ಈ ವಸ್ತುಗಳನ್ನು ಉಪ್ಪು ಬಳಸಿ ಶುಚಿ ಮಾಡಿ ನೋಡಿ!

ಜೀನ್ಸ್

ಜೀನ್ಸ್ ತುಂಬಾ ಕೊಳೆಯಾಗಿದ್ದರೆ ಅದನ್ನು ತೊಳೆಯಲು ಅರ್ಧ ಬಕೆಟ್ ನೀರಿನಲ್ಲಿ 2 ಚಮಚ ಉಪ್ಪು ಹಾಕಿ ನೆನೆ ಹಾಕಿ, ನಂತರ ಸೋಪು ತಿಕ್ಕಿ ಕೈಯಿಂದ ತಿಕ್ಕಿದರೆ ಸಾಕು. ಜೀನ್ಸ್ ಅನ್ನು ಬ್ರೆಷ್ ಹಾಕಿ ತಿಕ್ಕಿದರೆ ಕಲರ್ ಹೋಗಬಹುದು.

ತಾಮ್ರದ ವಸ್ತುಗಳು

ಮನೆಯಲ್ಲಿರುವ ತಾಮ್ರದ ವಸ್ತುಗಳನ್ನು ನಿಂಬೆ ಹಣ್ಣು ಅಥವಾ ಹುಣಸೆ ಹಣ್ಣಿಗೆ ಉಪ್ಪು ಹಾಕಿ ತಿಕ್ಕಿದರೆ ಪಳಪಳ ಹೊಳೆಯುತ್ತದೆ.

ಚಿಮ್ಮಣಿ

ಅಡುಗೆ ಮನೆಯಲ್ಲಿರುವ ಚಿಮ್ಮಣಿಯನ್ನು ಶುಚಿ ಮಾಡಲು ಉಪ್ಪು, ವಿನಿಗರ್, ಬೇಕಿಂಗ್ ಸೋಡಾ ಹಾಕಿ ಉಜ್ಜಿದರೆ ಸಾಕು.

ಕಾರ್ಪೆಟ್

ಕಾರ್ಪೆಟ್ ನಲ್ಲಿರುವ ವಾಸನೆಯನ್ನು ತೆಗೆಯಲು ಸ್ವಲ್ಪ ಉಪ್ಪು ಉದುರಿಸಿ ನಂತರ ಕ್ಲೀನ್ ಮಾಡಿದರೆ ಕಾರ್ಪೆಟ್ ಶುಚಿಯಾಗುತ್ತದೆ.

ಬಟ್ಟೆ

ಬಟ್ಟೆಯನ್ನು ಒಗೆಯುವ ಮೊದಲು ಒಂದು ಬಕೆಟ್ ನೀರಿಗೆ ಉಪ್ಪು ಹಾಕಿ ಅದರಲ್ಲಿ ಬಟ್ಟೆ ನೆನೆ ಹಾಕಿ ನಂತರ ಒಗೆದರೆ ಬಟ್ಟೆಯ ಕಲರ್ ಅಷ್ಟಾಗಿ ಹೋಗುವುದಿಲ್ಲ ಮತ್ತು ಬಟ್ಟೆ ಸುವಾಸನೆಯಿಂದ ಕೂಡಿರುತ್ತದೆ.

ಕಬ್ಬಿಣದ ಪಾತ್ರೆಗಳು

ಕಬ್ಬಿಣದ ಪಾತ್ರೆಯಲ್ಲಿರುವ ಎಣ್ಣೆಯಂಶ, ಹಳದಿ ಇವುಗಳನ್ನು ಹೋಗಲಾಡಿಸಲು ಸ್ವಲ್ಪ ಉಪ್ಪು ಹಾಕಿ ತಿಕ್ಕಿ ಬಿಸಿ ನೀರಿನಿಂದ ತೊಳೆದರೆ ಸಾಕು.

ಗ್ಲಾಸ್ ಜಾರ್

ಗ್ಲಾಸ್ ಜಾರ್ ಅನ್ನು ಉಪ್ಪು ಹಾಕಿ ತಿಕ್ಕಿದರೆ ಯಾವುದೇ ವಾಸನೆ ಉಳಿಯುವುದಿಲ್ಲ, ಜಾರ್ ಸ್ವಚ್ಛವಾಗುತ್ತದೆ.

ಫ್ರಿಜ್

ಕೆಲವೊಮ್ಮೆ ಕೆಟ್ಟ ದುರ್ನಾತ ಬರುತ್ತದೆ. ಅದನ್ನು ತಡೆಗಟ್ಟಲು ವಿನಿಗರ್ ಮತ್ತು ಉಪ್ಪು ಹಾಕಿದ ನೀರಿಗೆ ಬಟ್ಟೆ ಅದ್ದಿ ಫ್ರಿಜ್ ಕ್ಲೀನ್ ಮಾಡಿದರೆ ಕೆಟ್ಟ ವಾಸನೆ ಇಲ್ಲದಾಗುತ್ತದೆ.

ಪಾತ್ರೆಗಳಿಂದ ವಾಸನೆ ತೆಗೆಯಲು

ಮೊಟ್ಟೆ, ಮಾಂಸ, ಮೀನು ಈ ರೀತಿಯ ಆಹಾರಗಳು ತಿಂದ ನಂತರ ಪ್ಲೇಟ್ ತೊಳೆಯುವಾಗ ಸ್ವಲ್ಪ ಉಪ್ಪು ಹಾಕಿ ತಿಕ್ಕಿದರೆ ಪ್ಲೇಟ್ ವಾಸನೆ ರಹಿತವಾಗಿರುತ್ತದೆ.

ಬೆಳ್ಳಿಯನ್ನು ಶುಚಿ ಮಾಡಲು

ಬೆಳ್ಳಿ ವಸ್ತುಗಳನ್ನು ಉಪ್ಪು ಹಾಕಿ ಉಜ್ಜಿದರೆ ಸಾಕು ಆ ವಸ್ತುಗಳು ಪಳಪಳ ಹೊಳೆಯುತ್ತದೆ.