ಗೋಡೆಯನ್ನು ಬೋರ್ಡ್ ನಂತೆ ಬಳಸಲು ಈ ಪೇಯಿಂಟ್

Improvement

oi-Reena

By Hema S

Updated: Friday, August 10, 2012, 16:50 [IST]

ಫೋನ್ ನಲ್ಲಿ ಮಾತನಾಡುತ್ತಿರುತ್ತೇವೆ. ಆ ಕಡೆ ವ್ಯಕ್ತಿ ಯಾವುದೋ ಒಂದು ವಿಷಯವನ್ನು ಹೇಳುತ್ತಿರುತ್ತಾನೆ ಆಗ ಆ ವಿಷಯವನ್ನು ನೋಟ್ ಮಾಡಬೇಕಾಗಿರುತ್ತದೆ, ಪೇಪರ್ ಹುಡುಗಿದರೆ ತಕ್ಷಣ ಸಿಗುವುದಿಲ್ಲ, ಆಗ ನಮ್ಮಲ್ಲಿ ಅನೇಕರು ಮಾಡುವ ಕೆಲಸವೆಂದರೆ ಗೋಡೆಯಲ್ಲಿ ಬರೆದು ಇಟ್ಟುಕೊಳ್ಳುವುದು!

ಅದಲ್ಲದಿದ್ದರೆ ನಮ್ಮ ಸೈಟ್ ನಲ್ಲಿ ರೆಸಿಪಿ ಓದಿ ಸರಿ, ಟ್ರೈ ಮಾಡುವ ಎಂದು ಯೋಚಿಸಿರುತ್ತೀರಿ, ಕಂಪ್ಯೂಟರ್ ಅಥವಾ ಲ್ಯಾಪ್ ಟಾಪ್ ಅನ್ನು ಕಿಚನ್ ಗೆ ತೆಗೆದುಕೊಂಡು ಹೋಗಿ ಇಟ್ಟು ಮಾಡಲು ಸಾಧ್ಯವೇ? ಇನ್ನು ಪೇಪರ್ ನಲ್ಲಿ ಬರೆದಿಟ್ಟು ಮಾಡೋಣ ಅಂದರೆ ಆಗಾಗ ಪೇಪರ್ ನೋಡಬೇಕು.

ಅದೇ ಗೋಡೆಯಲ್ಲಿ ಬರೆದಿಟ್ಟು ಅದನ್ನು ನೋಡಿ ಮಾಡುವುದು ಎಷ್ಟು ಸೂಪರ್ ಐಡಿಯಾ ಅಲ್ವಾ? ಏನು, ಈ ರೀತಿ ಬರೆದಿಟ್ಟರೆ ಗೋಡೆ ಗತಿ ಏನಾಗಬೇಡ ಎಂದು ಕೇಳುತ್ತಿದ್ದೀರಾ? ಅದಕ್ಕಾಗಿ ರೈಟ್ ಪೇಯಿಂಟ್‌ಯನ್ನು ಗೋಡೆ ಬಳಸಿ. ಈ ರೈಟ್ ಪೇಯಿಂಟ್ ಬಗ್ಗೆ ತಿಳಿಯೋಣ ಬನ್ನಿ.

ರೈಟ್ ಪೇಯಿಂಟ್ ಒಂದು ಬಗೆಯ ಪೇಯಿಂಟ್ ಆಗಿದ್ದು ಇದನ್ನು ಗೋಡೆಗೆ ಬಣ್ಣ ಹಚ್ಚಿ ಒಣಗಿದ ಮೇಲೆ ಹಚ್ಚಬೇಕು. ಈ ಪೇಯಿಂಟ್ ಸ್ವಲ್ಪ ದುಬಾರಿ ಅನಿಸಿದರೂ ಇದನ್ನು ಇಡೀ ಮನೆಗೆ ಹಚ್ಚ ಬೇಕಾಗಿಲ್ಲದ ಕಾರಣ ಒಂದು ಡಬ್ಬಿಯಷ್ಟು ಕೊಂಡರೆ ಸಾಕು. ಈ ಪೇಯಿಂಟ್ ಹಚ್ಚಿ ಒಣಗಿದ ನಂತರ ಮಾರ್ಕರ್ ಪೆನ್ನಿನಿಂದ ಈ ಗೋಡೆಯ ಮೇಲೆ ಬರೆಯಬಹುದಾಗಿದ್ದು, ಇದನ್ನು ಸುಲಭವಾಗಿ ಅಳಸಬಹುದು.

ಆದ್ದರಿಂದ ಈ ರೈಟ್ ಪೇಯಿಂಡ್ ತುಂಬಾ ಉಪಕಾರಿಯಾಗಿದೆ.ಇದನ್ನು ಕಿಚನ್ ನ ಒಂದು ಭಾಗದಲ್ಲಿ, ಲೀವಿಂಗ್ ರೂಮಿನಲ್ಲಿ ಹಚ್ಚಿದರೆ ಅದು ಒಣಗಿದ ನಂತರ ವೈಟ್ ಬೋರ್ಡ್ ನಂತೆ ಈ ವಾಲ್ ಬೋರ್ಡ್ ಬಳಸಬಹುದು. ಅಲ್ಲದೆ ಈ ವಾಲ್ ಬೋರ್ಡ್ ಬಳಸಿ ಮಕ್ಕಳಿಗೆ ಪಾಠ ಹೇಳಿಕೊಡಬಹುದು.

ಇದನ್ನು ಆಫೀಸ್ ನಲ್ಲಿ ಕಾನ್ಫಿರೆನ್ಸ್ ರೂಮಿನಲ್ಲಿ ಬಳಸಬಹುದಾಗಿದೆ. ಹೋಟಲ್ ಗಳಲ್ಲಿ ಮೆನು ಬರೆದಿಡಲು ಬೋರ್ಡ್ ಬದಲು ಈ ವಾಲ್ ಪೇಯಿಂಟ್ ಬಳಸಬಹುದು.