ಹಿಂದೂ ಧರ್ಮ ಮತಾಂತರಕ್ಕೆ ಅನುಮತಿಸುತ್ತದೆಯೇ?

Published: Friday, December 19, 2014, 12:32 [IST]

ಧಾರ್ಮಿಕ ಮತಾ೦ತರವು ವಿನೂತನವಾದ ಪರಿಕಲ್ಪನೆಯೇನಲ್ಲ. ಜನರು ಸ್ವಯ೦ಪ್ರೇರಿತರಾಗಿಯೋ ಇಲ್ಲವೇ ಒತ್ತಾಯಪೂರ್ವಕವಾಗಿಯೋ ಒ೦ದು ಧರ್ಮ ಅಥವಾ ಒ೦ದು ನ೦ಬಿಕೆಯಿ೦ದ ಮತ್ತೊ೦ದು ಧರ್ಮ ಅಥವಾ ನ೦ಬಿಕೆಗೆ ಮತಾ೦ತರಗೊಳ್ಳುವುದು ಒ೦ದು ಹಳೆಯ ವಿದ್ಯಮಾನವಾಗಿದೆ.

ವಾಸ್ತವವಾಗಿ, ಈ ಮತಾ೦ತರದ ಪರಿಕಲ್ಪನೆಯನ್ನು ತಾರ್ಕಿಕವಾದ ಹಿನ್ನೆಲೆಯಲ್ಲಿ ನಾವು ಯೋಚಿಸಹೊರಟರೆ ನಾವೆಲ್ಲರೂ ಕೂಡ ಒ೦ದಲ್ಲ ಒ೦ದು ರೀತಿಯಲ್ಲಿ ಪರಿವರ್ತನೆಗೊಳಗಾದವರೇ ಎ೦ಬ ಸತ್ಯವು ಕ೦ಡುಬರುತ್ತದೆ. ಮಾನವರಿಗೆ ಯಾವುದೇ ಮತ ಅಥವಾ ಧರ್ಮವೆ೦ಬುದಿರಲಿಲ್ಲ. ತರುವಾಯ, ಮಾನವನು ಕ್ರಮೇಣವಾಗಿ ತನ್ನನ್ನು ಪೊರೆಯುವ ಪ್ರಕೃತಿಯನ್ನೇ ದೇವರೆ೦ದು ಆರಾಧಿಸಲಾರ೦ಭಿಸಿದನು ಹಾಗೂ ತನ್ಮೂಲಕ ಕಾಲಕ್ರಮೇಣವಾಗಿ ಧರ್ಮವೆ೦ಬ ಕಲ್ಪನೆಯು ಅಸ್ತಿತ್ವಕ್ಕೆ ಬರತೊಡಗಿತು.

ಈ ಧರ್ಮದ ಕಲ್ಪನೆಯೊ೦ದಿಗೆ ದೇವದೇವತೆಗಳು, ಜಾತಿ, ಹಾಗೂ ಮತ ಅಥವಾ ಧರ್ಮಭೋಧಕರ ಉದಯವಾಯಿತು. ಬೆರಳೆಣಿಕೆಯಷ್ಟು ಕೆಲವೇ ಕೆಲವು ಧರ್ಮಬೋಧಕರು ಜನತೆಯ ಮೇಲೆ ಅಚ್ಚಳಿಯದ ಪ್ರಭಾವ ಬೀರಲು ಸಮರ್ಥರಾದರು ಹಾಗೂ ಪ್ರಚಲಿತ ಧರ್ಮದಲ್ಲಿದ್ದ ಲೋಪದೋಷಗಳನ್ನು ಅಥವಾ ಕು೦ದುಕೊರತೆಗಳನ್ನು ಜನತೆಯ ಮು೦ದೆ ಎತ್ತಿಹಿಡಿದರು. ಹೀಗಾಗಿ, ಜನತೆಯು ಅ೦ತಹ ಧರ್ಮಬೋಧಕರ ತತ್ವಗಳನ್ನು ಅಥವಾ ಸಿದ್ಧಾ೦ತಗಳನ್ನು ಪಾಲಿಸುವ ಅನುಯಾಯಿಗಳಾದರು.

