ಬೇಸಿಗೆಯಲ್ಲಿ ಪೀಠೋಪಕರಣಗಳ ಆರೈಕೆ ಹೀಗಿರಲಿ

ಮನೆ ಎಂದಾದಲ್ಲಿ ಅಲ್ಲಿ ಪೀಠೋಪಕರಣಗಳಿಗೆ ಅದರದ್ದೇ ಆದ ವಿಶೇಷ ಸ್ಥಾನವಿರುತ್ತದೆ, ಕೇವಲ ಕುಳಿತುಕೊಳ್ಳಲು ಮಾತ್ರ ಆರಾಮ ಸ್ಥಾನ ಎಂಬುದಾಗಿ ತಿಳಿಯದೇ, ಪೀಠೋಪಕರಣಗಳಿದ್ದಲ್ಲಿ ಮನೆಗೆ ಅದರದ್ದೇ ಆದ ಶೋಭೆ ಇದೆ ಎಂಬುದನ್ನು ಕಂಡುಕೊಳ್ಳಿ. ಈಗಿನ ಆಧುನಿಕ ಮನೋಭಾವಕ್ಕೆ ತಕ್ಕಂತೆ ಪೀಠೋಪಕರಣಗಳನ್ನು ವಿನ್ಯಾಸಗೊಳಿಸಿದ್ದರೂ ಕೆಲವು ಪೀಠೋಪಕರಣಗಳು ಅದರದ್ದೇ ಆದ ಶ್ರೀಮಂತಿಕೆಯನ್ನು ಪಡೆದುಕೊಂಡಿವೆ.

ಹಿಂದಿನ ತಲೆಮಾರುಗಳು ಬಳಸಿದ ಯಾವುದೇ ವಸ್ತುಗಳೂ ಇಂದಿನ ಜಮಾನಾಕ್ಕೆ ಚಿನ್ನವಾಗಿರುತ್ತದೆ. ಆದ್ದರಿಂದ ಅವುಗಳ ಜೋಪಾನವನ್ನು ನಾವು ಅತಿ ಜಾಗರೂಕತೆಯಿಂದ ಮಾಡಬೇಕಾಗುತ್ತದೆ. ಪೀಠೋಕರಣಗಳ ವಿಷಯಕ್ಕೆ ಬಂದಾಗ ಮರದಿಂದ ತಯಾರಿಸಿದಂತಹ ಯಾವುದೇ ಉತ್ಪನ್ನಗಳು ಸರಿಯಾದ ಆರೈಕೆ ಇಲ್ಲದಿದ್ದ ಸಂದರ್ಭದಲ್ಲಿ ಹಾಳಾಗುವುದು ಸಹಜವಾಗಿದೆ. ನೀವು ಬೆಲೆಬಾಳುವ ಮರಗಳಿಂದ ಇಂತಹ ಉತ್ಪನ್ನಗಳನ್ನು ತಯಾರಿಸಿ ಅವುಗಳ ಜೋಪಾನವನ್ನು ಮಾಡಿಲ್ಲ ಎಂದಾದಲ್ಲಿ ಅವು ಹಾಳಾಗಿ ನಿಮಗೇ ತುಂಬಲಾರದ ನಷ್ಟವನ್ನು ತಂದೊಡ್ಡುತ್ತವೆ.

ಈ ಪೀಠೋಪಕರಣಗಳು ವೋಕ್, ಮೇಪಲ್, ವಾಲ್‎ನಟ್, ಮಹೋಗನಿ ಮುಂತಾದ ಮರಗಳಿಂದ ತಯಾರಿಸಿದ ಪೀಠೋಪಕರಣಗಳು ನಿಮ್ಮ ಮನೆಗೆ ಅನನ್ಯ ಕಳೆಯನ್ನು ನೀಡುತ್ತವೆ. ಇಂತಹ ಪೀಠೋಪಕರಣಗಳು ನೋಡಲು ಅಂದವಾಗಿದ್ದರೂ ಬೇಗನೇ ಹಾಳಾಗಿಬಿಡುತ್ತವೆ. ಅದರಲ್ಲೂ ಬೇಸಿಗೆಯಲ್ಲಿ ಇವುಗಳು ಹಾನಿಗೆ ಬೇಗನೇ ಒಳಗಾಗಿಬಿಡುತ್ತವೆ.

