ಈ ಜಾತಿಯ ನಾಯಿಗಳಿಗೆ ತುಂಟತನದ ಬುದ್ಧಿ ಹೆಚ್ಚು

Updated: Saturday, March 2, 2013, 17:09 [IST]

ನಾಯಿ ಮನೆಯಲ್ಲಿದ್ದರೆ ಅದು ನಮ್ಮ ಮನೆಯ ಸದಸ್ಯರಲ್ಲಿ ಒಂದಾಗಿ ಬಿಡುತ್ತದೆ. ನಾಯಿಯಷ್ಟು ನಿಯತ್ತಿನ ಪ್ರಾಣಿ ಈ ಜಗತ್ತಿನಲ್ಲಿ ಮತ್ತೊಂದಿಲ್ಲ. ಮನುಷ್ಯನ ನಂಬಲು ಸಾಧ್ಯವಿಲ್ಲ, ಆದರೆ ನಾಯಿಯನ್ನು ನಂಬಬಹುದು. ಅವುಗಳಿಗೆ ಸರಿಯಾಗಿ ಪಾಠ ಕಲಿಸಿದರೆ ತುಂಬಾ ಬುದ್ಧಿವಂತಿಕೆಯಿಂದ ವರ್ತಿಸುತ್ತದೆ. ಅವುಗಳು ನಮ್ಮ ಮೇಲೆ ಇಟ್ಟಿರುವ ಪ್ರೀತಿ, ಅದರ ದರ್ಪ, ಅಪರಿಚಿತರನ್ನು ಗದರಿಸುವ ಪರಿ, ನಮ್ಮ ಜೊತೆ ಅದರ ತುಂಟಾಟ ಪ್ರತಿಯೊಂದು ಶ್ವಾನ ಪ್ರಿಯರ ಮನಗೆಲ್ಲುತ್ತದೆ.

ಅನೇಕ ಜಾತಿಯ ನಾಯಿಗಳಿವೆ. ಕೆಲವು ನಾಯಿಗಳು ತುಂಬಾ ಅಪಾಯಕಾರಿಯಾದ ನಾಯಿಗಳಾಗಿರುತ್ತವೆ. ಅಪರಿಚಿತರ ಅದರ ಕೈಗೆ ಸಿಕ್ಕಿದರೆ ಕಚ್ಚಿ, ಎಳೆದಾಡಿ ಬಿಡುತ್ತದೆ. ಮತ್ತೆ ಕೆಲವು ನಾಯಿಗಳು ತುಂಬಾ ಮೃದುವಾಗಿರುತ್ತದೆ. ಇಲ್ಲಿ ನಾವು ತುಂಟ ನಾಯಿಗಳ ಬಗ್ಗೆ ಹೇಳಿದ್ದೇವೆ. ಈ ನಾಯಿಗಳು ತುಂಬಾ ಬುದ್ಧಿವಂತಿಕೆಯನ್ನು ಹೊಂದಿದೆ, ನಿಮ್ಮ ಜೊತೆ ಬೆರೆಯುತ್ತದೆ, ಆದರೆ ಅಷ್ಟೇ ತುಂಟತನವನ್ನು ಹೊಂದಿದೆ. ಅವುಗಳ ತುಂಟಾಟ ನೋಡಲು ಇಷ್ಟವಾದರೂ, ಕೆಲವೊಮ್ಮೆ ತುಂಬಾ ಕೋಪ ಬರುತ್ತದೆ.

ಮುದ್ದಿನ ಆ ತುಂಟ ನಾಯಿಗಳಾವುವು ಎಂದು ನೋಡೋಣ ಬನ್ನಿ:

ದಖ್ಸಂದ್ (Dachshund)

ಈ ನಾಯಿ ನಿಮ್ಮನ್ನು ನಗಿಸುತ್ತದೆ, ನಿಮ್ಮ ಜೊತೆ ಆಟ ಆಡುತ್ತದೆ. ಆದರೆ ಮನೆಯಲ್ಲಿರುವ ವಸ್ತುಗಳನ್ನು ಕಚ್ಚಿ ನಮಗೆ ಕೋಪ ಬರುವಂತೆ ಮಾಡುತ್ತದೆ.

ಬುಲ್ ಟೆರ್ರಯರ್(Bull Terrier)

ಈ ಚುರುಕಿನ ನಾಯಿ ಇದರ ಘಾಟು ವಾಸನೆಯಿಂದ ಸ್ವಲ್ಪ ಕಿರಿಕಿರಿ ಅನಿಸಿದರೂ ಇದರ ತುಂಟಾಟ ನೋಡಿದರೆ ಹೊಟ್ಟೆ ನೋವು ಬರುವಷ್ಟು ನಗಾಡುತ್ತೇವೆ. ಯಜಮಾನನ್ನು ನಗಿಸುವುದೆಂದರೆ ಈ ನಾಯಿಗೆ ತುಂಬಾ ಪ್ರಿಯವಾದ ಕೆಲಸವಾಗಿದೆ.