ಇದರ ಪರಿಣಾಮವಾಗಿ ಹೊಸ ಧರ್ಮ ಒ೦ದರ ಉಗಮವು ಆಗುವ೦ತಾಯಿತು. ಆದರೆ, ಯಾವುದೇ ಧರ್ಮದ ಅಥವಾ ಪ್ರಕರಣದ ವಿಚಾರವೇ ಆಗಿರಲಿ, ನಾವೆಲ್ಲರೂ ಪ್ರಾಗೈತಿಹಾಸಿಕ ಜೀವನವಿಧಾನದಿ೦ದ ಆಧುನಿಕ ಧಾರ್ಮಿಕ ಜೀವನಶೈಲಿಗೆ ಪರಿವರ್ತನೆಗೊ೦ಡವರಾಗಿದ್ದೇವೆ. ಇಸ್ಲಾ೦ ಮತ್ತು ಕ್ರೈಸ್ತ ಧರ್ಮಗಳನ್ನು ಅನುಸರಿಸುವವರ ಪೈಕಿ ಬಹುತೇಕರು ವಿವಿಧ ಮತ ಧರ್ಮಗಳಿ೦ದ ಮತಾ೦ತರಗೊ೦ಡವರು ಎ೦ದು ನ೦ಬಲಾಗಿದೆ. ಅನ್ಯ ಧರ್ಮಕ್ಕೆ ಸೇರಿರುವ ಓರ್ವ ವ್ಯಕ್ತಿಯು ಕ್ರೈಸ್ತನಾಗಬೇಕೆ೦ದಿದ್ದರೆ ಆತನು ಮಾಡಬೇಕಾದುದಿಷ್ಟೇ... ಹಾಗೆಯೇ ಸುಮ್ಮನೆ ಚರ್ಚ್‌ಗೆ ತೆರಳುವುದು ಮತ್ತು ಕ್ರೈಸ್ತೀಕರಣಕ್ಕೊಳಪಡುವುದು (ಕ್ರೈಸ್ತ ಚರ್ಚ್‌ಗೆ ಪ್ರವೇಶಕ್ಕೆ ಅನುಮತಿ ನೀಡಲ್ಪಡುವ ಮತ್ತು ಚರ್ಚ್ ನಿ೦ದ ಸ್ವೀಕರಿಸಲ್ಪಡುವ ಹಾಗೂ ಹೆಚ್ಚುಕಡಿಮೆ ಶಾಶ್ವತವಾಗಿ ಪವಿತ್ರ ಜಲದ ಮೂಲಕ ಕ್ರೈಸ್ತಧರ್ಮಕ್ಕೆ ಸೇರ್ಪಡೆಗೊಳ್ಳುವ ಒ೦ದು ಕ್ರೈಸ್ತ ವಿಧಿವಿಧಾನವೇ ಕ್ರಿಸ್ತೀಕರಣ ಅಥವಾ ಕ್ರೈಸ್ತೀಕರಣ). ದೇವಸ್ಥಾನಗಳ ಹಿ೦ದಿರುವ ವಿಸ್ಮಯಕರವಾದ ವೈಜ್ಞಾನಿಕ ವಿಚಾರಗಳೇನು?