ಬೇಸಿಗೆಯಲ್ಲಿ ಬಿಸಿಲು ತೀಕ್ಷ್ಣವಾಗಿರುವುದರಿಂದ ಆಸನಗಳ ಒಳಭಾಗದಲ್ಲಿ ಪದರ ಏರ್ಪಟ್ಟು ಅವು ಮುರಿತಕ್ಕೆ ಒಳಗಾಗಿಬಿಡುತ್ತವೆ. ಅಂತೆಯೇ ಬಣ್ಣಮಾಸುವುದು ಮೊದಲಾದ ಸಮಸ್ಯೆಗಳನ್ನು ಇವು ಅನುಭವಿಸುತ್ತವೆ. ಅಂತೆಯೇ ಕೊಳೆ ಕೂಡ ಇದರಲ್ಲಿ ತುಂಬಿಹೋಗುತ್ತವೆ. ಹಾಗಿದ್ದರೆ ಇವುಗಳ ಆರೈಕೆಯನ್ನು ಮಾಡುವುದು ಹೇಗೆ ಎಂಬುದನ್ನು ಇಂದಿನ ಲೇಖನದಲ್ಲಿ ಅರಿತುಕೊಳ್ಳಲಿದ್ದೇವೆ. ಬನ್ನಿ ಆ ಸಲಹೆಗಳೇನು ಎಂಬುದನ್ನು ತಿಳಿಯೋಣ.

ಸೂರ್ಯನ ನೇರ ಪ್ರಖರಕ್ಕೆ ಇರಿಸದಿರಿ
ಮರದ ಪೀಠೋಪಕರಣಗಳಲ್ಲಿ ನಿರ್ದಿಷ್ಟ ಪ್ರಮಾಣದ ತೇವಾಂಶ ಇರುತ್ತದೆ. ನೇರವಾಗಿ ಸೂರ್ಯನ ಬಿಸಿಲಿನಲ್ಲಿ ಇವನ್ನು ಇರಿಸುವುದರಿಂದ ಇದು ತೇವಾಂಶವನ್ನು ಹೀರಿಕೊಳ್ಳಬಹುದು ಮತ್ತು ಕೆಲವೊಂದೆಡೆಗಳಲ್ಲಿ ಕ್ರ್ಯಾಕ್ ಅನ್ನು ಉಂಟುಮಾಡಬಹುದು. ಅಂತೆಯೇ ಬಣ್ಣ ಕೂಡ ಮಾಸಬಹುದು. ಬೆಂಕಿಯ ಬಳಿ ಕೂಡ ಮರದ ಕುರ್ಚಿಗಳನ್ನು ಇರಿಸದಿರಿ.

ನೀರಿನಲ್ಲಿ ಮುಳುಗಿಸಿಡಬೇಡಿ
ಮರದ ಪೀಠೋಪಕರಣಗಳ ಕಾಳಜಿಗಾಗಿ ನೀವು ಅನುಸರಿಸಬೇಕಾದ ಸಲಹೆ ಇದಾಗಿದೆ. ನೀರಿನಲ್ಲಿ ಪೀಠೋಪಕರಣಗಳನ್ನು ಮುಳುಗಿಸಿಡುವುದು ಅವುಗಳನ್ನು ಹಾಳುಮಾಡಬಹುದು. ಇದರ ಬದಲಿಗೆ ಉಗುರ ಬೆಚ್ಚಗಿನ ನೀರು ಮತ್ತು ಪಾತ್ರೆ ತೊಳೆಯುವ ಸೋಪು ನೀರನ್ನು ಬಳಸಿಕೊಂಡು ಪೀಠೋಪಕರಣಗಳನ್ನು ಒರೆಸಿ. ಹಲ್ಲುಜ್ಜುವ ಬ್ರಶ್ ಬಳಸಿ ಸಂದಿಗಳ ಕೊಳೆ ತೆಗೆಯಿರಿ. ನಂತರ ಒಣಗಿದ ಬಟ್ಟೆಯಿಂದ ಆ ಜಾಗವನ್ನು ಒರೆಸಿಕೊಳ್ಳಿ.

