ಮಲಗುವ ಮುನ್ನ ಅಂದಿನ ಮನೆಯ ಸ್ವಚ್ಛತೆ ಹೀಗಿರಲಿ

Improvement

oi-Staff

By CM prasad

Updated: Thursday, January 28, 2016, 15:53 [IST]

ನಿಮ್ಮ ದೇಹ ಹಾಗೂ ಮನಸ್ಸಿಗೆ ಆರೈಕೆ ಎಷ್ಟು ಮುಖ್ಯವೋ ನಿಮ್ಮ ಮನೆಯ ಆರೈಕೆಯೂ ಅಷ್ಟೇ ಪ್ರಮುಖವಾದದ್ದು. ಮನೆಯ ಸ್ವಚ್ಛತೆಗೆ ಅನೇಕರು ಆದ್ಯತೆ ನೀಡುತ್ತಾರೆ. ಆದರೆ ಈಗಿನ ಬಿಡುವಿಲ್ಲದ ಒತ್ತಡದ ಬದುಕಿನಲ್ಲಿ ಮನೆಯ ಆರೈಕೆಯ ಬಗ್ಗೆ ಹೆಚ್ಚಿನವರಿಗೆ ಗಮನಹರಿಸಲು ಸಾಧ್ಯವಾಗುತ್ತಿಲ್ಲ. ಮಹಿಳೆಯರು ಕೆಲಸಕ್ಕೆ ಹೋಗುವ ಮನೆಗಳಲ್ಲಂತೂ ಸ್ವಚ್ಛತೆಯು ಮರೀಚಿಕೆಯೇ ಸರಿ. ಇಂದು ಸ್ವಚ್ಛ ಮಾಡುವ ಕೆಲಸವನ್ನು ಪ್ರತಿದಿನ ಮುಂದೂಡುತ್ತಾ ಹೋಗುತ್ತಿರುತ್ತಾರೆ. ಇದರಿಂದ ಮನೆಯಲ್ಲಿ ಸ್ವಚ್ಛತೆಯ ಕೊರತೆಯುಂಟಾಗಿ ಅನೇಕ ಸಮಸ್ಯೆಗಳನ್ನು ಆಹ್ವಾನಿಸಿದಂತಾಗುತ್ತದೆ.

ಆದರೆ ಕೆಲವು ವೃತ್ತಿಪರ ಮಹಿಳೆಯರು ಮಾತ್ರ ಅಂದಿನ ಕೆಲಸಗಳನ್ನು ಅಂದೇ ಮುಗಿಸಲು ಇಚ್ಛಿಸುತ್ತಾರೆ. ಈ ಪ್ರವೃತ್ತಿಯುಳ್ಳ ಮಹಿಳೆಯು ನೀವಾಗಿದ್ದಲ್ಲಿ, ಮಲಗುವ ಮುನ್ನ ನಾವು ಹೇಳುವ ಕೆಲವು ವಿಧಾನಗಳನ್ನು ಅನುಸರಿಸಿ. ಇದರಿಂದ ನಿಮ್ಮ ಮನೆಯ ಸ್ವಚ್ಛತೆಯು ತಾನಾಗಿಯೇ ನಿವಾರಣೆಯಾಗಿ, ಮನೆಯ ಅಂದ ಹೆಚ್ಚಾಗುತ್ತದೆ ಮತ್ತು ಮನಸ್ಸಿಗೆ ಉಲ್ಲಸಿತವಾಗುತ್ತದೆ.

ಉದಾಹರಣೆ: ಉಪಯೋಗಿಸಿದ ಪಾತ್ರೆಗಳನ್ನು ಶುಚಿಗೊಳಿಸುವುದನ್ನು ಮರುದಿನಕ್ಕೆ ಮುಂದೂಡದೇ ಅಂದೇ ತೊಳೆದುಕೊಳ್ಳಿ. ಅದನ್ನು ಹಾಗೆಯೇ ಬಿಟ್ಟರೆ ನೊಣ ಮತ್ತು ಇಲಿಗಳು ಬರಲು ಕಾರಣವಾಗುತ್ತದೆ. ಅಲ್ಲದೆ ಮತ್ತೊಂದು ವಿಷಯವೆಂದರೆ ಬಟ್ಟೆಗಳನ್ನು ಮನೆಯೊಳಗೆ ತೊಳೆದು ಒಣಗಿಸುವ ಅಭ್ಯಾಸವಿರುವುದು. ಇದರಿಂದ ಅನಾವಶ್ಯಕ ಬ್ಯಾಕ್ಟೀರಿಯಾಗಳು ಉತ್ಪತ್ತಿಯಾಗಿ ಅದರಿಂದ ಅನೇಕ ಆರೋಗ್ಯ ಸಮಸ್ಯೆಗಳು ಉದ್ಭವಿಸುತ್ತವೆ. ನಿಮಗಾಗಿ ಈ ಲೇಖನದಲ್ಲಿ ಕೆಲವು ಅಮೂಲ್ಯವಾದ ಸಲಹೆಗಳನ್ನು ನೀಡಿದ್ದು, ಇದನ್ನು ನೀವು ಮಲಗುವ ಮುನ್ನ ಅನುಸರಿಸಿದಲ್ಲಿ ನಿಮ್ಮ ಮನೆಯ ಸ್ವಚ್ಛತೆ ಹೆಚ್ಚಾಗಿ ನಿಮಗೆ ಉಲ್ಲಾಸಕರ ಅನುಭವ ನೀಡುತ್ತದೆ. ಮನೆ ಸಣ್ಣದಾದರೂ ಪರವಾಗಿಲ್ಲ, ಅಚ್ಚುಕಟ್ಟಾಗಿ ಇಟ್ಟುಕೊಳ್ಳಿ