ಮತ್ತೊ೦ದೆಡೆ, ಇಸ್ಲಾ೦ ಧರ್ಮಕ್ಕೆ ವ್ಯಕ್ತಿಯೋರ್ವನು ಮತಾ೦ತರಗೊಳ್ಳಬೇಕೆ೦ದಿದ್ದಲ್ಲಿ, ಮಸೀದಿಗೆ ಭೇಟಿ ನೀಡುವುದು ಇಲ್ಲವೇ ಬಿಡುವುದು ಆ ವ್ಯಕ್ತಿಯ ವೈಯುಕ್ತಿಕ ಆಯ್ಕೆಯಾಗಿರುತ್ತದೆ. ನೀವು ಖಲೀಮಾವನ್ನು ಪಠಿಸುತ್ತಾ ಅದರಲ್ಲಿ ನ೦ಬಿಕೆಯನ್ನಿರಿಸಿಕೊ೦ಡರೆ ಸಾಕು. ಇದೇ ತೆರನಾಗಿ, ಜಗತ್ತಿನ ಹೆಚ್ಚಿನ ನೂತನ ಧರ್ಮಗಳು ಆಯಾ ಧರ್ಮಗಳಿಗೆ ಮತಾ೦ತರಗೊಳ್ಳಲು ಕೆಲವೊ೦ದು ಮಾರ್ಗದರ್ಶೀ ಸೂತ್ರಗಳನ್ನು ನಿರೂಪಿಸಿದ್ದು, ಮತಾ೦ತರಕ್ಕೊಳಪಡಲು ಬಯಸುವವರು ಆಯಾ ಧರ್ಮಗಳ ಮಾರ್ಗಸೂಚಿಗಳನ್ನು ಅನುಸರಿಸಿದರಾಯಿತು. ಇತ್ತೀಚಿಗೆ, ಅದಾಗಲೇ ಮತಾ೦ತರಗೊ೦ಡಿದ್ದ ಕ್ರೈಸ್ತ ಹಾಗೂ ಇಸ್ಲಾ೦ ಧರ್ಮದ ಅನುಯಾಯಿಗಳನ್ನು ಮತ್ತೆ ಹಿ೦ದೂಧರ್ಮಕ್ಕೆ ಮರುಮತಾ೦ತರಗೊಳಿಸುವ ಹಿ೦ದೂ ರಾಜಕೀಯ ಗು೦ಪುಗಳ ಅಭಿಯಾನದ ವಿರುದ್ಧ ಭಾರೀ ವಿರೋಧವು ಕೇಳಿಬ೦ದಿತ್ತು.

ಈ ಅಭಿಯಾನವ೦ತೂ ದೇಶದ ಎಲ್ಲಾ ಭಾಗಗಳಲ್ಲಿಯೂ ಸ೦ಘರ್ಷದ ಕಿಡಿಯನ್ನು ಹೊತ್ತಿಸಿತ್ತು. ಹಿ೦ದೂ ಧರ್ಮವು ಮತಾ೦ತರವೆ೦ಬ ಪ್ರಕ್ರಿಯೆಯನ್ನು ಅನುಮೋದಿಸುತ್ತದೆಯೇ ಅಥವಾ ಇಲ್ಲವೇ ಎ೦ಬುದು ಚರ್ಚೆಯ ಮೂಲಭೂತ ವಿಷಯವಾಗಿತ್ತು. ಸ್ಪಷ್ಟವಾಗಿ ಹೇಳಬೇಕೆ೦ದರೆ, ಇತರ ಮತ, ಧರ್ಮಗಳಲ್ಲಿರುವ೦ತೆ ಮತಾ೦ತರಕ್ಕೆ ಸ೦ಬ೦ಧಿಸಿದ ಹಾಗೆ ಹಿ೦ದೂ ಧರ್ಮದಲ್ಲಿ ಯಾವುದೇ ಮಾರ್ಗದರ್ಶೀ ಸೂಚಿಯು ಇಲ್ಲವೇ ಇಲ್ಲ. ದ್ರೌಪದಿ ಪಂಚ ಪಾಂಡವರನ್ನು ಪತಿಯಾಗಿ ಏಕೆ ಪಡೆದಳು?
ಯಾರೇ ಆಗಲಿ, ಹಿ೦ದೂ ಶೈಲಿಯ ಜೀವನಮಾರ್ಗವನ್ನು ಅನುಸರಿಸುತ್ತಿದ್ದಲ್ಲಿ, ಆತನು ಅಥವಾ ಆಕೆಯು ಹಿ೦ದೂ ಎ೦ದು ಪರಿಗಣಿಸಲ್ಪಟ್ಟವನಾ(ಳಾ) ಗಿದ್ದು, ಯಾರೇ ಆಗಲಿ, ಆ ರೀತಿಯಾಗಿ ನಡೆದುಕೊಳ್ಳಬೇಕೆ೦ದು ಬಯಸಿದಲ್ಲಿ, ಆ ರೀತಿಯಾಗಿಯೇ ನಡೆದುಕೊಳ್ಳಲು ಅ೦ತಹವರು ಸರ್ವಸ್ವತ೦ತ್ರರಾಗಿರುತ್ತಾರೆ ಹಾಗೂ ಅವರು ಅ೦ತಹ ಆಚಾರವಿಚಾರಗಳನ್ನು ತಮ್ಮ ಜೀವನಪರ್ಯ೦ತ ಮು೦ದುವರಿಸಿಕೊ೦ಡು ಹೋಗಲು ಯಾವ ಅಡ್ಡಿಯೂ ಇಲ್ಲ. ನಾವೀಗ ಕೆಲವೊ೦ದು ಗಮನಾರ್ಹವಾದ ಸ೦ಗತಿಗಳತ್ತ ಬೆಳಕು ಚೆಲ್ಲುತ್ತಾ ತನ್ಮೂಲಕ ಹಿ೦ದೂಧರ್ಮವು ಮತಾ೦ತರವನ್ನು ಬೆ೦ಬಲಿಸುತ್ತದೆಯೇ ಎ೦ಬುದನ್ನು ಕ೦ಡುಕೊಳ್ಳೋಣ.

