ದೀಪಾವಳಿ 2021: ಬೆಳಕಿನ ಹಬ್ಬದ ರಾತ್ರಿ ಈ ಐದು ವಿಷಯಗಳು ಕಣ್ಣಿಗೆ ಬಿದ್ದರೆ ಅದೃಷ್ಟವಂತೆ!

ಗೂಬೆ:

ಎಲ್ಲರಿಗೂ ತಿಳಿದಿರುವಂತೆ, ಗೂಬೆಯನ್ನು ಲಕ್ಷ್ಮಿ ದೇವಿಯ ವಾಹನ. ಶಕುನ ಶಾಸ್ತ್ರದ ಪ್ರಕಾರ, ದೀಪಾವಳಿಯ ರಾತ್ರಿ ಗೂಬೆಯನ್ನು ನೋಡುವುದು ತುಂಬಾ ಮಂಗಳಕರವೆಂದು ಪರಿಗಣಿಸಲಾಗಿದೆ. ದೀಪಾವಳಿಯ ರಾತ್ರಿ ಗೂಬೆ ಕಾಣಿಸಿಕೊಂಡರೆ ಅಥವಾ ನಿಮ್ಮ ಕಣ್ಣಿಗೆ ಬಿದ್ದರೆ, ಲಕ್ಷ್ಮಿ ದೇವಿಯು ವರ್ಷವಿಡೀ ಮನೆಯಲ್ಲಿರುತ್ತಾಳೆ ಎಂಬ ನಂಬಿಕೆಯಿದೆ.

ಬೆಕ್ಕು:

ಸಾಮಾನ್ಯ ದಿನಗಳಲ್ಲಿ ಶುಭಕೆಲಸಗಳಿಗೆ ಹೊರಟಾಗ ಬೆಕ್ಕನ್ನು ನೋಡುವುದು ಅಶುಭವೆಂದು ಪರಿಗಣಿಸಲಾಗುತ್ತದೆ, ಆದರೆ ಶಕುನ ಶಾಸ್ತ್ರದ ಪ್ರಕಾರ, ದೀಪಾವಳಿಯ ರಾತ್ರಿ ಬೆಕ್ಕನ್ನು ನೋಡುವುದು ಲಕ್ಷ್ಮಿ ದೇವಿಯ ಆಗಮನದ ಸೂಚಕವಾಗಿದೆ. ನಿಮ್ಮ ಮನೆಯ ಸುತ್ತಲೂ ಬೆಕ್ಕನ್ನು ಕಂಡರೆ ಮನೆಯಲ್ಲಿ ಸಂತೋಷ ನೆಲೆಸಿರುತ್ತದೆ ಎಂಬ ನಂಬಿಕೆ ಧಾರ್ಮಿಕ ವರ್ಗದಲ್ಲಿದೆ.

ಇಲಿ:

ಸಾಮಾನ್ಯವಾಗಿ ಮನೆಯಲ್ಲಿ ಇಲಿ ಇರುವುದು ಕೆಟ್ಟದೆಂದು ಪರಿಗಣಿಸಲಾಗಿದೆ. ಆದರೆ ದೀಪಾವಳಿಯ ರಾತ್ರಿ ಮನೆಯೊಳಗೆ ಇಲಿ ಕಂಡರೆ ಅದೃಷ್ಟ ಖುಲಾಯಿಸುತ್ತದೆ ಎಂದು ಶಕುನ ಶಾಸ್ತ್ರ ಹೇಳುತ್ತದೆ. ಮನೆಯಲ್ಲಿ ಇಲಿ ನೋಡುವುದರಿಂದ ಮನೆಯ ಆರ್ಥಿಕ ಅಡಚಣೆಗಳು ದೂರವಾಗುತ್ತವೆ ಮತ್ತು ಕುಟುಂಬದ ಎಲ್ಲಾ ಕೆಟ್ಟ ದಿನಗಳು ಅಂತ್ಯವಾಗುತ್ತವೆಯಂತೆ.

ಹಸು:

ಹಿಂದೂ ಧಾರ್ಮಿಕ ಗ್ರಂಥಗಳ ಪ್ರಕಾರ, ಹಸುವನ್ನು ಪವಿತ್ರವೆಂದು ಭಾವಿಸಿ ಪೂಜಿಸಲಾಗುತ್ತದೆ. ದೀಪಾವಳಿಯ ರಾತ್ರಿ ಹಸು ಕಾಣಿಸಿಕೊಂಡರೆ, ದೇವಿ ಲಕ್ಷ್ಮಿ ಕುಟುಂಬಕ್ಕೆ ಪ್ರೀತಿಯನ್ನು ಸುರಿಸುತ್ತಾಳೆ ಎಂದರ್ಥ. ಹಸುವನ್ನು ನೋಡುವುದರಿಂದ ಕುಟುಂಬ ಸದಸ್ಯರಲ್ಲಿ ವಾತ್ಸಲ್ಯ ಹೆಚ್ಚುತ್ತದೆ ಮತ್ತು ಐಕ್ಯವು ಬಲಗೊಳ್ಳುತ್ತದೆ. ಇದರಿಂದ ಕುಟುಂಬ ಜೀವನ ಸಂತಸಮಯವಾಗಿರುತ್ತದೆ.

ಹಲ್ಲಿ:

ಇದು ಮನೆಗಳಲ್ಲಿ ಹೆಚ್ಚಾಗಿ ಕಾಣುವ ಜೀವಿ. ಸೊಳ್ಳೆ, ನೊಣಗಳಂತಹ ಸಣ್ಣ ಜೀವಿಗಳನ್ನು ತಿಂದು ಮನೆಯನ್ನು ಶುಚಿಗೊಳಿಸುತ್ತಾ ಹೋಗುವ ಈ ಜೀವಿಯಿಂದ ನಮಗೆ ಹಾನಿಯಾಗದಿದ್ದರೂ ಸಾಮಾನ್ಯವಾಗಿ ಜನರೂ ಅದಕ್ಕೆ ಹೆದರುತ್ತಾರೆ. ಶಕುನ ಶಾಸ್ತ್ರದ ಪ್ರಕಾರ, ದೀಪಾವಳಿಯ ರಾತ್ರಿ ಮನೆಯಲ್ಲಿ ಹಲ್ಲಿಯನ್ನು ನೋಡಿದರೆ, ನಿಮ್ಮ ಮನೆಯಲ್ಲಿ ಸಂತೋಷ ಮತ್ತು ಸಮೃದ್ಧಿ ಬರಲಿದೆ ಎಂದರ್ಥ.