ನಾಯಿಗೆ ಚಾಕಲೇಟ್ ತಿನ್ನಿಸಿದರೆ ಅಪಾಯ!

Pet Care

oi-Reena

By Hema S

Published: Wednesday, April 18, 2012, 16:37 [IST]

ಅನೇಕ ನಾಯಿಗಳಿಗೆ ಮಾಂಸ, ಮೊಟ್ಟೆಯಷ್ಟೆ ಅಲ್ಲಚಾಕಲೇಟ್ ಅಂದರೆ ಕೂಡ ತುಂಬಾನೆ ಇಷ್ಟವಿರುತ್ತದೆ. ಆದರೆ ತುಂಬಾ ಹೆಚ್ಚಾಗಿ ಚಾಕಲೇಟ್ ತಿನ್ನುವುದು ನಾಯಿಯ ಆರೋಗ್ಯಕ್ಕೆ ಒಳ್ಳೆಯದಲ್ಲ. ಚಾಕಲೇಟ್‌ ತಿಂದರೆ ನಾಯಿಯ ಆರೋಗ್ಯ ಏಕೆ ಕೆಡುತ್ತದೆ ಅನ್ನುವುದಕ್ಕೆ ಕಾರಣಗಳು ಇಲ್ಲಿವೆ ನೋಡಿ.

ಚಾಕಲೇಟ್‌ನಲ್ಲಿರುವ ಕೋಕಾ ನಾಯಿಗಳಿಗೆ ವಿಷಕಾರಕವಾಗಿದೆ:

ಚಾಕಲೇಟ್‌ನಲ್ಲಿರುವ ಕೋಕಾದಲ್ಲಿ ಥಿಯೋಬ್ರೊಮೈನ್ ಎಂಬ ರಾಸಾಯನಿಕವಿರುತ್ತದೆ. ಈ ರಾಸಾಯನಿಕವು ನರಗಳ ಮೇಲೆ ಪ್ರಭಾವ ಬೀಳುತ್ತದೆ, ಆದ್ದರಿಂದ ನಾಯಿಗಳು ಆಗಾಗ ಮೂತ್ರವಿಸರ್ಜನೆಗೆ ಹೋಗುವಂತಾಗುವುದು, ಆರೋಗ್ಯ ಕೆಡುವುದು. ಅಪರೂಪಕ್ಕೆ ಚಾಕಲೇಟ್ ತಿಂದರೆ ಏನೂ ಆಗುವುದಿಲ್ಲ. ಆದರೆ ಪ್ರತಿದಿನ ಕೊಡುವ ಅಭ್ಯಾಸ ಒಳ್ಳೆಯದಲ್ಲ.

ಚಾಕಲೇಟ್ ಕೊಡುವ ಮಿತಿ:
ಚಾಕಲೇಟ್ ಕೊಡುವ ಮಿತಿ ಒಂದು ಜಾತಿಯ ನಾಯಿಂದ ಮತ್ತೊಂದು ಜಾತಿಗೆ ವ್ಯತ್ಯಾಸವಿರುತ್ತದೆ. ಬುಲ್ ನಾಯಿಗೆ ಒಂದು ಚಾಕಲೇಟ್ ಬಾರ್ ತಿಂದರೆ ಏನೂ ಆಗುವುದಿಲ್ಲ. ಆದರೆ ಪಗ್ ಅಷ್ಟು ತಿಂದರೆ ಅನಾರೋಗ್ಯ ಬೀಳುತ್ತದೆ. ಅಲ್ಲದೆ ಚಾಕಲೇಟ್ ಬಗೆಗಳು ಕೂಡ ನಾಯಿಗಳ ಆರೋಗ್ಯದ ಮೇಲೆ ಪ್ರಭಾವ ಬೀಳುತ್ತದೆ.

ಯಾವ ರೀತಿಯ ಚಾಕಲೇಟ್ ನಾಯಿಗಳಿಗೆ ಒಳ್ಳೆಯದಲ್ಲ?

1. ಬಿಳಿ ಚಾಕಲೇಟ್ ನಾಯಿಗೆ ಕೊಡಬಹುದು. ಏಕೆಂದರೆ ಇದರಲ್ಲಿ ಕೋಕಾ ಪ್ರಮಾಣ ಕಡಿಮೆ ಇರುತ್ತದೆ.

2. ಮಿಲ್ಕ್ ಚಾಕಲೇಟ್‌ಗಳನ್ನು ಸ್ವಲ್ಪ ಪ್ರಮಾಣದಲ್ಲಿ ತಿನ್ನಲು ಕೊಡಬಹುದು. ಇದರಲ್ಲಿ ಸಿಹಿಪ್ರಮಾಣ ಅಧಿಕವಿರುವುದರಿಂದ ಅಧಿಕ ಪ್ರಮಾಣದಲ್ಲಿ ಕೊಟ್ಟರೆ ನಾಯಿಯ ಆರೋಗ್ಯ ಹದಗೆಡುತ್ತದೆ.

3. ಸಿಹಿಯಾದ ಕೋಕಾ ಚಾಕಲೇಟ್‌ಗಳನ್ನು ಕೊಡಲೇಬಾರದು.

ಚಾಕಲೇಟ್ ತಿಂದರೆ ಯಾವ ರೀತಿಯಲ್ಲಿ ಅಪಾಯ?

ಚಾಕಲೇಟ್ ತಿಂದರೆ ನಾಯಿಗಳ ಹಲ್ಲುಗಳು ಹಾಳಾಗುವುದು. ಹೃದಯಕ್ಕೆ ಸಂಬಂಧಿಸಿದ ಕಾಯಿಲೆಗಳು ಉಂಟಾಗುವುದು. ಕುರುಡುನ, ಮಧುಮೇಹದಂತಹ ಕಾಯಿಲೆಗಳು ಉಂಟಾಗುತ್ತದೆ. ಆದ್ದರಿಂದ ನಾಯಿಗಳಿಗೆ ಚಾಕಲೇಟ್ ತಿನ್ನಲು ಕೊಡದಿರುವುದು ಒಳ್ಳೆಯದು.