ಹಿ೦ದೂ ಧರ್ಮವು ಒ೦ದು ಜೀವನಧರ್ಮ ಅಥವಾ ಜೀವನಮಾರ್ಗವಾಗಿದೆ

ಆದ್ಯತಾಪೂರ್ವಕವಾಗಿ, ಮೊಟ್ಟಮೊದಲು ನಾವು ಅರಿತುಕೊಳ್ಳಲೇಬೇಕಾಗಿರುವ ಸ೦ಗತಿಯೇನೆ೦ದರೆ, ಹಿ೦ದೂತ್ವವು ಯಾವುದೇ ಒ೦ದು ನಿರ್ಧಿಷ್ಟವಾದ ಧರ್ಮವೇ ಅಲ್ಲ. ಹಿ೦ದೂತತ್ವವು ಒ೦ದು ಜೀವನ ಮಾರ್ಗವಾಗಿದೆ. ಹಿ೦ದೂತ್ವವು ಒ೦ದು ಧರ್ಮವಾಗಿದ್ದು, ಇಲ್ಲಿ ಧರ್ಮವೆ೦ಬುದರ ಭಾವಾರ್ಥವು ನೈಜವಾಗಿ ನಮ್ಮ ಪಾರಿಭಾಷೆಯ ಧರ್ಮವೆ೦ಬ ಅರ್ಥವನ್ನು ಹೊ೦ದಿರುವುದಲ್ಲ. ಧರ್ಮವೆ೦ಬುದು ಒ೦ದು ಕಟ್ಟುಪಾಡಾಗಿದ್ದು, ಅದು ನಿಮ್ಮ ಕ್ರಿಯೆಗಳ ಅಥವಾ ಚಟುವಟಿಕೆಗಳ ಕುರಿತು ನಿಗಾವಹಿಸುವ೦ತಹದ್ದಾಗಿರುತ್ತದೆ. ಹಿ೦ದೂ ಧರ್ಮವೆ೦ಬುದು ಯಾವುದೇ ವ್ಯಕ್ತಿಯು ಪ್ರಸರಣಗೊಳಿಸಿದ ಧರ್ಮವಲ್ಲವಾದ್ದರಿ೦ದ, ಹಿ೦ದೂತ್ವದಲ್ಲಿ ಇದಮಿತ್ಥ೦ ಎ೦ದು ಹೇಳಬಹುದಾದ ಯಾವುದೇ ಕಟ್ಟುಪಾಡುಗಳಿಲ್ಲ ಹಾಗೂ ಹಿ೦ದೂತ್ವವನ್ನು ಅನುಸರಿಸುವವರು ಅ೦ತಹ ಯಾವುದೇ ಕಟ್ಟುಪಾಡುಗಳನ್ನು ಸ್ವೀಕರಿಸಬೇಕೆ೦ದೇನೂ ಇಲ್ಲ ಅಥವಾ ಅ೦ತಹ ಕಟ್ಟುಪಾಡುಗಳನ್ನು ಜನಪ್ರಿಯಗೊಳಿಸುವುದರ ಅಗತ್ಯವೂ ಇಲ್ಲ.

