ಸ್ವಾತಂತ್ರೋತ್ಸವದ ಅಲಂಕಾರಕ್ಕಾಗಿ ಇಲ್ಲಿದೆ ಸಿಂಪಲ್ ಟಿಪ್ಸ್!

ಸ್ವಾತಂತ್ರೋತ್ಸವ ಅಂದ್ರೆ ಪ್ರತಿಯೊಬ್ಬರಲ್ಲೂ ಒಂದು ರೀತಿಯ ಖುಷಿ ಸಂತೋಷ ಇದ್ದೇ ಇರುತ್ತೆ. ಆ ದಿನ ನಮ್ಮ ದೇಶಕ್ಕೆ ಸ್ವಾತಂತ್ರ ತಂದು ಕೊಟ್ಟ ವೀರರನ್ನು ನೆನೆಯುತ್ತೇವೆ. ಅದ್ರಲ್ಲೂ ಈ ದಿನ ಮಕ್ಕಳಿಗೆ ಒಂದು ರೀತಿಯ ಸಂಭ್ರಮ ಹೆಚ್ಚಾಗಿರುತ್ತದೆ. ಸಿಹಿ ತಿಂಡಿ ತಿಂದು ಸಂತಸವನ್ನು ಹಂಚಿಕೊಳ್ಳುತ್ತಾರೆ.

ಸ್ವತಂತ್ರೋತ್ಸದ ದಿನ ಕೇಸರಿ, ಬಿಳಿ ಹಾಗೂ ಹಸಿರು ಬಣ್ಣಗಳು ಆ ದಿನದ ಹೈಲೆಟ್ ಆಗಿರುತ್ತೆ. ಆ ದಿನ ಈ ಮೂರು ಬಣ್ಣಗಳಿಂದ ಮನೆ, ಆಫೀಸ್ ಹಾಗೂ ಶಾಲೆಗಳಲ್ಲಿ ಅಲಂಕಾರ ಮಾಡಲಾಗುತ್ತದೆ. ಆದರೆ ಹೆಚ್ಚಿನವರಿಗೆ ಯಾವ ರೀತಿ ಅಲಂಕಾರ ಮಾಡ್ಬೇಕು ಅಂತ ಗೊತ್ತಿರೋದಿಲ್ಲ. ಹೀಗಾಗಿ ಸ್ವತಂತ್ರೋತ್ಸದ ದಿನ ಅಲಂಕಾರಕ್ಕಾಗಿ ಇಲ್ಲಿದೆ ಸಿಂಪಲ್ ಟಿಪ್ಸ್..

1. ಕೃತಕ ಸಸ್ಯಗಳಿಂದ ಅಲಂಕರಿಸಿ

ಆನ್ ಲೈನ್ ನಲ್ಲಿ ಬಣ್ಣ ಬಣ್ಣದ ಕೃತಕ ಸಸ್ಯಗಳು ಕಡಿಮೆ ಬೆಲೆಯಲ್ಲಿ ಲಭ್ಯವಿರುತ್ತದೆ. ಇವುಗಳು ನೋಡೋದಕ್ಕೂ ಕೂಡ ತುಂಬಾನೇ ಸುಂದರವಾಗಿರುತ್ತದೆ. ಇಂತಹ ಸಸ್ಯಗಳನ್ನು ತರಿಸಿಕೊಂಡು ಕೇಸರಿ, ಬಳಿ ಹಾಗೂ ಹಸಿರು ಬಣ್ಣದಲ್ಲಿ ಜೋಡಿಸಿರಿ. ನೋಡೋದಕ್ಕೂ ಕೂಡ ಇವುಗಳು ತುಂಬಾನೇ ಆಕರ್ಷಕವಾಗಿ ಇರುತ್ತದೆ.

