ಮನೆಯಲ್ಲಿ ಜಿರಳೆ ಕಾಟವೇ? ಇಲ್ಲಿದೆ ಪರಿಹಾರ

ಅಡುಗೆ ಮನೆಯಲ್ಲಿ ಜಿರಳೆ ಬಂದು ಸೇರಿದರೆ ಅದನ್ನು ನಾಶ ಮಾಡುವುದು ಕಷ್ಟ. 2-3 ಜಿರಳೆ ಕಂಡರೆ ಮಾರನೇಯ ದಿನ ನೋಡಿದಾಗ ಅದರ ಎರಡು ಪಟ್ಟಾಗಿರುತ್ತದೆ. ಜಿರಳೆ ಸ್ಪ್ರೇ ಹೊಡೆದರೂ ಅವುಗಳನ್ನು ಸಂಪೂರ್ಣವಾಗಿ ಹೋಗಲಾಡಿಸಲು ಸಾಧ್ಯವಿಲ್ಲ, ಜಿರಳೆ ಪೇಸ್ಟ್ ಜಿರಳೆಯನ್ನು ನಾಶ ಮಾಡುವಲ್ಲಿ ಸ್ವಲ್ಪ ಮಟ್ಟಿಗೆ ಪರಿಣಾಮಕಾರಿಯಾಗಿದೆ. ಆದರೆ ಈ ಪೇಸ್ಟ್ ಅನ್ನು ಆಹಾರ ಸಾಮಾಗ್ರಿಗಳ ಹತ್ತಿರ ಇಡಲು ಸಾಧ್ಯವಿಲ್ಲ.

ಇಲ್ಲಿ ನಾವು ಕೆಲವೊಂದು ಟಿಪ್ಸ್ ನೀಡಲಾಗಿದೆ. ಅವುಗಳನ್ನು ಪಾಲಿಸಿದರೆ ಜಿರಳೆ ಬರದಂತೆ ತಡೆಯಬಹುದು.

* ಅಡುಗೆ ಮನೆಯಲ್ಲಿರುವ ಕಬೋರ್ಡ್ ಒಳಗೆ ರೆಡ್ ವೈನ್ ಇಟ್ಟರೆ ಸಾಕು ಜಿರಳೆ ಬರುವುದಿಲ್ಲ. ಸ್ವಲ್ಪ ರೆಡ್ ವೈನ್ ಅನ್ನು ಅಡುಗೆ ಮನೆಯ ಸ್ಲ್ಯಾಬ್ ನ ಕೆಳಗೆ ಚಿಮುಕಿಸಿದರೆ ಜಿರಳೆ ಬರುವುದಿಲ್ಲ.

* ಸಕ್ಕರೆ ಪುಡಿಯನ್ನು ಒಂದು ಬಟ್ಟಲಿನಲ್ಲಿ ಹಾಕಿ ಅದಕ್ಕೆ ಬೋರಿಕ್ ಆಸಿಡ್ ಹಾಕಿ ಮಿಶ್ರ ಮಾಡಿಟ್ಟರೆ ಅದರ ವಾಸನೆಗೆ ಜಿರಳೆ ಅಡುಗೆ ಮನೆ ಕಡೆ ತಿರುಗಿಯೂ ನೋಡುವುದಿಲ್ಲ.

* ಮೊಟ್ಟೆಯ ಚಿಪ್ಪು ಕೂಡ ಮತ್ತೊಂದು ಪರಿಣಾಮಕಾರಿಯಾದ ವಿಧಾನ. ಮೊಟ್ಟೆಯ ಚಿಪ್ಪನ್ನು ಜಿರಳೆ ಬರುವ ಕಡೆ ಇಟ್ಟರೆ ಸಾಕು, ಜಿರಳೆ ಮನೆಯೊಳಗೆ ಬರುವುದಿಲ್ಲ.

* ಜಿರಳೆ ಬರುವ ಕಡೆ, ಸ್ಲ್ಯಾಬ್ ಅಡಿಯಲ್ಲಿ 2 ಲವಂಗವನ್ನು ಪುಡಿ ಮಾಡಿ ಇಡಿ. ಇದನ್ನು ಎರಡು ವಾರಕ್ಕೊಮ್ಮೆ ಬದಲಾಯಿಸಿ.

* ಬೋರಾಕ್ಸ್ ಪುಡಿಯನ್ನು ಬಳಸಿ ಚಿಕ್ಕ-ಚಿಕ್ಕ ಜಿರಳೆಯನ್ನು ಕೊಲ್ಲಬಹುದು. ಪ್ರತೀ 15 ದಿನಕ್ಕೊಮ್ಮೆ ಈ ಪುಡಿಯನ್ನು ಚಿಮುಕಿಸಿದರೆ ಜಿರಳೆ ಬರುವುದೇ ಇಲ್ಲ.

ನಿಮಗೇನಾದರೂ ಜಿರಳೆಯನ್ನು ಹೋಗಲಾಡಿಸುವ ಪರಿಣಾಮಕಾರಿ ವಿಧಾನ ಗೊತ್ತಿದ್ದರೆ ನಮಗೆ ತಿಳಿಸಬಹುದು.