ಪುಟ್ಟ ಪೊಮೆರೆನಿಯನನ್ನು ಹೇಗೆ ನೋಡಿಕೊಳ್ಳಬೇಕು?

ಪೊಮೆರೆನಿಯನ್ ನಾಯಿಗೆ ವ್ಯಾಯಾಮ, ತರಬೇತಿ ಹೇಗೆ?

1. ಬೆಳಗ್ಗೆ, ಮಧ್ಯಾಹ್ನ, ಸಂಜೆ ಮತ್ತು ರಾತ್ರಿ ನಾಯಿಯನ್ನು ಹೊರಗೆ ಸುತ್ತಾಡಿಸಿದರೆ ಅದರ ಸೋಮಾರಿತನ ಕಡಿಮೆಯಾಗಿ ಚಟುವಟಿಕೆಯಿಂದಿರುತ್ತದೆ.

2. ಈ ತಳಿಯ ನಾಯಿಗಳಿಗೆ ಕಚ್ಚುವ ಅಭ್ಯಾಸ ಹೆಚ್ಚು. ಆದ್ದರಿಂದ ಮೊದಲಿಂದಲೇ ಅವಕ್ಕೆ ನಿಮ್ಮ ಆಜ್ಞೆ ಪಾಲಿಸುವಂತೆ ಅಭ್ಯಾಸ ನೀಡಬೇಕು. ಕೂರುವುದು, ನಿಲ್ಲುವುದು, ಏನಾದರೂ ವಸ್ತುವನ್ನು ತರುವಂತೆ ಹೇಳಿ ಅದನ್ನು ಅಭ್ಯಾಸ ಮಾಡಿದರೆ ಕ್ರಮೇಣ ಕಚ್ಚುವ ಅಭ್ಯಾಸವನ್ನು ಅದು ಕಡಿಮೆ ಮಾಡುತ್ತದೆ.

3. ಪೊಮೆರೆನಿಯನ್ ಗೆ ತುಂಬಾ ಹೆಚ್ಚು ಊಟ ಹಾಕಬಾರದು. ನಿಯಮಿತ ಊಟದ ನಂತರ ನಡಿಗೆಗೆ ಕರೆದುಕೊಂಡು ಹೋಗಬೇಕು.

4. ಈ ನಾಯಿಗಳಿಗೆ ಹೆಚ್ಚು ವ್ಯಾಯಾಮ ಮಾಡಿಸಬಾರದು. ವಯಸ್ಸಾಗುತ್ತಿದ್ದಂತೆ ಅವುಗಳ ಶಕ್ತಿ ಬೇಗನೆ ಕುಂದುವುದರಿಂದ ಸ್ವಲ್ಪ ನಡಿಗೆಯೇ ಸಾಕು.

5. ನಾಯಿಗೆ ಮೆಟ್ಟಿಲುಗಳನ್ನು ಹತ್ತಿ ಇಳಿಯುವ ಅಭ್ಯಾಸ ಮಾಡಿಸಬೇಕು. ಈ ಪುಟ್ಟ ನಾಯಿಗೆ ಅದೇ ಸಾಕಷ್ಟು ವ್ಯಾಯಾಮವಾದಂತಾಗುತ್ತದೆ.

6. ಬಣ್ಣ ಬಣ್ಣದ ಪ್ಲಾಸ್ಟಿಕ್ ಬಾಲ್ ಗಳನ್ನು ನಾಯಿಯ ಬಳಿ ಇಡಿ. ನಾಯಿ ಅವುಗಳೊಂದಿಗೆ ಆಟವಾಡಿಕೊಂಡು ಚಟುವಟಿಕೆಯಿಂದಿರುತ್ತದೆ. ತುಂಬಾ ಬುದ್ಧವಂತ ನಾಯಿಗಳಾದ ಪೊಮೆರೆನಿಯನ್ ನಿಮ್ಮ ಆಜ್ಞೆಯನ್ನೂ ಪಾಲಿಸಲು ಮುಂದಾಗುತ್ತದೆ.

7. ನಾಯಿಯ ಕೂದಲು ಹೆಚ್ಚು ಉದುರುವುದರಿಂದ ಅವುಗಳ ಕೂದಲಿನ ಪೋಷಣೆ ಮತ್ತು ಸ್ನಾನದ ಬಗ್ಗೆ ಗಮನವಹಿಸಬೇಕು

8. ಮೊದಲೇ ಹೇಳಿದಂತೆ ಈ ನಾಯಿಗೆ ಕಚ್ಚುವ ಅಭ್ಯಾಸ ಹೆಚ್ಚಿರುವುದರಿಂದ, ಅದಕ್ಕೆ ಸೂಕ್ತ ಲಸಿಕೆಯನ್ನು ಪಶುವೈದ್ಯರ ಬಳಿ ಹಾಕಿಸಿರಬೇಕು. ಅದರೊಂದಿಗೆ ಮನೆಯವರೂ ಕೂಡ ಮುನ್ನೆಚ್ಚರಿಕೆ ಕ್ರಮವಾಗಿ ನಾಯಿ ಕಚ್ಚಿದರೂ ಕೆಟ್ಟ ಪರಿಣಾಮ ಬೀರದಂತಹ ಚುಚ್ಚು ಮದ್ದನ್ನು ತೆಗೆದುಕೊಂಡಿರಬೇಕು.