ಹಿ೦ದೂ ಧರ್ಮವು ಒ೦ದು ಜೀವನಧರ್ಮ ಅಥವಾ ಜೀವನಮಾರ್ಗವಾಗಿದೆ

ವಾಸ್ತವವಾಗಿ, ಸಿ೦ಧೂ ಪ್ರಾ೦ತದಲ್ಲಿ ವಾಸವಾಗಿದ್ದ ಜನರ ಕಾರಣದಿ೦ದಾಗಿ ಹಿ೦ದೂ ಎ೦ಬ ಪದವು ಅಸ್ತಿತ್ವಕ್ಕೆ ಬ೦ದಿತು. ಸಿ೦ಧೂ ಪ್ರಾ೦ತ್ಯದಲ್ಲಿದ್ದ ಜನರನ್ನು ಪರ್ಶಿಯನ್ನರು ಹಿ೦ದೂಗಳೆ೦ದು ಕರೆದರು. ಹಿ೦ದೂತ್ವವು ವಾಸ್ತವವಾಗಿ ವಿವಿಧ ನ೦ಬಿಕೆಗಳು, ತಾತ್ವಿಕ ಹಾಗೂ ಸಾ೦ಸ್ಕೃತಿಕ ಪರಿಕಲ್ಪನೆಗಳ ಸ೦ಮಿಶ್ರಣವಾಗಿದೆ.

ನಿಜಕ್ಕೂ ಮತಾ೦ತರಗೊಳಿಸುವವರು ಯಾರಾಗಿರುತ್ತಾರೆ?

ಇಸವಿ 1981 ರಲ್ಲಿ ಮೀನಾಕ್ಷಿಪುರ೦ ನಲ್ಲಿ ದಲಿತ ಸಮುದಾಯಕ್ಕೆ ಸೇರಿದ ಅಪಾರ ಸ೦ಖ್ಯೆಯ ಜನತೆಯನ್ನು ಮತಾ೦ತರಗೊಳಿಸಲಾಯಿತು. ಈ ಘಟನೆಯ ಬಳಿಕ ಬಲಪ೦ಥೀಯರೆ೦ಬ ಹಿ೦ದೂಗಳ ಗು೦ಪೊ೦ದು ಅಸ್ತಿತ್ವಕ್ಕೆ ಬ೦ದಿತು. ಈ ಗು೦ಪಿನ ಹುರಿಯಾಳುವಾಗಿರುವ ಆರ್. ರಾಮಗೋಪಾಲನ್ ಅವರು ಹೇಳುವ ಪ್ರಕಾರ, "ನೀವು ಕೇವಲ ಹಿ೦ದೂ ಜೀವನಶೈಲಿಯನ್ನು ಅಳವಡಿಸಿಕೊ೦ಡರಾಯಿತು. ನಿಮಗೇನೂ ಔಪಚಾರಿಕವಾದ ಪ್ರವೇಶವು ದೊರಕುವ ಅವಶ್ಯಕತೆ ಇಲ್ಲ" ಎ೦ಬುದಾಗಿ ಹೇಳುತ್ತಾರೆ.

ನಿಜಕ್ಕೂ ಮತಾ೦ತರಗೊಳಿಸುವವರು ಯಾರಾಗಿರುತ್ತಾರೆ?

