ಆಷಾಢ ಪ್ರಾರಂಭ ಯಾವಾಗ? ಈ ತಿಂಗಳಿನಲ್ಲಿ ಈ ಮಹತ್ವದ ದಿನಗಳು

ಹಿಂದೂ ಕ್ಯಾಲೆಂಡರ್‌ನ 4ನೇ ತಿಂಗಳು ಆಷಾಢ ಮಾಸ. ಈ ತಿಂಗಳಿನಲ್ಲಿ ಕುಮಾರ ಷಷ್ಠಿ, ಶಮಿ ಗೌರಿ ವ್ರತ, ಭಾನು ಸಪ್ತಮಿ, ಚಾತುರ್ಮಾಸ ವ್ರತ, ಭೀಮನ ಅಮವಾಸ್ಯೆ ಹೀಗೆ ಪ್ರಮುಖ ಆಚರಣೆಗಳಿವೆ. 2023ರಲ್ಲಿ ಆಷಾಢ ಮಾಸ ಯಾವಾಗ? ಈ ತಿಂಗಳಿನಲ್ಲಿ ಬರುವ ಪ್ರಮುಖ ಹಬ್ಬಗಳು, ಆಚರಣೆಗಳು ಇವುಗಳ ಮಹತ್ವದ ಬಗ್ಗೆ ಹೇಳಲಾಗಿದೆ ನೋಡಿ:

ಆಷಾಢ ಮಾಸ 2023

ಆಷಾಢ ಮಾಸ 2023ರಲ್ಲಿ ಜೂನ್‌ 19ರಿಂದ ಪ್ರಾರಂಭವಾಗಿ ಜುಲೈ 17ಕ್ಕೆ ಮುಕ್ತಾಯವಾಗಲಿದೆ. ಉತ್ತರ ಭಾರತದಲ್ಲಿ ಜೂನ್‌ 5ಕ್ಕೆ ಪ್ರಾರಂಭವಾಗುವುದು.

