ಪೀನಟ್ ಬಟರ್‌ನಿಂದ ಇಷ್ಟೆಲ್ಲಾ ಪ್ರಯೋಜನಗಳಿವೆಯೇ?

ಕೈಯಲ್ಲಿನ ದುರ್ವಾಸನೆಯನ್ನು ನಿವಾರಿಸುತ್ತದೆ

ಈ ಗುಣ ಗೃಹಿಣಿಯರಿಗೊಂದು ವರದಾನವಾಗಿದೆ. ಸಾಮಾನ್ಯವಾಗಿ ಅಡುಗೆಮನೆಯಲ್ಲಿ ತರಕಾರಿ ಈರುಳ್ಳಿ, ಮೀನು ಇತ್ಯಾದಿಗಳನ್ನು ಕತ್ತರಿಸುವ ಮೂಲಕ ಗೃಹಿಣಿಯರ ಕೈಗಳಲ್ಲಿ ದುರ್ವಾಸನೆ ಕೂಡಿರುತ್ತದೆ. ವಿಶೇಷವಾಗಿ ಮೀನಿನ ದುರ್ವಾಸನೆ ಸೋಪಿನಿಂದಲೂ ಸುಲಭವಾಗಿ ಹೋಗುವುದಿಲ್ಲ. ಇದನ್ನು ನಿವಾರಿಸಲು ಕೊಂಚ ಪೀನಟ್ ಬಟರ್ ಕೈಗಳಿಗೆ ಸವರಿ ಉಜ್ಜಿಕೊಂಡರೆ ಸಾಕು, ದುರ್ವಾಸನೆ ಮಾಯವಾಗುತ್ತದೆ.

ಸೀಡಿಗಳ ಗೆರೆಗಳನ್ನು ಸರಿಪಡಿಸುತ್ತದೆ

ನಿಮ್ಮ ಹಳೆಯ ಸೀಡಿಗಳಲ್ಲಿ ಗೀರು ಬಿದ್ದಿದ್ದು ಪ್ಲೇ ಆಗುವಾಗ ತಡೆತಡೆದು ಆಗುತ್ತದೆಯೇ, ಇದಕ್ಕೆ ಕೊಂಚ ಪ್ರಮಾಣದ ಪೀನಟ್ ಬಟರ್ ಹಾಕಿ ಸ್ವಚ್ಛ ಮತ್ತು ಒಣ ಬಟ್ಟೆಯಿಂದ ನಯವಾಗಿ ಒರೆಸಿ ನಿವಾರಿಸಿ. ಬಳಿಕ ಸೀಡಿ ಯಾವುದೇ ಅಡೆತಡೆಯಿಲ್ಲದೇ ಪ್ಲೇ ಆಗುತ್ತದೆ.

ರತ್ನಗಂಬಳಿಯಲ್ಲಿ ಅಂಟಿಕೊಂಡಿದ್ದ ಬಬ್ಬಲ್ ಗಂ ತೆಗೆಯುತ್ತದೆ

ರತ್ನಗಂಬಳಿಗೆ ಬಲವಾಗಿ ಅಂಟಿಕೊಂಡಿದ್ದ ಬಬ್ಬಲ್ ಗಂ ತೆಗೆಯುವುದು ಸುಲಭದ ಮಾತಲ್ಲ. ಇದಕ್ಕೆ ಕೊಂಚ ತಾಳ್ಮೆ ಮತ್ತು ಕೊಂಚ ಪೀನಟ್ ಬಟರ್ ಅಗತ್ಯ. ಕೈಯಿಂದ ಎಷ್ಟು ತೆಗೆಯಲು ಸಾಧ್ಯವೋ ಅಷ್ಟು ನಿವಾರಿಸಿ ಉಳಿದ ಭಾಗಕ್ಕೆ ಪೀನಟ್ ಬಟರ್ ಸವರಿ. ಕೊಂಚ ಹೊತ್ತಿನ ಬಳಿಕ ಇದು ಸುಲಭವಾಗಿ ನಿವಾರಿಸಲು ಬರುತ್ತದೆ.

ಇರುವೆಗಳನ್ನು ದೂರವಾಗಿಸುತ್ತದೆ

ನಿಮ್ಮ ಮನೆಗೆ ಕರೆಯದೇ ಇರುವೆಗಳು ಅತಿಥಿಗಳಾಗಿ ಬರುತ್ತಿವೆಯೇ? ಇದಕ್ಕಾಗಿ ಎರಡು ದೊಡ್ಡ ಚಮಚ ಪೀನಟ್ ಬಟರ್ ಮತ್ತು ಅರ್ಧ ಚಿಕ್ಕ ಚಮಚ ಅಡುಗೆ ಸೋಡಾ ಮತ್ತು ಒಂದು ಚಿಕ್ಕ ಚಮಚ ಬೋರಾಕ್ಸ್ ಪುಡಿ ಸೇರಿಸಿ ಮಿಶ್ರಣ ಮಾಡಿ. ಇರುವೆಗಳು ಬರುವ ರಸ್ತೆಯಲ್ಲಿ ಈ ಮಿಶ್ರಣವನ್ನು ಉದುರಿಸಿ. ಇರುವೆಗಳು ಈ ಲಕ್ಷ್ಮಣ ರೇಖೆಯನ್ನು ದಾಟದೇ ಹಿಂದೆ ಹೋಗುತ್ತವೆ.

ಚರ್ಮದ ಮತ್ತು ವಿನೈಲ್ ಪರಿಕರಗಳನ್ನು ಸ್ವಚ್ಛಗೊಳಿಸುತ್ತದೆ

ವಿನೈಲ್ ಮತ್ತು ಚರ್ಮದ ಪರಿಕರಗಳನ್ನು ಸ್ವಚ್ಛಗೊಳಿಸುವುದು ಅಷ್ಟು ಸುಲಭವಲ್ಲ. ಏಕೆಂದರೆ ಕೊಂಚವೇ ಹೆಚ್ಚು ಪ್ರಬಲವಾದ ರಾಸಾಯನಿಕಗಳು ಚರ್ಮದ ವಸ್ತುಗಳ ಮೇಲ್ಮೆಯ ಹೊಳಪನ್ನು ಕುಂದಿಸಬಹುದು. ಆದರೆ ಪೀನಟ್ ಬಟರ್ ಬಳಸಿದರೆ ಯಾವುದೇ ಹಾನಿಯಿಲ್ಲದೇ ಸ್ವಚ್ಛಗೊಳಿಸಲು ಸಾಧ್ಯ. ಅಲ್ಲದೇ ಹೊಳಪನ್ನೂ ನೀಡಬಹುದು. ಇದಕ್ಕಾಗಿ ಕೊಂಚವೇ ಪ್ರಮಾಣವನ್ನು ಪರಿಕರದ ಮೇಲೆ ಹಚ್ಚಿ ಸ್ವಚ್ಛವಾದ ಬಟ್ಟೆ ಉಪಯೋಗಿಸಿ ವೃತ್ತಾಕಾರದಲ್ಲಿ ಸವರುತ್ತಾ ಬನ್ನಿ. ಇದರೊಂದಿಗೆ ಕೊಂಚ ಸುಗಂಧದ್ರವ್ಯವನ್ನು ಸೇರಿಸಿದರೆ ಶೇಂಗಾದ ಪರಿಮಳವನ್ನು ಕಡಿಮೆ ಮಾಡಬಹುದು.