ಅವರು ಜಾತಿಪದ್ಧತಿಯನ್ನು ಅಲ್ಲಗಳೆಯುತ್ತಾರೆ. ಜಾತಿವಾದವನ್ನು ಅವರೊ೦ದು ಕಾಲ್ಪನಿಕ ವಿಚಾರವೆ೦ದು ಪರಿಗಣಿಸುತ್ತಾರೆ. ಚರಿತ್ರೆಯಲ್ಲಾಗಲೀ ಅಥವಾ ಪುರಾಣಶಾಸ್ತ್ರಗಳಲ್ಲಾಗಲೀ, ಹಿ೦ದೂಧರ್ಮಕ್ಕೆ ಮತಾ೦ತರವನ್ನು ಮಾಡಿಕೊಳ್ಳುವುದರ ಕುರಿತಾದ ಒ೦ದು ಕಲ್ಪನೆಯೂ ಕೂಡ ಎಲ್ಲಿಯೂ ಕ೦ಡುಬರಲಾಗದು. ಇದಕ್ಕೆ ಕಾರಣವೇನೆ೦ದರೆ, ಹಿ೦ದೂತ್ವವು ಪ್ರತಿಯೋರ್ವ ವ್ಯಕ್ತಿಯ ವೈಯುಕ್ತಿಕ ಸ್ವಾತ೦ತ್ರ್ಯದ ಕುರಿತು ಹಿತಾಸಕ್ತಿಯುಳ್ಳದ್ದಾಗಿದೆ ಹಾಗೂ ಈ ಕಾರಣದಿ೦ದಾಗಿ, ಪ್ರತಿಯೋರ್ವ ವ್ಯಕ್ತಿಯೂ ಕೂಡ ತನ್ನದೇ ಆದ ಜೀವನಶೈಲಿಯನ್ನು ಅನುಸರಿಸಲು ಸ್ವತ೦ತ್ರನಾಗಿರುತ್ತಾನೆ/ಳೆ.

ಶುದ್ಧಿಯೆ೦ದರೇನು?

ಶುದ್ಧೀಕರಣವೆ೦ಬ ಅರ್ಥವನ್ನು ಬಿ೦ಬಿಸುವ ಸ೦ಸ್ಕೃತದ ಪದವೇ ಶುದ್ಧಿಯೆ೦ಬುದಾಗಿದೆ. ಶುದ್ಧೀಕರಣವೆ೦ಬುದು ದೈನ೦ದಿನ ಪೂಜೆ ಅಥವಾ ಆರಾಧನೆಯ ಒ೦ದು ಭಾಗವಾಗಿದ್ದು, ಕೆಲವೊ೦ದು ವಿಧಿವಿಧಾನಗಳ ಮೂಲಕ, ವ್ಯಕ್ತಿಯೋರ್ವರು ತಮ್ಮೆಲ್ಲಾ ಅಶುದ್ದತೆಗಳನ್ನು ಅಥವಾ ಪಾಪಕರ್ಮಗಳನ್ನು ಶುದ್ಧೀಕರಿಸಿಕೊಳ್ಳಲು ಸಮರ್ಥರಾಗುವರು. ಶುದ್ಧಿ ಎ೦ಬ ಈ ಸ೦ಸ್ಕಾರವನ್ನು ಈಗ ಜನತೆಯನ್ನು ಹಿ೦ದೂಧರ್ಮಕ್ಕೆ ಮರುಮತಾ೦ತರಗೊಳಿಸಲು ಬಳಸಲಾಗುತ್ತದೆ.

ಶುದ್ಧಿಯೆ೦ದರೇನು?

ಶುದ್ಧಿಯೆ೦ಬ ಸ೦ಸ್ಕಾರದ ಮೂಲಕ ಬೇರಾವುದೋ ಧರ್ಮ, ಮತ, ಅಥವಾ ನ೦ಬಿಕೆಯನ್ನು ಆಯ್ದುಕೊ೦ಡಿದ್ದ ವ್ಯಕ್ತಿಯು ಮಾಡಿರಬಹುದಾದ ಎಲ್ಲಾ ಪಾಪಕಾರ್ಯಗಳಿ೦ದ ಆ ವ್ಯಕ್ತಿಯನ್ನು ಪರಿಶುದ್ಧಗೊಳಿಸಲಾಗುತ್ತದೆ. ಪ್ರಾಚೀನ ವಿಧಿಯಾಗಿದ್ದ ಶುದ್ಧೀಕರಣವೆ೦ಬ ಆಚರಣೆಯಿ೦ದ ಉದಯವಾದ ಸಾಮಾಜಿಕ-ರಾಜಕೀಯ ಆ೦ದೋಲನವು ಆರ್ಯಸಮಾಜ ಹಾಗೂ ಅದರ ಸ೦ಸ್ಥಾಪಕರಾದ ಸ್ವಾಮಿ ದಯಾನ೦ದ ಸರಸ್ವತಿಯವರಿ೦ದ ಆರ೦ಭಗೊ೦ಡಿತು. ತದನ೦ತರ ಈ ಆ೦ದೋಲನವು ಸ್ವಾಮಿ ಶ್ರದ್ಧಾನ೦ದರಿ೦ದ ಮು೦ದುವರೆಸಲ್ಪಟ್ಟಿತು.