ಆಷಾಢ ಮಾಸದ ಮಹತ್ವ

• ಆಷಾಢ ಮಾಸ ದಕ್ಷಿಣಾಯನದಿಂದ ಪ್ರಾರಂಭವಾಗುವುದು. ಸೂರ್ಯ ದಕ್ಷಿಣಾಭಿಮುಖವಾಗಿ ಚಲಿಸುವುದು. ಉತ್ತರಾಯಣ ಪ್ರಾರಂಭವಾಗಿ 6 ತಿಂಗಳ ನಂತರ ದಕ್ಷಿಣಾಯನ ಪ್ರಾರಂಭವಾಗುವುದು.
• ಆಷಾಢ ಮಾಸದಿಂದ ಚಾತುರ್ಮಾಸ ಪ್ರಾರಂಭವಾಗುವುದು. ಇದು ಶಯನ ಏಕಾದಶಿಯಂದು ಚಾತುರ್ಮಾಸ ಪ್ರಾರಂಭವಾಗುವುದು.
• ಆಷಾಢ ಮಾಸದ ಶುಕ್ಲಪಕ್ಷದ 11ನೇ ದಿನ ಶಯನಿ/ಶಯನ ಏಕಾದಶಿ.
• ಆಷಾಢ ಶುರುವಾಯಿತು ಎಂದರೆ ಮಳೆಯ ಸಮಯ, ರೈತರು ಭತ್ತ, ಮತ್ತಿತರ ಬೆಳೆಗಳನ್ನು ಈ ಸಮಯದಲ್ಲಿ ಬೆಳೆಯುತ್ತಾರೆ.
• ಈ ತಿಂಗಳಿನಲ್ಲಿ ಮದುವೆ, ಗೃಹ ಪ್ರವೇಶ ಮುಂತಾದ ಶುಭ ಕಾರ್ಯಗಳನ್ನು ಮಾಡುವುದಿಲ್ಲ.
• ಆಷಾಢ ಮಾಸದಲ್ಲಿ ಹೊಸದಾಗಿ ಮದುವೆಯಾದ ಗಂಡ-ಹೆಂಡತಿ ಜೊತೆಗೆ ಇರುವುದಿಲ್ಲ. ಈ ತಿಂಗಳಿನಲ್ಲಿ ನವ ವಿವಾಹಿತೆ ತನ್ನ ತವರು ಮನೆಗೆ ಹೋಗಿ ಆಷಾಢ ಮುಗಿದ ಬಳಿಕ ಗಂಡನ ಮನೆಗೆ ಮರಳುತ್ತಾಳೆ.
• ಈ ಅವಧಿಯಲ್ಲಿ ಮಹಿಳೆಯರು ಹಾಗೂ ಹೆಣ್ಮಕ್ಕಳ ಕೈ, ಕಾಲುಗಳಿಗೆ ಮೆಹಂದಿ ಹಚ್ಚಲಾಗುವುದು. ಮದರಂಗಿಯಲ್ಲಿ ಆ್ಯಂಟಿಬ್ಯಾಕ್ಟಿರಿಯಾ ಗುಣವಿದ್ದು ಇದು ತ್ವಚೆ ಸಮಸ್ಯೆ ತಡೆಗಟ್ಟಲು ಸಹಕಾರಿಯಾಗಿದೆ.
• ಆಷಾಢ ಮಾಸದಲ್ಲಿ ಗುಪ್ತ ನವಮಿ ಆಚರಿಸಲಾಗುವುದು.
• ಆಷಾಢ ಮಾಸದ ಹುಣ್ಣಿಮೆಯೆಂದು ಗುರು ಪೂರ್ಣಿಮಾ ಆಚರಿಸಲಾಗುವುದು
• ಕರ್ನಾಟಕದ ಕೊಡಗಿನಲ್ಲಿ ಆಷಾಢ 18ನೇ ದಿನ ಆಟಿ ಸೊಪ್ಪಿನ ಪಾಯಸ ಮಾಡಲಾಗುವುದು. ತುಳು ನಾಡಿನಲ್ಲಿ ಆಟಿ ಮದ್ದು ಸೇವಿಸಲಾಗುವುದು. ಅಲ್ಲದೆ ಈ ಅವಧಿಯಲ್ಲಿ ಆಟಿ ಕಳಂಜ ಮುಂತಾದ ವಿಶೇಷ ಸಂಪ್ರದಾಯಗಳಿವೆ.

ಆಷಾಢ ತಿಂಗಳಿನಲ್ಲಿ ಬರುವ ಪ್ರಮುಖ ಹಬ್ಬಗಳು

ಪ್ರದೋಷ ವ್ರತ ಜುಲೈ 1, ಜುಲೈ 14
ಏಕಾದಶಿ: ಜೂನ್‌ 29ಕ್ಕೆ ದೇವಾಶಯನಿ ಏಕಾದಶಿ
ಜುಲೈ 13ಕ್ಕೆ ಕಾಮಿಕಾ ಏಕಾದಶಿ

ಸಂಕಷ್ಠಿ ಚತುರ್ಥಿ

ಜುಲೈ 6
ಶುಕ್ಲಪಕ್ಷ, ಕೃಷ್ಣಪಕ್ಷ
ಆಷಾಢ ಮಾಸ ಶುಕ್ಲ ಪಕ್ಷ ಜೂನ್ 19ರಿಂದ ಜುಲೈ 3
ಆಷಾಢ ಮಾಸ ಕೃಷ್ಣ ಪಕ್ಷ ಜುಲೈ 4ರಿಂದ ಜುಲೈ 17ರವರೆಗೆ

ಜುಲೈ 2ಕ್ಕೆ ಗುರು ಪೂರ್ಣಿಮಾ

ಜುಲೈ 3ಕ್ಕೆ ಶಿರಡಿ ಉತ್ಸವ
ಆಷಾಢ ಅಮವಾಸ್ಯೆ ಜುಲೈ 18
ಭೀಮನ ಅಮವಾಸ್ಯೆ