2. ಪೇಪರ್ ನಿಂದ ಆಕರ್ಷಕ ತಿರಂಗ

ಪೇಪರ್ ನಿಂದ ನಾವು ಆಕರ್ಷಕ ತಿರಂಗಗಳನ್ನು ರಚಿಸಬಹುದು. ಇದು ನೋಡೋದಕ್ಕೆ ತುಂಬಾನೇ ಚೆನ್ನಾಗಿ ಇರುತ್ತದೆ. ಹಾಗೂ ಕಡಿಮೆ ಖರ್ಚಿನಲ್ಲಿ ಮಾಬಹುದು. ಒಂದು ಬಿಳಿಹಾಳೆಯಲ್ಲಿ ವಿವಿಧ ವಿನ್ಯಾಸವನ್ನು ರಚಿಸಿ ಅದಕ್ಕೆ ಕೇಸರಿ, ಬಿಳಿ, ಹಸಿರು ಹಾಗೂ ಮಧ್ಯ ನೀಲಿ ಬಣ್ಣವನ್ನು ಹಚ್ಚಿ. ಮಕ್ಕಳು ಈ ರೀತಿಯ ಕ್ರಾಫ್ಟ್ ಅನ್ನು ಇಷ್ಟ ಪಟ್ಟು ಮಾಡುತ್ತಾರೆ.

3. ತಿರಂಗದ ಡ್ರೀಮ್ ಕ್ಯಾಚರ್

ಡ್ರೀಮ್ ಕ್ಯಾಚರ್ ಗಳನ್ನು ನಾವು ಸಾಮಾನ್ಯವಾಗಿ ಎಲ್ಲರ ಮನೆಯಲ್ಲಿ ನೋಡಿರ್ತೀವಿ. ಅದೇ ರೀತಿ ಸ್ವಾತಂತ್ರೋತ್ಸದ ದಿನ ನಾವು ತಿರಂಗದ ಡ್ರೀಮ್ ಕ್ಯಾಚರ್ ಅನ್ನು ತಯಾರು ಮಾಡಬಹುದು. ಇದು ನೋಡೋದಕ್ಕೆ ಆಕರ್ಷಕವಾಗಿರುತ್ತದೆ. ಒಂದು ವೇಳೆ ಇದನ್ನು ತಯಾರಿಸುವುದು ನಿಮಗೆ ಕಷ್ಟವಾದರೆ ಆನ್ ಲೈನ್ ನಿಂದ ತರಿಸಿಕೊಳ್ಳಬಹುದು. ಗುಣಮಟ್ಟವೂ ಚೆನ್ನಾಗಿರುತ್ತದೆ. ಹಾಗೂ ಬೇಗ ಹಾಳಾಗುವುದು ಇಲ್ಲ.

4. ತಿರಂಗದ ಬ್ಯಾನರ್ ತಯಾರಿಸಿ

ಸಾಮಾನ್ಯವಾಗಿ ನಾವು ಬ್ಯಾನರ್ ಗಳನ್ನು ತಯಾರು ಮಾಡುವ ರೀತಿಯಲ್ಲಿಯೇ ತಿರಂಗದ ಬ್ಯಾನರ್ ಗಳನ್ನು ಸುಲಭವಾಗಿ ರಚಿಸಬಹುದು. ಈ ಬ್ಯಾನರ್ ನಲ್ಲಿ ಸ್ವಾತಂತ್ರೋತ್ಸದ ಶುಭಾಷಯವನ್ನು ಬರೆಯಬೇಕು. ಜೊತೆಗೆ ಸ್ವತಂತ್ರಕ್ಕಾಗಿ ಹೋರಾಡಿದವರ ಚಿತ್ರವನ್ನು ಅಲ್ಲಿ ಲಗತ್ತಿಸಬಹುದು. ಈ ರೀತಿ ಮಾಡಿದ್ರೆ ಕೂಡ ನೋಡೋದಕ್ಕೆ ಆಕರ್ಷಕವಾಗಿರುತ್ತದೆ.

ಈ ರೀತಿ ವಿಶೇಷ ಐಡಿಯಾಗಳ ಮೂಲಕ ನೀವು ಸ್ವಾತಂತ್ರೋತ್ಸವದ ದಿನ ತುಂಬಾನೇ ವಿಭಿನ್ನವಾಗಿ ಅಲಂಕಾರ ಮಾಡಬಹುದು.