ಅಕ್ವೇರಿಯಂ ಮೀನಿಗೆ ಅಧಿಕ ಆಹಾರದಿಂದ ಅಪಾಯ!

Pet Care

oi-Reena

By Hema S

Published: Friday, March 9, 2012, 17:03 [IST]

ಹೆಚ್ಚಿನ ಮನೆಗಳಲ್ಲಿ ಫಿಶ್ ಬೌಲ್ ಅಥವಾ ಅಕ್ವೇರಿಯಂ ಇದೆ. ಆದರೆ ಮೀನು ಸಾಕುವ ಎಷ್ಟೊ ಜನರಿಗೆ ಮೀನುಗಳಿಗೆ ಎಷ್ಟು ಬಾರಿ ಆಹಾರ ಹಾಕಬೇಕೆಂದು ಗೊತ್ತಿರುವುದಿಲ್ಲ. ತಾವು ಎಷ್ಟು ಹಬಾರಿ ತಿನ್ನುತ್ತಾರೆ ಅಷ್ಟು ಬಾರಿ ಮೀನಿಗೆ ಆಹಾರ ಕೊಡುವವರು ಇದ್ದಾರೆ! ಬೌಲ್ ಅಥವಾ ಅಕ್ವೇರಿಯಂನಲ್ಲಿ ಸಾಕುವ ಮೀನಿಗೆ ಎಷ್ಟು ಬಾರಿ ಆಹಾರ ಕೊಡಬೇಕೆಂದು ತಿಳೀಯೋಣ ಬನ್ನಿ.

1. ಮೀನಿಗೆ ಆಹಾರ ಹಾಕುವ ಮೊದಲು ನೀವು ಸಾಕುವ ಮೀನಿನ ಆಹಾರಶೈಲಿ ಬಗ್ಗೆ ತಿಳಿದುಕೊಳ್ಳಿ. ಏಕೆಂದರೆ ವಿಭಿನ್ನ ಜಾತಿಯ ಮೀನು ಬೇರೆ-ಬೇರೆ ಆಹಾರ ಶೈಲಿ ಹೊಂದಿರುತ್ತದೆ.

2. ಕೆಲವೊಂದು ಮೀನುಗಳಿಗೆ ದಿನಕ್ಕೆ ಎರಡು ಬಾರಿ ಹಾಕಿದರೆ ಸಾಕು.

3. ಮೀನುಗಳು ಚಿಕ್ಕದಿರುವಾಗ (ಮರಿಯಾಗಿರುವಾಗ) ಆಗಾಗ ತಿನ್ನಲು ಹಾಕಬೇಕಾಗುತ್ತದೆ. ಸ್ವಲ್ಪ ದೊಡ್ಡದಾದ ಮೇಲೆ ತುಂಬಾ ಸಲ ಹಾಕಬೇಕಾಗಿಲ್ಲ.

4. ಮೀನುಗಳಿಗೆ ತುಂಬಾ ಆಹಾರ ಹಾಕಿದರೆ ಮೀನುಗಳ ಜೀವಕ್ಕೆ ಅಪಾಯ ಉಂಟಾಗಬಹುದು. ಆದ್ದರಿಂದ ಸ್ವಲ್ಪ-ಸ್ವಲ್ಪ ಹಾಕಿದರೆ ಒಳ್ಳೆಯದು.

ಕೆಲವು ಮೀನುಗಳು ಬೌಲ್ ನ ತಳಭಾಗದಲ್ಲಿ ನಿಲ್ಲುವ ಆಹಾರ ಇಷ್ಟಪಟ್ಟರೆ ಇನ್ನೂ ಕೆಲವು ನೀರಿನಲ್ಲಿ ತೇಲುವ ಅಹಾರ ಇಷ್ಟಪಡುತ್ತವೆ. ಇದನ್ನು ತಿಳಿದು ಹಾಕಿ. ಮೀನಿಗೆ ಆಹಾರ ಹಾಕಲು ಸಮಯ ಪಾಲನೆ ಮಾಡುವುದು ಒಳ್ಳೆಯದು.