ಹೈಡ್ರೋಜನ್ ಪರಾಕ್ಸೈಡ್ ಇರುವಾಗ ಕಲೆಯ ಚಿಂತೆ ಏಕೆ?

ಹೈಡ್ರೋಜನ್ ಪರಾಕ್ಸೈಡ್ ಅನ್ನು ಮನೆ ಸ್ವಚ್ಛ ಬಳಸಿದರೆ ಅತ್ಯುತ್ತಮವಾದ ಪ್ರಯೋಜವನ್ನು ಪಡೆಯಬಹುದು. ನಿಮ್ಮ ಮರದ ಉಪಕರಣವನ್ನು ಬರೀ ನೀರು ಹಾಕಿ ತೊಳೆಯುವ ಬದಲು ಹೈಡ್ರೋಜನ್ ಪರಾಕ್ಸೈಡ್ ಬಳಸಿ ತೊಳದರೆ ಹೊಸದಾಗಿ ಕಾಣುವುದು.

ಬರೀ ಮರದ ಉಪಕರಣಗಳನ್ನು ಮಾತ್ರವಲ್ಲ, ಮನೆಯಲ್ಲಿರುವ ಅನೇಕ ಸಾಧನಗಳನ್ನು ಹೈಡ್ರೋಜನ್ ಪರಾಕ್ಸೈಡ್ ಬಳಸಿ ಸ್ವಚ್ಛ ಮಾಡಬಹುದು. ಈ ಕೆಳಗಿನ ವಸ್ತುಗಳನ್ನು ಸ್ವಚ್ಛ ಮಾಡಲು ಹೈಡ್ರೋಜನ್ ಪರಾಕ್ಸೈಡ್ ಬಳಸಿದರೆ ಸ್ವಚ್ಛ ಮಾಡಲು ನೀವೂ ಅಧಿಕ ಶ್ರಮ ಪಡಬೇಕಾಗಿಲ್ಲ, ಆ ವಸ್ತುಗಳು ಬಹಳ ಸ್ವಚ್ಛವಾಗುತ್ತವೆ.

ಟೈಲ್ಸ್ ಸ್ವಚ್ಛ ಮಾಡಲು
ಸ್ವಲ್ಪ ಹೈಡ್ರೋಜನ್ ಪರಾಕ್ಸೈಡ್ ಹಾಗೂ ವಿನಿಗರ್ ಹಾಕಿದ ನೀರಿನಿಂದ ನೆಲ ಒರೆಸಿದರೆ , ನೆಲ ಫಳಫಳ ಹೊಳೆಯುವುದು.

ಸಿಂಕ್ ಕ್ಲೀನ್ ಮಾಡಲು
ಸಿಂಕ್ ಕಲೆ ಹಿಡಿಯದಿರಲು ಹೈಡ್ರೋಜನ್ ಪರಾಕ್ಸೈಡ್ ಬಳಸಿ ಸ್ವಚ್ಛ ಮಾಡಬೇಕು.

ಬ್ಯಾಕ್ಟೀರಿಯಾಗಳನ್ನು ಕೊಲ್ಲಲು ಬಳಸಬಹುದು
ಅಡುಗೆ ಮನೆಯಲ್ಲಿ ಬ್ಯಾಕ್ಟೀರಿಯಾಗಳ ದಾಳಿಯನ್ನು ತಡೆಯಲು ಹೈಡ್ರೋಜನ್ ಪರಾಕ್ಸೈಡ್ ಅನ್ನು ಸ್ಪ್ರೇ ಮಾಡಿದರೆ ಸಾಕು. ತರಕಾರಿಗಳ ಮೇಲೆ ಇದನ್ನು ಸಿಂಪಡಿಸಿದರೆ ಒಂದು ವಾರದ ನಂತರ ಆ ತರಕಾರಿಗಳನ್ನು ಚೆನ್ನಾಗಿ ತೊಳೆದು ಅಡುಗೆಗೆ ಬಳಸಿ.

ಫ್ರಿಜ್ ಸ್ವಚ್ಛ ಮಾಡಲು
ಫ್ರಿಜ್ ಸ್ವಚ್ಛ ಮಾಡದಿದ್ದರೆ ದುರ್ವಾಸನೆ ಬೀರುತ್ತದೆ. ಹೈಡ್ರೋಜನ್ ಪರಾಕ್ಸೈಡ್ ಬಳಸಿ ಫ್ರಿಜ್ ಸ್ವಚ್ಛ ಮಾಡುವುದರಿಂದ ಫ್ರಿಜ್ ಸ್ವಚ್ಛ ಹಾಗೂ ಸುವಾಸನೆಯಿಂದ ಕೂಡಿರುತ್ತದೆ.

ಟಾಯ್ಲೆಟ್ ಸ್ವಚ್ಛ ಮಾಡಲು
ಟಾಯ್ಲಟ್ ಹಳದಿ ಬಣ್ಣಕ್ಕೆ ತಿರುಗಿದ್ದರೆ ಹೈಡ್ರೋಜನ್ ಪರಾಕ್ಸೈಡ್ ಬಳಸಿ ಸ್ವಚ್ಛ ಮಾಡಿದರೆ ಟಾಯ್ಲೆಟ್ ನಲ್ಲಿರುವ ಕಲೆಯನ್ನು ಹೋಗಲಾಡಿಸಬಹುದು.