ಸ್ಟವ್ ಅನ್ನು ಸ್ವಚ್ಛಗೊಳಿಸಿ
ಅಡುಗೆ ಮಾಡಿದ ನಂತರ, ಸ್ಟವ್ ಅನ್ನು ಮೃದುವಾದ ಕಾಟನ್ ಬಟ್ಟೆಯಿಂದ ಸ್ವಚ್ಛಗೊಳಿಸಿ. ಸ್ಟವ್‌ನ ಮೇಲಿರುವ ಎಣ್ಣೆಯ ಅಂಶವನ್ನು ವಿನೆಗರ್ ಮತ್ತು ಉಪ್ಪಿನ ಸಹಾಯದಿಂದ ಹೊರತೆಗೆಯಿರಿ. ಸಾರಿನ ಕಲೆಯನ್ನು ಪಾತ್ರೆತೊಳೆಯುವ ಸಾಬೂನಿನಿಂದ ಸ್ವಚ್ಛಗೊಳಿಸಿರಿ.

ಧೂಳನ್ನು ಹೊರಹಾಕಿ

ಕಾರ್ಪೆಟಿನ ಮತ್ತು ಮುಖ್ಯದ್ವಾರದ ಬಳಿ ಇರುವ ಕಾಲು ಒರೆಸುವ ಮ್ಯಾಟ್‍‌ನ ಮೇಲಿರುವ ಧೂಳನ್ನು ಹೊರಹಾಕಿ ಸ್ವಚ್ಛಗೊಳಿಸಿರಿ. ಧೂಳನ್ನು ಹಾಗೆಯೇ ಬಿಟ್ಟರೆ ಅದರಿಂದ ಅಲರ್ಜಿಯಂತಹ ಆರೋಗ್ಯ ಸಮಸ್ಯೆಗಳು ಉಂಟಾಗುತ್ತವೆ.

ಹಾಸಿಗೆ ಸ್ವಚ್ಛಗೊಳಿಸಿ

ಮಲಗುವ ಮುನ್ನ ನೀವು ಮಲಗುವ ಹಾಸಿಗೆಯನ್ನು ಸ್ವಚ್ಛಗೊಳಿಸುವ ಅಭ್ಯಾಸ ರೂಢಿಸಿಕೊಳ್ಳಿ. ಹಾಸಿಗೆಯ ಬಟ್ಟೆ ಮತ್ತು ತಲೆದಿಂಬಿನ ಮೇಲಿರುವ ಧೂಳನ್ನು ಹೊರಹಾಕಿ ಸ್ವಚ್ಛಗೊಳಿಸಿ. ಇದು ನಿಮಗೆ ಉಲ್ಲಾಸಕರ ಅನುಭವ ನೀಡುತ್ತದೆ.

ಅಡುಗೆ ಮನೆಯ ಪಾತ್ರೆ

ಊಟದ ನಂತರ ಅಡುಗೆ ಮನೆಯ ಸಿಂಕ್‌ನಲ್ಲಿ ಪಾತ್ರೆಗಳನ್ನು ತೊಳೆಯದೇ ಹಾಗೆಯೇ ಬಿಟ್ಟುಬಿಡಬೇಡಿ, ಬದಲಿಗೆ ಪಾತ್ರೆ ತೊಳೆಯುವ ಸಾಬೂನಿನಿಂದ ಪಾತ್ರಗಳನ್ನು ಚೆನ್ನಾಗಿ ತೊಳೆದುಕೊಳ್ಳಿ. ಅಲ್ಲದೆ ಅಡುಗೆ ಮಾಡಿದ ಪಾತ್ರೆಗಳನ್ನು ತೊಳೆದ ನಂತರ, ಲಿಂಬೆ ಹಣ್ಣಿನ ಅರ್ಧ ತುಂಡು ಹಾಗೂ ವಿನಿಗರ್ ಅನ್ನು ಬಳಸಿ ಅಡುಗೆ ಕೋಣೆಯ ಸಿಂಕ್ ಅನ್ನು ಚೆನ್ನಾಗಿ ತೊಳೆದುಕೊಳ್ಳಿ.