ಇಂಥವರಿಗೆ ತೊಂದರೆ ನೀಡಿದರೆ ಶನಿದೇವನಿಗೆ ತುಂಬಾ ಕೋಪ ಬರುತ್ತದೆ

ಬಡವರನ್ನು ನೋಯಿಸಬೇಡಿ

ಒಬ್ಬ ವ್ಯಕ್ತಿಯು ಬಡವರಿಗೆ ಕಿರುಕುಳ ನೀಡಿದರೆ ಅಥವಾ ನಿರ್ಗತಿಕರನ್ನು ಅವಮಾನಿಸಿದರೆ ಶನಿದೇವನು ಅವನ ಮೇಲೆ ಕೋಪಗೊಳ್ಳಬಹುದು.

ಯಾವುದೇ ಕೂಲಿ, ಭಿಕ್ಷುಕ ಅಥವಾ ನಿರ್ಗತಿಕರನ್ನು ಹಿಂಸಿಸಿದರೆ ಶನಿದೇವನು ತಕ್ಷಣವೇ ಕೋಪಗೊಳ್ಳುತ್ತಾನೆ. ಮತ್ತೊಂದೆಡೆ, ಬಡವರನ್ನು ಗೌರವಿಸುವ ಮತ್ತು ಅಗತ್ಯವಿರುವವರಿಗೆ ದಾನ ಮಾಡುವ ಜನರ ಮೇಲೆ ಶನಿಯು ವಿಶೇಷ ಅನುಗ್ರಹ ಹೊಂದಿದ್ದಾನೆ.

ಮನೆಯ ಸಹಾಯಕರಿಗೆ ತೊಂದರೆ ಕೊಡಬೇಡಿ

ಸಾಮಾನ್ಯವಾಗಿ ಮನೆಯಲ್ಲಿ ಕೆಲಸ ಮಾಡುವವರನ್ನು ಸೇವಕರೆಂದು ಪರಿಗಣಿಸಿ ಅನುಚಿತವಾಗಿ ವರ್ತಿಸುತ್ತಾರೆ. ಆದರೆ ನೀವು ಅವರಿಗೆ ತೊಂದರೆ ನೀಡಿದರೆ, ಅದು ನಿಮ್ಮ ಮೇಲೆ ನೇರವಾಗಿ ಪರಿಣಾಮ ಬೀರುತ್ತದೆ ಮತ್ತು ಶನಿದೇವನು ನಿಮ್ಮ ಮೇಲೆ ಕೋಪಗೊಳ್ಳುತ್ತಾನೆ. ಕೆಲಸ ಮಾಡುವವರನ್ನು ಎಂದಿಗೂ ಬೆದರಿಸಬೇಡಿ ಹಾಗೂ ನಿಂದಿಸಬೇಡಿ. ಒಬ್ಬ ವ್ಯಕ್ತಿಯಾಗಿ ಸದಾ ಗೌರವಿಸಿ.

ಕಪ್ಪು ನಾಯಿಯನ್ನು ನೋಯಿಸಬೇಡಿ

ಕಪ್ಪು ನಾಯಿ ಶನಿ ದೇವನಿಗೆ ಸಂಬಂಧಿಸಿದೆ ಎಂದು ನಂಬಲಾಗಿದೆ. ನೀವು ಎಂದಾದರೂ ಕಪ್ಪು ನಾಯಿಗೆ ಹಾನಿ, ನೋವು ಮಾಡಿದರೆ, ಅದು ನಿಮ್ಮ ಜೀವನದ ಮೇಲೆ ನೇರ ಪರಿಣಾಮ ಬೀರುತ್ತದೆ. ಇಂಥಾ ಕೃತ್ಯದಿಂದ ಶನಿದೇವರು ನಿಮ್ಮ ಮೇಲೆ ಕೋಪಗೊಳ್ಳಬಹುದು ಎಂದು ನಂಬಲಾಗಿದೆ.

ಮಕ್ಕಳನ್ನು ನೋಯಿಸಬೇಡಿ

ಚಿಕ್ಕ ಮಕ್ಕಳನ್ನು ದೇವರ ರೂಪವೆಂದು ಪರಿಗಣಿಸಲಾಗುತ್ತದೆ ಮತ್ತು ಯಾರಾದರೂ ಮಕ್ಕಳನ್ನು ಯಾವುದೇ ಕಾರಣವಿಲ್ಲದೆ ಹಿಂಸಿಸಿದರೆ ಅವರ ಜೀವನದಲ್ಲಿ ತೊಂದರೆಗಳು ಉಂಟಾಗಬಹುದು ಎಂದು ಹೇಳಲಾಗುತ್ತದೆ. ಅಷ್ಟೇ ಅಲ್ಲ, ಮಕ್ಕಳಿಗೆ ತೊಂದರೆ ನೀಡಿದರೆ ಶನಿದೇವನೂ ನಿಮ್ಮ ಮೇಲೆ ಕೋಪಗೊಳ್ಳಬಹುದು, ಇದರಿಂದ ನೀವು ಮಾಡಿದ ಕೆಲಸವೂ ಹಾಳಾಗಬಹುದು ಮತ್ತು ಮನೆಯಲ್ಲಿ ಸಮಸ್ಯೆಗಳು ಬರಲು ಪ್ರಾರಂಭಿಸುತ್ತವೆ.