೇಕು. ಇದರಿಂದ ಪ್ರಕೃತಿ ಕೂಡ ನಮಗೆ ಒಲಿಯುವುದು. ಈ ದಿನವು ಸಂಪೂರ್ಣವಾಗಿ ಸೂರ್ಯ ದೇವರಿಗೆ ಮೀಸಲಾಗಿರುವ ಕಾರಣದಿಂದ ಈ ದಿನ ಹೆಚ್ಚಿನ ಜನರು ಸೂರ್ಯ ದೇವರ ಆರಾಧನೆ ಮಾಡುವರು. ಈ ದಿನದಂದು ಮದ್ಯಪಾನ ಮತ್ತು ಮಾಂಸಾಹಾರ ಸೇವನೆ ಮಾಡುವುದು ತುಂಬಾ ಅಪವಿತ್ರವೆಂದು ಪರಿಗಣಿಸಲಾಗಿದೆ.