ಜನವರಿ 2022: ಹೊಸವರ್ಷದ ಮೊದಲ ತಿಂಗಳಲ್ಲಿ ವಿವಾಹಕ್ಕಿರುವ ಶುಭದಿನಾಂಕ ಹಾಗೂ ಮುಹೂರ್ತಗಳು

ಯಾವುದೇ ವಿವಾಹಕ್ಕಾದರೂ, ಶುಭ ದಿನಾಂಕ ಹಾಗೂ ಮುಹೂರ್ತ ತುಂಬಾ ಮುಖ್ಯ. ಗಂಡು-ಹೆಣ್ಣಿನ ಜಾತಕ ಕೂಡಿ ಬಂದು, ಉತ್ತಮ ದಿನದಲ್ಲಿ ವಿವಾಹದವಾದರೆ ಅವರ ದಾಂಪತ್ಯ ಜೀವನ ಸುಖಕರವಾಗಿರುದೆಂಬ ನಂಬಿಕೆ ಹೆಚ್ಚಿನವರದ್ದು. ಅದಕ್ಕಾಗಿಯೇ, ಮದುವೆ ನಿಶ್ಚಯ ಮಾಡಲು ಉತ್ತಮ ದಿನಾಂಕಗಳನ್ನು ಜ್ಯೋತಿಷ್ಯರ ಬಳಿ ಕೇಳಿ, ತಿಳಿದುಕೊಳ್ಳುವುದು ವಾಡಿಕೆ. ಆದ್ದರಿಂದ ನಾವಿಂದು, ಹೊಸವರ್ಷದಲ್ಲಿ ಅಂದರೆ, 2022ರ ಜನವರಿಯಲ್ಲಿ ವಿವಾಹಕ್ಕಿರುವ ಶುಭದಿನಾಂಕ ಹಾಗೂ ಮುಹೂರ್ತಗಳ ಬಗ್ಗೆ ಮಾಹಿತಿ ನೀಡಲಿದ್ದೇವೆ.

ಜನವರಿ 2022 ರಲ್ಲಿ ಮದುವೆಗಿರುವ ಶುಭ ದಿನಾಂಕ ಹಾಗೂ ಮುಹೂರ್ತಗಳ ಪಟ್ಟಿ ಈ ಕೆಳಗಿದೆ:

ಯಾವುದೇ ಹಿಂದೂ ವಿವಾಹದಲ್ಲಿ ವಿವಾಹ ಮುಹೂರ್ತವು ವಿವಾಹದ ದಿನಾಂಕವನ್ನು ನಿರ್ಧರಿಸುವಲ್ಲಿ ಪ್ರಮುಖ ಅಂಶವಾಗಿದೆ. ಅಶುಭ ದಿನದಂದು ನಡೆಯುವ ವಿವಾಹಗಳು ದಂಪತಿಗಳಿಗೆ ಪ್ರತಿಕೂಲ ಪರಿಣಾಮಗಳನ್ನು ಉಂಟುಮಾಡಬಹುದು. ಮುಂಬರುವ ವರ್ಷದಲ್ಲಿ ನೀವು ಮದುವೆಯಾಗಲು ಯೋಚಿಸುತ್ತಿದ್ದರೆ,2022 ರಲ್ಲಿ ಶುಭ ವಿವಾಹ ದಿನಾಂಕಗಳನ್ನು ಈ ಕೆಳಗೆ ನೀಡಲಾಗಿದೆ. ಇವುಗಳಲ್ಲಿ ನಿಮಗೆ ಸೂಕ್ತವಾಗಿರುವುದನ್ನು ಆಯ್ಕೆ ಮಾಡಿಕೊಳ್ಳಬಹುದು.

2022ರ ಜನವರಿಯಲ್ಲಿ ವಿವಾಹಕ್ಕಿರುವ ಶುಭದಿನ ಹಾಗೂ ಮುಹೂರ್ತಗಳು:

ಹೊಸವರ್ಷದ ಮೊದಲ ತಿಂಗಳಲ್ಲಿ ಮದುವೆಗೆ ಒಟ್ಟು ಐದು ಶುಭ ಮುಹೂರ್ತಗಳಿವೆ. ಅವುಗಳೆಂದರೆ,

ಜನವರಿ 15, 2022, ಶನಿವಾರ ಬೆಳಗ್ಗೆ 06:46ರಿಂದ ಮಧ್ಯಾಹ್ನ 02:34ರವರೆಗೆ

ಜನವರಿ 20, 2022, ಗುರುವಾರ ಮಧ್ಯಾಹ್ನ 02:44ರಿಂದ ಸಂಜೆ 08:31ರವರೆಗೆ

ಜನವರಿ 23, 2022, ಭಾನುವಾರ ಮಧ್ಯಾಹ್ನ 12:50ರಿಂದ ಬೆಳಗ್ಗೆ 06:46ರವರೆಗೆ

ಜನವರಿ 27, 2022, ಗುರುವಾರ ಬೆಳಗ್ಗೆ 08:51ರಿಂದ ಮಧ್ಯಾಹ್ನ 03:28ರವರೆಗೆ

ಜನವರಿ 29, 2022, ಶನಿವಾರ ಸಂಜೆ 06:03ರಿಂದ ಬೆಳಗ್ಗೆ 02:29ರವರೆಗೆ