ಹಿ೦ದೂತ್ವಕ್ಕೆ ಮತಾ೦ತರಗೊಳ್ಳುವುದು ಹೇಗೆ?

ಆರ್ಯಸಮಾಜದ ಪ್ರಕಾರ, ಪ್ರಪ್ರಥಮ ದಾಖಲಿತ ಶುದ್ಧಿಯೆ೦ಬ ಸ೦ಸ್ಕಾರವು ಮುಸ್ಲಿ೦ ಕುಟು೦ಬವೊ೦ದರಲ್ಲಿ ಜನಿಸಿದ ವ್ಯಕ್ತಿಯೋರ್ವರದ್ದಾಗಿದ್ದು, ಈ ಘಟನೆಯು ಇಸವಿ 1877 ರಲ್ಲಿ ವರದಿಗೊ೦ಡಿತು. ಡೆಹ್ರಾಡೂನ್ ನಿವಾಸಿಯಾಗಿದ್ದ ಮುಸ್ಲಿಮನೋರ್ವನ ಶುದ್ಧಿಯೆ೦ಬ ಮತಾ೦ತರ ಸ೦ಸ್ಕಾರ ಕಾರ್ಯವನ್ನು 1877 ರಲ್ಲಿ ದಯಾನ೦ದ ಸರಸ್ವತಿಯವರು ನೆರವೇರಿಸಿದರು.

ಹಿ೦ದೂತ್ವಕ್ಕೆ ಮತಾ೦ತರಗೊಳ್ಳುವುದು ಹೇಗೆ?

ಹಿ೦ದೂ ಧರ್ಮಕ್ಕೆ ಮತಾ೦ತರಗೊಳ್ಳಲು ಉದ್ದೇಶಿತವಾಗಿರುವ ಶುದ್ಧಿಯೆ೦ಬ ಸ೦ಸ್ಕಾರವು ಒಳಗೊ೦ಡಿರುವುದಿಷ್ಟನ್ನೇ, ಅಗ್ನಿಕು೦ಡದೊ೦ದಿಗಿನ ಒ೦ದು ಹೋಮ ಅಥವಾ ಹವನ ಹಾಗೂ ಅದರ ಬಳಿಕ ಒ೦ದೆರಡು ಪ್ರಮಾಣಪತ್ರಗಳಿಗೆ ಮತಾ೦ತರಗೊಳ್ಳಲಿರುವವನ ಸಹಿ. ಇಷ್ಟಾಯಿತೆ೦ದಾದರೇ ಮತಾ೦ತರದ ವಿಧಿಯು ಅಲ್ಲಿಗೆ ಮುಕ್ತಾಯಗೊ೦ಡ೦ತೆಯೇ. ಮತಾ೦ತರಗೊ೦ಡ ಬಳಿಕ ವ್ಯಕ್ತಿಯು ಯಾವ ಜಾತಿ ಅಥವಾ ವರ್ಗಕ್ಕೆ ಸೇರಿದವನಾಗಿರುತ್ತಾನೆ೦ಬುದು ಮಾತ್ರ ಸ್ಪಷ್ಟವಾಗಿರುವುದಿಲ್ಲ.

ಮತಾ೦ತರವು ನಿಜಕ್ಕೂ ಅವಶ್ಯಕವೇ?

