ಚಾಕಲೇಟ್ ಕರಗದಂತೆ ಸಂಗ್ರಹಿಸಿಡಲು ಟಿಪ್ಸ್

Improvement

oi-Reena

By Hema S

Updated: Friday, September 7, 2012, 15:07 [IST]

ಚಾಕಲೇಟ್ ಬಾಕ್ಸ್ ಕೊಂಡು ತಂದರೆ ಎಲ್ಲವನ್ನು ಒಂದೇ ದಿನದಲ್ಲಿ ತಿನ್ನಲು ಸಾಧ್ಯವಿಲ್ಲ. ಆದರೆ ಒಂದು ವಾರದವರೆಗೆ ಇಟ್ಟರೆ ಮೆತ್ತಗಾಗಿ ತಿನ್ನಲು ಇಷ್ಟವಾಗುವುದಿಲ್ಲ. ಚಾಕಲೇಟ್ ಅನ್ನು ಫ್ರಿಜ್ ನಲ್ಲಿ ಇಟ್ಟರೆ ಚೆನ್ನಾಗಿರುತ್ತದೆ ಎಂದು ನೀವು ಭಾವಿಸಿದರೆ ಅದು ತಪ್ಪು! ಏಕೆಂದರೆ ಚಾಕಲೇಟ್ ಅನ್ನು ಫ್ರಿಜ್ ನಲ್ಲಿ ಇಟ್ಟರೆ ಅದು ತನ್ನ ರುಚಿಯನ್ನು ಕಳೆದುಕೊಳ್ಳುತ್ತದೆ.

ಆದ್ದರಿಂದ ಚಾಕಲೇಟ್ ಅನ್ನು ಸ್ವಲ್ಪ ದಿನ ಇಟ್ಟರೂ ತನ್ನ ರುಚಿ ಮತ್ತು ವಾಸನೆಯನ್ನು ಕಳೆದುಕೊಳ್ಳದಿರಲು ಈ ಕೆಳಗಿನ ಸಲಹೆಗಳನ್ನು ಪಾಲಿಸಬಹುದು:

1. ತಂಪಾದ ಮತ್ತು ಸ್ವಲ್ಪ ಕತ್ತಲಿರುವ ಪ್ರದೇಶದಲ್ಲಿ ಇಡಬೇಕು. ಆದರೆ ತೇವಾಂಶವಿರುವ ಪ್ರದೇಶದಲ್ಲಿ ಇಡಬೇಡಿ. ಏರ್ ಕಂಡೀಷನರ್ ಇರುವ ರೂಮಿನಲ್ಲಿರುವ ಡ್ರಾಯರ್ ಚಾಕಲೇಟ್ ಇಡಲು ಇರುವ ಸೂಕ್ತವಾದ ಜಾಗವಾಗಿದೆ.

2. ಕೆಲವೊಮ್ಮೆ ಸ್ವಲ್ಪ ಚಾಕಲೇಟ್ ತಿಂದಾಗ ಸಾಕು ಮತ್ತೆ ತಿನ್ನುವ ಅನಿಸುತ್ತದೆ, ಆಗ ಅದನ್ನು ಹಾಗೆಯೇ ಇಡದೆ ಅದನ್ನು ರೇಪರ್ ನಲ್ಲಿ ಸುತ್ತಿ ಗಾಳಿ ಸೇರದ ಡಬ್ಬದಲ್ಲಿ ಹಾಕಿಡಬೇಕು.

3. ಗಾಢ ವಾಸನೆ ಇರುವ ಪದಾರ್ಥಗಳಿಂದ ಚಾಕಲೇಟ್ ಅನ್ನು ದೂರ ಇಡಬೇಕು. ಏಕೆಂದರೆ ಚಾಕಲೇಟ್ ಬೇಗನೆ ಇತರ ವಾಸನೆಯನ್ನು ಹೀರಿಕೊಂಡು ಇದರ ಮೂಲ ವಾಸನೆ ಕಳೆದುಕೊಳ್ಳುತ್ತದೆ. ಬಾಳೆಹಣ್ಣಿನ ಹತ್ತಿರ ಚಾಕಲೇಟ್ ಇಟ್ಟು ನೋಡಿ, ಚಾಕಲೇಟ್ ಬಾಳೆ ಹಣ್ಣಿನ ವಾಸನೆ ಬರುತ್ತದೆ.

4. ಸ್ವಲ್ಪ ಶಾಖವಿರುವ ಪ್ರದೇಶದಲ್ಲಿ ಇಡಬೇಡಿ. ಚಾಕಲೇಟ್ ಕರಗಿದರೆ ಕೋಕಾದ ರುಚಿ ಮಾತ್ರ ಇರುತ್ತದೆ, ಚಾಕಲೇಟ್ ನ ರುಚಿ ಇರುವುದಿಲ್ಲ.