ಕತ್ತರಿಸಿದ ಹಣ್ಣುಗಳನ್ನು ತಾಜಾವಾಗಿಡಲು ಟಿಪ್ಸ್

ಸೇಬು:

ಕತ್ತರಿಸಿದ ಸೇಬನ್ನು ತೆಗೆದಿಡುವಾಗ ಸ್ವಲ್ಪ ಆಪಲ್ ಸೈಡರ್ ವಿನಿಗರ್ ಅನ್ನು ಅಥವಾ ನಿಂಬೆರಸವನ್ನು ಕತ್ತರಿಸಿದ ಭಾಗಕ್ಕೆ ಸವರಿ ತೆಗೆದಿಟ್ಟರೆ ಕತ್ತರಿಸಿದ ಭಾಗ ಕಪ್ಪಾಗುವುದಿಲ್ಲ ಮತ್ತು ತನ್ನ ತಾಜಾತನವನ್ನು ಕಳೆದುಕೊಳ್ಳುವುದಿಲ್ಲ.

ಬೆಣ್ಣೆ ಹಣ್ಣು:

ಅವಕಾಡೊ ಹಣ್ಣಿನ ಕತ್ತರಿಸಿದ ಭಾಗವನ್ನು ನಾಳೆ ಬಳಸುವ ಎಂದು ಯೋಚಿಸಿ ಹಾಗೆಯೇ ತೆಗೆದಿಟ್ಟರೆ ಅದು ಮೆತ್ತಗಾಗಿ ಹಾಳಾಗುವುದು. ಆದ್ದರಿಂದ ಕತ್ತರಿಸಿದ ಅವಕಾಡೊ ಅಥವಾ ಬೆಣ್ಣಿಗೆ ಸ್ವಲ್ಪ ನಿಂಬೆ ರಸ ಸವರಿ ನಂತರ ಅದನ್ನು ಗಾಳಿಯಾಡಂತೆ ಪ್ಲಾಸ್ಟಿಕ್ ನಲ್ಲಿ ಹಾಕಿ ಫ್ರಿಜ್ ನಲ್ಲಿಡಬೇಕು.

ನಿಂಬೆ ಹಣ್ಣು:

ನಿಂಬೆ ಹಣ್ಣನ್ನು ಕತ್ತರಿಸಿಟ್ಟರೆ ಒಣಗಿದಂತೆ ಆಗುವುದು. ಆದ್ದರಿಂದ ಅದನ್ನು ಒಂದು ಪ್ಲಾಸ್ಟಿಕ್ ನಲ್ಲಿ ಸುತ್ತಿ ನಂತರ ಫ್ರಿಜ್ ನಲ್ಲಿಡಬೇಕು.

ಕಲ್ಲಂಗಡಿ ಹಣ್ಣು:

ಕಲ್ಲಂಗಡಿ ಹಣ್ಣನ್ನು ಕತ್ತರಿಸಿದ ನಂತರ ಪ್ಲಾಸ್ಟಿಕ್ ನಲ್ಲಿ ಸುತ್ತಿಟ್ಟರೆ ಹಾಳಾಗುವುದಿಲ್ಲ.

ಸೀಬೆಕಾಯಿ:

ಸೀಬೆಕಾಯಿ ಮೇಲೂ ಅಷ್ಟೆ ಸ್ವಲ್ಪ ನಿಂಬೆರಸ ಹಾಕಿ ಇಟ್ಟರೆ ಸೀಬೆಕಾಯಿ ಹಾಳಾಗುವುದಿಲ್ಲ.

ಪೈನಾಪಲ್:

ಈ ಹಣ್ಣನ್ನು ಪ್ಲಾಸ್ಟಿಕ್ ಡಬ್ಬದಲ್ಲಿ ಹಾಕಿ ಗಾಳಿಯಾಡದಂತೆ ಮುಚ್ಚಿಟ್ಟರೆ ಹಾಳಾಗುವುದಿಲ್ಲ.

ಪಪ್ಪಾಯಿ:

ಪಪ್ಪಾಯಿಯನ್ನು ಕತ್ತರಿಸಿದರೆ ನಂತರ ತೆಗೆದಿಡುವಾಗ ಅದನ್ನು ಶುದ್ಧವಾದ ಪೇಪರ್ ನಲ್ಲಿ ಸುತ್ತಿ ನಂತರ ಫ್ರಿಜ್ ನಲ್ಲಿಟ್ಟರೆ 2-3 ದಿನದವರೆಗೆ ಇಡಬಹುದು.