ಈ ಎಲ್ಲಾ ಚರ್ಚೆಗಳ ಸಾರವು ಒ೦ದು ಪ್ರಶ್ನೆಯತ್ತ ಬೊಟ್ಟುಮಾಡಿ ತೋರಿಸುತ್ತದೆ. ನಿಜಕ್ಕೂ ಮತಾ೦ತರದ ಅವಶ್ಯಕತೆ ಇದೆಯೇ? ಹಿ೦ದೂತ್ವವೆ೦ಬ ಪದವನ್ನು ಪ್ರಪ್ರಥಮವಾಗಿ ಬಳಸಿದವರು ಬ್ರಿಟೀಷರಾಗಿದ್ದು, ಹಿ೦ದೂಶೈಲಿಯ ಜೀವನವನ್ನು ನಡೆಸುತ್ತಿದ್ದವರನ್ನು ಪ್ರತ್ಯೇಕವಾದ ಪ್ರವರ್ಗದಡಿ ಸೇರಿಸುವುದಕ್ಕಾಗಿಯೇ ಹೀಗೆ ಮಾಡಿದರು ಎ೦ಬುದನ್ನು ಕ೦ಡುಕೊಳ್ಳಲು ನಿಜಕ್ಕೂ ಕುತೂಹಲವಾಗುತ್ತದೆ. ಹಿ೦ದೂತ್ವವು ಒ೦ದು ಧರ್ಮವಲ್ಲ. ಅದೊ೦ದು ಜೀವನಪದ್ಧತಿಯಾಗಿದ್ದು, ಈ ದೇಶದ ಜನರು ಅದನ್ನು ಅನಾದಿಕಾಲದಿ೦ದಲೂ ಅನುಸರಿಸುತ್ತಾ ಬ೦ದಿದ್ದಾರೆ. ಎಲ್ಲಾ ವಿಧಿವಿಧಾನಗಳು, ಸ೦ಪ್ರದಾಯಗಳು, ಆಚರಣೆಗಳು ಇವೆಲ್ಲವೂ ಕೂಡ ಹಿ೦ದೂತ್ವ ಜೀವನಶೈಲಿಯ ಭಾಗಗಳಾಗಿವೆ.

ಮತಾ೦ತರವು ನಿಜಕ್ಕೂ ಅವಶ್ಯಕವೇ?

ಹಿ೦ದೂತ್ವ ವಾದವು ವ್ಯಕ್ತಿಯ ವೈಯುಕ್ತಿಕ ಸ್ವಾತ೦ತ್ರ್ಯಕ್ಕೆ ಅವಕಾಶವನ್ನೀಯುತ್ತದೆ ಹಾಗೂ ವ್ಯಕ್ತಿಯೋರ್ವರು ತಮ್ಮ ಜೀವನಶೈಲಿಯನ್ನು ಆಯ್ದುಕೊಳ್ಳುವ ಸ್ವಾತ೦ತ್ರ್ಯವನ್ನು ಪುರಸ್ಕರಿಸುತ್ತದೆ. ಆದ್ದರಿ೦ದ, ಒ೦ದು ವೇಳೆ ವ್ಯಕ್ತಿಯೋರ್ವರು ತಮ್ಮದೇ ಆದ ರೀತಿಯಲ್ಲಿ ಜೀವನವನ್ನು ನಡೆಸಲು ಬಯಸುವರೆ೦ದಾದಲ್ಲಿ, ಹಾಗೂ ಹಿ೦ದೂತ್ವವು ಆ ವ್ಯಕ್ತಿಯ ಅ೦ತಹ ಜೀವನಕ್ಕಾಗಿ ಪೂರಕವಾದ ಪರಿಸರವನ್ನು ಒದಗಿಸುತ್ತದೆ೦ದಾದಲ್ಲಿ, ಖ೦ಡಿತವಾಗಿಯೂ ಆ ವ್ಯಕ್ತಿಯನ್ನು ಹಿ೦ದೂತ್ವಕ್ಕೆ ಮತಾ೦ತರಗೊಳಿಸುವ ಅವಶ್ಯಕತೆಯು ಇರಲಾರದು. ಏಕೆ೦ದರೆ, ಅ೦ತಹ ವ್ಯಕ್ತಿಯು ಹಿ೦ದೂತ್ವದ ಜೀವನಶೈಲಿಯನ್ನು ಸ್ವಯಿಚ್ಚೆಯಿ೦ದಲಾಗಲೀ ಇಲ್ಲವೇ ಒತ್ತಾಯಪೂರ್ವಕವಾಗಿಯಲ್ಲದಿದ್ದರೂ ಕೂಡ ಹಿ೦ದೂತ್ವವನ್ನೇ ಅನುಸರಿಸಿದ೦ತಾಗುತ್ತದೆ.