ಫ್ಯಾಬ್ರಿಕ್ ಸೋಫಾ ದೀರ್ಘಕಾಲ ಬಾಳಲು ಟಿಪ್ಸ್

ಸೋಫಾ ಆಯ್ಕೆ ಮಾಡುವಾಗ ಮಾಡಬೇಕಾದ ಬಹಳ ಪ್ರಮುಖ ನಿರ್ಧಾರ ಸೋಫಾದ ಕವರಿಂಗ್ ಯಾವುದಾಗಿರಬೇಕು ಎನ್ನುವುದು. ಲೆದರ್ ಮತ್ತು ಫ್ಯಾಬ್ರಿಕ್ ಎರಡೂ ಬಗೆಯ ಸೋಫಾಗಳು ಚಳಿಗಾಲಗಳಲ್ಲಿ ತಮ್ಮದೇ ರೀತಿಯಲ್ಲಿ ಅನುಕೂಲತೆಗಳನ್ನು ಹೊಂದಿದೆ. ಫ್ಯಾಬ್ರಿಕ್ ಪ್ರೇಮಿಗಳಾದರೆ ಅದರ ಸ್ಪರ್ಶ, ವೈವಿಧ್ಯತೆ ಮತ್ತು ವಿವಿಧ ಶ್ರೇಣಿಗಳು ಅದನ್ನೇ ಆಯ್ದು ಕೊಳ್ಳುವಂತೆ ಮಾಡುತ್ತದೆ.

ಕಿಂಗ್ ಫರ್ನೀಚರ್ನ ಟ್ರಿಯಾನ ಒಡೊನೆ ಪ್ರಕಾರ ಫಾಬ್ರಿಕ್ ಆಯ್ಕೆ ಎನ್ನುವುದು ವೈಯುಕ್ತಿಕ ಜೀವನಶೈಲಿ ಮತ್ತು ಪ್ರಾಮುಖ್ಯತೆಗಳಿಗೆ ಸಂಬಂಧಿಸಿದ್ದು. ಫ್ಯಾಬ್ರಿಕ್ ಸೋಫಾ ಕೊಂಡಮೇಲೆ ಅದನ್ನು ಕಾಪಾಡಿಕೊಳ್ಳುವುದನ್ನು ಕಲಿತುಕೊಳ್ಳುವುದು ಮುಖ್ಯ.

1. ಫ್ಯಾಬ್ರಿಕ್ ಸೋಫಾಗಳನ್ನು ನಿಯಮಿತವಾಗಿ ವ್ಯಾಕ್ಯೂಮ್ ಕ್ಲೀನರ್ ಬಳಸಿ ಸ್ವಚ್ಛ ಮಾಡುತ್ತಿರಬೇಕು.

2. ಏನಾದರೂ ಕಲೆಗಳಾದರೆ ತಕ್ಷಣ ಸ್ವಚ್ಛ ಮಾಡಿಬಿಡಬೇಕು. ಅದನ್ನು ಹಾಗೆ ಬಿಟ್ಟರೆ ಕಲೆಗಳನ್ನು ಹೋಗಿಸುವುದು ಕಷ್ಟ.

3. ಕಿಂಗ್ ಕೇರ್ ಫ್ಯಾಬ್ರಿಕ್ ಕ್ಲೀನರ್ ಬಳಸಿ ಸ್ವಚ್ಛ ಉತ್ತಮ. ಮಾಮೂಲಿ ಮನೆ ಸ್ವಚ್ಛ ಮಾಡುವ ಕ್ಲೀನರ್ಗಳನ್ನು ಬಳಸಿದರೆ ಅವು ಫ್ಯಾಬ್ರಿಕ್ಗಳಿಗೆ ಹಾನಿಯುಂಟು ಮಾಡಬಹುದು ಮತ್ತು ಸೋಫಾ ಬಣ್ಣಗೆಡಬಹುದು. ಆದ್ದರಿಂದ ಯಾವಾಗಲೂ ಕ್ಲೀನರ್ ಫ್ಯಾಬ್ರಿಕ್ ಸ್ನೇಹಿಯೇ ನೋಡಿ ಬಳಸಿ.

4. ಚೂಪಾದ ವಸ್ತುಗಳಾದ ಉಂಗುರಗಳು ಅಥವ ಬಕಲ್ಗಳನ್ನು ಸೋಫಾದಿಂದ ದೂರವಿರಿಸಿ. ಇವುಗಳಿಂದ ಸೋಫಾಗೆ ಹಾನಿಯುಂಟಾಗಬಹುದು ಅಥವ ಸೋಫಾ ಹರಿಯುವ ಸಾಧ್ಯತೆಗಳು ಹೆಚ್ಚಿರುತ್ತದೆ.

5. ನಿಯಮಿತವಾಗಿ ಸ್ವಚ್ಛ ಮಾಡುವುದರಿಂದ ಪಿಲ್ಲಿಂಗ್ನಿಂದ ಸೋಫಾವನ್ನು ರಕ್ಷಿಸಬಹುದು. ಒಂದುವೇಳೆ ಪಿಲ್ಲಿಂಗ್ ಉಂಟಾದಲ್ಲಿ ಫ್ಯಾಬ್ರಿಕ್ ಪಿಲ್ ರಿಮೂವರ್ ಬಳಸಿ ಇದನ್ನು ತೆಗೆದು ಹಾಕಿ. ಇದು ಎಲ್ಲ ಡಿಪಾರ್ಟ್ಮೆಂಟಲ್ ಸ್ಟೋರ್ಗಳಲ್ಲಿ ಸಿಗುತ್ತದೆ.

6. ಫ್ಯಾಬ್ರಿಕ್ ಸೋಫಾಗಳ ಮೇಲೆ ಸೂರ್ಯನ ಬೆಳಕು ಬೀಳದಿರುವುದು ಉತ್ತಮ. ನೇರವಾಗಿ ಸೂರ್ಯನ ಬೆಳಕು ಇವುಗಳ ಮೇಲೆ ಬಿದ್ದರೆ ಸೋಫಾದ ಬಣ್ಣ ಮಾಸುತ್ತದೆ ಮತ್ತು ಫ್ಯಾಬ್ರಿಕ್ಗಳು ಕಳೆಕುಂದುತ್ತವೆ.

7. ಫ್ಯಾಬ್ರಿಕ್ ನಿರ್ಮಾಣಹಂತದಲ್ಲೇ ಎಚ್ಚರಿಕೆ ವಹಿಸಿದರೆ ದ್ರವಗಳಿಂದುಂಟಾಗುವ ಹಾನಿಯನ್ನು ತಡೆಯಬಹುದು. ಮತ್ತು ದ್ರವ ಪದಾರ್ಥಗಳು ಚೆಲ್ಲಿದಾಗ ಒಣಗಿಸುವುದು ಸುಲಭವಾಗುತ್ತದೆ.

8. ವೃತ್ತಿಪರ ಅಪ್ಹೋಸ್ಟರಿ ಕ್ಲೀನರ್ಗಳ ಮೂಲಕ ವರ್ಷಕ್ಕೆ ಒಮ್ಮೆಯಾದರೂ ಸೋಫಾ ಸ್ವಚ್ಛ ಮಾಡಿಸುವುದರಿಂದ ಸೋಫಾ ಉತ್ತಮ ಸ್ಥಿತಿಯಲ್ಲಿರುತ್ತದೆ.