ಕೋಸ್ಟರ್ಸ್ ಮತ್ತು ಮ್ಯಾಟ್ಸ್ ಬಳಸಿ
ಮರದ ಕಾಫಿ ಟೇಬಲ್ ಮೇಲೆ ನೇರವಾಗಿ ಆಹಾರ ಪದಾರ್ಥಗಳನ್ನು ಇರಿಸದಿರಿ. ಎಲ್ಲಾದರೂ ಕಲೆಗಳುಂಟಾದಾಗ ತೆಗೆಯಲು ಕಷ್ಟವಾಗಬಹುದು. ಮರದ ಪೀಠೋಪಕರಣಗಳ ಮೇಲೆ ನೀವೆನನ್ನಾದರೂ ಇರಿಸುತ್ತೀರಾ ಎಂದಾದಲ್ಲಿ ಆದಷ್ಟು ಕೋರ್ಸರ್ಸ್ ಅಥವಾ ಮ್ಯಾಟ್ಸ್ ಬಳಕೆಯನ್ನು ಮಾಡಿ.

ಕೋಟ್ ಅಪ್ಲೈ ಮಾಡಿ
ಬೇಸಿಗೆಯಲ್ಲಿ ಪೀಠೋಪಕರಣಗಳ ಕಾಳಜಿಗಾಗಿ ನೀವು ಅನುಸರಿಸಬಹುದಾದ ವಿಧಾನ ಇದಾಗಿದೆ. ಉತ್ತಮ ಗುಣಮಟ್ಟದ ವ್ಯಾಕ್ಸ್‎ನ ಮೃದು ಪೇಸ್ಟ್ ಅನ್ನು ಬಳಸಿಕೊಂಡು ಪೀಠೋಪಕರಣಗಳ ಮೇಲೆ ಉಜ್ಜಿ. ತೆಳುವಾಗಿ ಹಚ್ಚಿ 30 ನಿಮಿಷಗಳ ಕಾಲ ಕಾಯಿರಿ. ನಂತರ 60 ನಿಮಷಗಳ ನಂತರ ಹೀಗೆಯೇ ಮಾಡಿ. ಇದರಿಂದ ಹೊಳಪು ಬರುತ್ತದೆ.

ಆಗಾಗ್ಗೆ ಸ್ವಚ್ಛಮಾಡುವುದು
ಧೂಳು ಮತ್ತು ಕೊಳೆ ನಿಮ್ಮ ಪೀಠೋಪಕರಣಗಳನ್ನು ಹಾಳುಮಾಡುತ್ತವೆ. ಆದ್ದರಿಂದ ಅವುಗಳನ್ನು ಆಗಾಗ್ಗೆ ಸ್ವಚ್ಛಮಾಡಬೇಕಾಗುತ್ತದೆ. ಅಪ್‎ಹೋಲ್‎ಸ್ಟರ್ ಪೀಠೋಪಕರಣಗಳನ್ನು ನೀವು ಹೊಂದಿದ್ದೀರಿ ಎಂದಾದಲ್ಲಿ, ಅವನ್ನು ವಾಕ್ಯೂಮ್ ಮಾಡಿಕೊಳ್ಳಿ. ಕ್ರಿವೈಸ್ ಪರಿಕರವನ್ನು ಬಳಸಿ ಮರೆಯಾಗಿರುವ ಧೂಳನ್ನು ತೆಗೆಯಿರಿ ಹಾಗೂ ಕುಶನ್ ಕವರ್‎ಗಳನ್ನು ನಿತ್ಯವೂ ಬದಲಾಯಿಸಿ. ಬೇಸಿಗೆಯಲ್ಲಿ ಪೀಠೋಪಕರಣಗಳನ್ನು ಕಾಪಾಡಲು ಇದು ಉತ್ತಮ ಉಪಾಯವಾಗಿದೆ.

ಮಳೆಯಲ್ಲಿ ತೋಯಿಸದಿರಿ
ಮಳೆಯಲ್ಲಿ ಪೀಠೋಪಕರಣಗಳನ್ನು ತೋಯಿಸುವುದರಿಂದ ಜೀವಿಗಳ ರಚನೆ ಇವುಗಳಲ್ಲಿ ಉಂಟಾಗಬಹುದು. ನೀರಿನಿಂದ ಪೀಠೋಪಕರಣಗಳು ಕೊಳೆಯುವ ಪರಿಸ್ಥಿತಿ ಕೂಡ ಉಂಟಾಗುತ್ತದೆ. ಆದ್ದರಿಂದ ಮಳೆಬರುತ್ತಿರುವಾಗ ಆದಷ್ಟು ಪೀಠೋಪಕರಣಗಳನ್ನು ಮನೆಯೊಳಗೆ ಇರಿಸಿಕೊಳ್ಳಿ.

ತ್ವರಿತ ಪರಿಹಾರ