ನಿಮಗೆ ಸೂಕ್ತವಾದ ಐದು ಮುದ್ದು ನಾಯಿ ಯಾವುದು?

Pet Care

oi-Sumalatha

By Sumalatha

Published: Saturday, October 29, 2011, 14:16 [IST]

ಕೆಲವರಿಗೆ ಪ್ರಾಣಿಗಳ ಮೇಲೆ ಹೆಚ್ಚು ಪ್ರೀತಿ. ಅದರಲ್ಲೂ ತುಂಬಾ ಗೆಳೆತನದಿಂದ, ಸಲುಗೆಯಿಂದಿರುವ ನಾಯಿ ಮನೆಮಂದಿಯಲ್ಲೊಂದಾಗಿ ಬಿಡುತ್ತವೆ. ಆದ್ದರಿಂದ ಯಾವ ರೀತಿಯ ನಾಯಿ ನಿಮ್ಮೊಂದಿಗೆ ಹೆಚ್ಚು ಸ್ನೇಹಮಯವಾಗಿರುತ್ತವೆ ಎಂದು ತಿಳಿಯುವ ಕುತೂಹಲವಿದ್ದರೆ ಇಲ್ಲಿ ನೋಡಿ.

ಸ್ನೇಹಮಯಿಯಾಗಿರುವ 5 ಶ್ವಾನ ತಳಿಗಳು:

* ರಿಟ್ರೈವರ್: ಇದು ನಿಮ್ಮೊಂದಿಗೆ, ನಿಮ್ಮ ಕುಟುಂಬದೊಂದಿಗೆ ಹೊಂದಿಕೊಳ್ಳಬಹುದಾದ ಅತಿ ಮುದ್ದು ನಾಯಿ. ತನ್ನ ಯಜಮಾನನಿಗೆ ತುಂಬಾ ನಿಯತ್ತಾಗಿರುವ ಈ ನಾಯಿ ಮಕ್ಕಳಿಗೆ ಉತ್ತಮ ಸ್ನೇಹಿತ. ತುಂಬಾ ಅಪರೂಪಕ್ಕೆ ಹೆಚ್ಚು ಬೊಗಳುವ ನಾಯಿ, ತನ್ನನ್ನು ಇಷ್ಟ ಪಟ್ಟ ಮಕ್ಕಳಿಗಾಗಿ ಏನು ಬೇಕಾದರೂ ಮಾಡಲು ತಯಾರಾಗಿರುತ್ತವೆ. ಸೋಮಾರಿಯಲ್ಲದ ರಿಟ್ರೈವರ್ ಆಟದಲ್ಲಿ ಹೆಚ್ಚು ತೊಡಗಿಕೊಂಡಿರುತ್ತದೆ.

* ಬಾಕ್ಸರ್: ತುಂಬಾ ಚಟುವಟಿಕೆಯಿಂದಿರುವ ಬಾಕ್ಸರ್ ಒಂದೇ ನೋಟಕ್ಕೆ ಎಲ್ಲವನ್ನೂ ಗ್ರಹಿಸಿಬಿಡುತ್ತೆ. ಕುಟುಂಬದೊಂದಿಗೆ ಇರಲು ಹೆಚ್ಚು ಇಷ್ಟ ಪಡುವ ಈ ನಾಯಿ ತುಂಟಾಟದಲ್ಲಿ ಎತ್ತಿದ ಕೈ. ಮರಿಯಾಗಿದ್ದಾಗಿನಿಂದಲೇ ಮನೆಯಲ್ಲಿ ಅದಕ್ಕೆ ಚೆನ್ನಾಗಿ ಅಭ್ಯಾಸ ಕೊಟ್ಟರೆ ಕುಟುಂಬದೊಂದಿಗೆ ಹೆಚ್ಚು ಹೊಂದಾಣಿಕೆ ಮಾಡಿಕೊಳ್ಳುತ್ತದೆ.

* ಲ್ಯಾಬ್ರಡಾರ್: ಅತಿಯಾದ ಸ್ನೇಹಪರವಾದ ನಾಯಿ ಎಂದರೆ ಲ್ಯಾಬ್ರಡಾರ್. ಈ ತಳಿಯ ನಾಯಿ ಮಕ್ಕಳನ್ನು ತುಂಬಾ ಇಷ್ಟ ಪಡುತ್ತವೆ ಮತ್ತು ಮಕ್ಕಳ ರಕ್ಷಣೆಗೆ ನಿಲ್ಲುತ್ತವೆ. ನೀವು ಅಪಾರ್ಟ್ ಮೆಂಟ್ ನಲ್ಲಿ ವಾಸವಿದ್ದರೆ ಈ ನಾಯನ್ನು ಸಾಕಬಹುದು. ಅದಕ್ಕೆಂದು ಪ್ರತ್ಯೇಕ ವ್ಯವಸ್ಥೆಯನ್ನೂ ಈ ನಾಯಿ ಬಯಸುವುದಿಲ್ಲ. ಮನೆಗೆ ಬಂದ ನೆಂಟರೊಂದಿಗೂ ಸಹ ಬೇಗನೆ ಹೊಂದಿಕೊಳ್ಳುತ್ತದೆ.

* ಪಗ್: ತುಂಬಾ ಮುದ್ದಾಗಿರುವ ಪಗ್ ಎಂದರೆ ಯಾರಿಗಿಷ್ಟವಾಗೋದಿಲ್ಲ ಹೇಳಿ? ಪ್ರೀತಿಯಿಂದ ಟ್ರೈನಿಂಗ್ ಕೊಟ್ಟರೆ ಪಗ್ ನಿಮಗೆ ಉತ್ತಮ ಸಂಗಾತಿ. ಯಜಮಾನನ ಮೇಲೆ ಹೆಚ್ಚು ಅವಲಂಬಿತವಾಗುವ ಈ ಪಗ್ ಆದೇಶಗಳಿಗೆ ತಲೆಬಾಗಿ ನಡೆದುಕೊಳ್ಳುತ್ತದೆ. ಆದರೆ ಇದು ಕಚ್ಚುವುದರಿಂದ ಪೂರ್ಣ ಟ್ರೈನಿಂಗ್ ನಂತರ ಮಕ್ಕಳ ಬಳಿ ಬಿಡಬಹುದು.

* ಬೀಗಲ್: ಅತ್ಯಂತ ಮುದ್ದೆನಿಸುವ ಈ ನಾಯಿಗೆ ಹೆಚ್ಚು ಕೋಪವೂ ಬರುತ್ತದೆ. ವಾಸನೆ ಗ್ರಹಿಸುವ ಅಭ್ಯಾಸವನ್ನು ಹೆಚ್ಚು ಬೆಳೆಸಿಕೊಳ್ಳುವ ಈ ನಾಯಿಯನ್ನು ನಿಯಂತ್ರಿಸಲೂ ಕೆಲವೊಮ್ಮೆ ಕಷ್ಟವೆನಿಸಬಹುದು. ಆದರೆ ನಿಮ್ಮ ಮನೆಗೆ ಇದು ಸೂಕ್ತವಾದ ನಾಯಿಯಾಗುವುದರಲ್ಲಿ ಸಂಶಯವಿಲ್ಲ.