ಪಗ್ ಗೆ ಆಜ್ಞೆ ಮಾಡಬೇಡಿ, ಪ್ರೀತಿ ತೋರಿಸಿ

Pet Care

oi-Staff

By Super

Updated: Thursday, March 14, 2013, 12:36 [IST]

ಪಗ್ ಆಜ್ಞೆಗಿಂತ ಹೆಚ್ಚಾಗಿ ಪ್ರೀತಿ, ಬಾಂಧವ್ಯ, ಭಾವನೆಗಳಿಗೆ ಬೆಲೆ ಕೊಡುವ ಮುಗ್ಧ ನಾಯಿ. ಪಗ್ ನನ್ನು ಪ್ರೀತಿಯಿಂದ ಕಂಡಷ್ಟು ನಿಮಗೆ, ನಿಮ್ಮ ಕುಟುಂಬದವರಿಗೆ ಹತ್ತಿರವಾಗುತ್ತದೆ.
ಈ ಹಿಂದೆ ಪಗ್ ನಲ್ಲಿ ಯಾವ ಗುಣಗಳು ಇಲ್ಲ ಎಂಬುದರ ಬಗ್ಗೆ ತಿಳಿದೆವು. ಈಗ ಪಗ್ ನಲ್ಲಿರುವ ವಿಶೇಷ ಗುಣಗಳ ಬಗ್ಗೆ ನೋಡೋಣ:

* ಮಕ್ಕಳಿಗೆ ಒಳ್ಳೆ ಸ್ನೇಹಿತ: ಪಗ್ ನಾಯಿ ಮಕ್ಕಳಿಗೆ ತುಂಬಾ ಒಳ್ಳೆ ಸ್ನೇಹಿತ. ನೀವು ಮಕ್ಕಳಿಗೆ ಏನಾದರೂ ಉತ್ತಮ ಉಡುಗೊರೆ ಕೊಟ್ಟು ಖುಷಿ ಪಡಿಸಬೇಕು ಎಂದಿದ್ದರೆ ಪಗ್ ನಾಯನ್ನು ಕೊಟ್ಟು ನೋಡಿ, ನಿಜಕ್ಕೂ ಮಕ್ಕಳಿಗೆ ಅದರಿಂದ ಹೆಚ್ಚು ಸಂತೋಷ ದೊರಕುತ್ತದೆ. ಮಕ್ಕಳ ಗಮನ ಸೆಳೆಯಲು ಈ ನಾಯಿ ಏನನ್ನು ಬೇಕಾದರೂ ಮಾಡಲು ಸಿದ್ಧ. ಒಂದೊಂದು ಬಾರಿ ಮಕ್ಕಳು ಹೊಟ್ಟೆ ಹಿಡಿದು ನಗುವಂತೆಯೂ ಮಾಡುವ ಚಾಕಚಕ್ಯತೆ ಈ ನಾಯಿಗಿದೆ.

*ಎಲ್ಲೆಲ್ಲೂ ಹಾಜರು: ನೀವು ಎಲ್ಲಿ ಹೋದರೂ ಅಲ್ಲಿಗೆ ಈ ಮುದ್ದು ನಾಯಿ ಓಟ ಕಿತ್ತಿರುತ್ತದೆ. ಒಂದು ಕಡೆ ಕೂರದೆ ಸದಾ ನಿಮ್ಮ ಬಳಿ ಸುಳಿದಾಡುತ್ತಲೇ ಇರುತ್ತದೆ. ಅದಕ್ಕೆ ವಯಸ್ಸಾದರೂ ಸಹ ನಿಮ್ಮ ಬಳಿ ಸುಳಿದಾಡುವುದು ಮಾತ್ರ ಕಡಿಮೆಯಾಗುವುದಿಲ್ಲ. ಒಂದು ಬಾರಿ ಪ್ರೀತಿ ತೋರಿದರೆ ನಿಮ್ಮೊಂದಿಗೆ ಪಗ್ ಸದಾ ಇದ್ದೇ ಇರುತ್ತದೆ.

* ತುಂಬಾ ಸೂಕ್ಷ್ಮ: ಪಗ್ ನಾಯಿ ತುಂಬಾ ಸೂಕ್ಷ್ಮ. ವಾತಾವರಣಕ್ಕೆ ಬೇಗ ಹೊಂದಿಕೊಳ್ಳುವುದಿಲ್ಲ. ತುಂಬಾ ಬಿಸಿಯಿರಲಿ ಅಥವಾ ತುಂಬಾ ಥಂಡಿ ಇರಲಿ ಇದು ಸಹಿಸುವುದಿಲ್ಲ. ಭಾರತದ ಬಿರು ಬೇಸಿಗೆಯಲ್ಲಿ ಅದಕ್ಕೆಂದೇ ಎ.ಸಿ ಇರಬೇಕಷ್ಟೆ.

*ಆಹಾರ ಪ್ರಿಯ: ಪಗ್ ನಾಯಿ ಆಹಾರ ಪ್ರಿಯ. ಎಷ್ಟು ಕೊಟ್ಟರೂ ತಿನ್ನುತ್ತಲೇ ಇರುತ್ತದೆ. ಆದ್ದರಿಂದ ಪ್ರೀತಿಯೊಂದಿಗೆ ಹಿತ ಮಿತವಾದ ಆಹಾರ ಕೊಟ್ಟರೆ ನಿಮ್ಮ ಪ್ರೀತಿಗೆ ಸದಾ ಸಿದ್ಧ.

ಇಷ್ಟಲ್ಲಾ ಗುಣಾವಗುಣಗಳನ್ನು ನೋಡಿದಾಗ ಪಗ್ ಮುಗ್ಧತನ ನಿಜಕ್ಕೂ ನಿಮ್ಮ ಮನಸ್ಸು ಗೆದ್ದಿರುತ್ತದೆ. ನೀವು ಪಗ್ ಕೊಂಡುಕೊಂಡು ನಿಮ್ಮ ಮಕ್ಕಳಿಗೆ ಉಡುಗೊರೆ ನೀಡುವ ಕುರಿತು ಯೋಚಿಸುತ್ತಿರಬಹುದು.