ಪ್ರಪಂಚದ 5 ಕುರೂಪಿ ನಾಯಿಗಳನ್ನು ನೋಡಿದ್ದೀರಾ?

ಪ್ರಪಂಚದಲ್ಲಿ 5 ಅತಿ ಕುರೂಪಿ ನಾಯಿಗಳು ಯಾವುವೆಂದು ಇಲ್ಲಿ ತಿಳಿಯಿರಿ.

1. ಚೈನೀಸ್ ಕ್ರೆಸ್ಟೆಡ್: ರೋಮವಿಲ್ಲದ ಈ ಅತಿ ಚಿಕ್ಕ ನಾಯಿ ಚೈನಾ ಮೂಲದ್ದು. ಈ ಕೂದಲಿಲ್ಲದ ನಾಯಿ ಮನುಷ್ಯರ ಚರ್ಮದ ತರಹ ಇದ್ದು, ಈ ನಾಯಿಗಳನ್ನು ಜೋಪಾನ ಮಾಡುವುದು ಕಷ್ಟವೆನಿಸಿದರೂ ತನ್ನ ಯಜಮಾನನಿಗೆ ಸಂತೋಷ ನೀಡುವುದಕ್ಕೆ ಸದಾ ಸಿದ್ಧ. ನೋಡಲು ತುಂಬಾ ತೆಳ್ಳಗಿರುವ ನಾಯಿ ಪ್ರಪಂಚದ ಗಮನವನ್ನು ತನ್ನೆಡೆ ಸೆಳೆದಿದೆ.

* ಶಿಃ ತ್ಸು: ಅತಿ ಎನಿಸುವಷ್ಟು ಕೂದಲು ಹೊಂದಿರುವ ಈ ನಾಯಿ ಕೂದಲಿನಲ್ಲಿ ಧೂಳು ತುಂಬಿಕೊಂಡಿರುವಂತೆ ಭಾಸವಾಗುತ್ತದೆ. ಇದು ಮಹಿಳೆಯರಿಗೆ ತುಂಬಾ ಅಚ್ಚು ಮೆಚ್ಚಿನ ನಾಯಿ ಎಂದೇ ಪ್ರಸಿದ್ಧವಾಗಿದ್ದು, ಇದರ ಪೋಷಣೆ ಸ್ವಲ್ಪ ಕಷ್ಟಕರವೂ ಹೌದು.

* ಚೈನೀಸ್ ಶಾರ್ ಪೀ: ಈ ಪ್ರಸಿದ್ಧ ನಾಯಿ ಮೈತುಂಬಾ ನೆರಿಗೆಗಳನ್ನು ಹೊಂದಿರುತ್ತದೆ. ತುಂಬಾ ಗಡುಸು ಚರ್ಮ ಮತ್ತು ಕಪ್ಪು ನಾಲಿಗೆ ಹೊಂದಿರುವ ವಿಶೇಷ ನಾಯಿ ಇದು.. ತುಂಬಾ ಚಿಕ್ಕ ಕಿವಿ ಮತ್ತು ಸುತ್ತಿಕೊಂಡ ಬಾಲ ಪಡೆದಿರುವ ಈ ನಾಯಿ ಉತ್ತಮ ಕಾವಲು ನಾಯಿಯೂ ಹೌದು.

* ವಿಪೆಟ್: ತುಂಬಾ ತೆಳುವಾಗಿರುವ, ದೇಹದಲ್ಲಿ ಎಲುಬುಗಳು ಎದ್ದುಕಾಣುವಂತಿರುವ ಈ ನಾಯಿ ನೋಡಲು ತುಂಬಾ ಕುರೂಪಿ ಎಂದರೂ ತಪ್ಪಿಲ್ಲ. ಆದರೆ ತುಂಬಾ ವೇಗವಾಗಿ ಓಡುವ ಸಾಮರ್ಥ್ಯವನ್ನು ಹೊಂದಿದೆ. ತುಂಬಾ ನಿಯತ್ತಿನ ಪ್ರಾಣಿಯೂ ಹೌದು. ಅಪಾಯಕಾರಿ ಸಂದರ್ಭದಲ್ಲಿ ತನ್ನ ಯಜಮಾನನಿಗೆ ಸಹಕರಿಸಲು ಮುಂದಾಗುತ್ತೆ.

* ಸ್ಟಾಂಡರ್ಡ್ ಸ್ಕ್ನೌಝರ್: ಜರ್ಮನ್ ತಳಿಯ ಈ ನಾಯಿ ತುಂಬಾ ಕುರೂಪಿ. ಮೀಸೆಯನ್ನು ಹೊಂದಿರುವ ಸ್ಟಾಂಡರ್ಡ್ ಸ್ಕ್ನೌಝರ್ ನಿಮಗೆ ಒಳ್ಳೆ ಬಾಡಿ ಗಾರ್ಡ್ ಆಗಿರುತ್ತೆ. ಈ ನಾಯಿಯನ್ನು ಸಾಕುವುದು ಪ್ರತಿಷ್ಟೆಯ ವಿಷಯವಾಗಿದೆ.