ಮೊಸಾಯಿಕ್ ನೆಲದ ಅಂದಕ್ಕೆ ಕೆಲ ಸಲಹೆಗಳು

Improvement

oi-Reena

By Hema S

Published: Wednesday, April 4, 2012, 14:47 [IST]

ಮೊಸಾಯಿಕ್ ಹಾಕಿದ ನೆಲ ತುಂಬಾ ಆಕರ್ಷಕವಾಗಿ ಕಾಣುತ್ತದೆ. ಆದರೆ ಈ ರೀತಿಯ ನೆಲದಲ್ಲಿ ಸ್ವಲ್ಪ ಕೊಳೆಯಾದರೂ ಎದ್ದು ಕಾಣುತ್ತದೆ. ಆಗಾಗ ಉಜ್ಜಿಕೊಂಡು ಕೂತರೆ ಅದೇ ಕೆಲಸವಾಗಿ ಬಿಡುತ್ತದೆ.ಈ ಕೆಳಗಿನ ಸರಳ ಉಪಾಯಗಳನ್ನು ಪಾಲಿಸಿದರೆ ಮೊಸಾಯಿಕ್ ನೆಲವನ್ನು ಶುಚಿಯಾಗಿ, ಆಕರ್ಷಕವಾಗಿ ಕಾಣುವುದು.

1. ವ್ಯಾಕ್ಯೂಮ್ ಕ್ಲೀನಿಂಗ್: ವ್ಯಾಕ್ಯೂಮ್ ಕ್ಲೀನರ್ ಬಳಸಿದರೆ ನೆಲ ಶುದ್ಧವಾಗಿ ಕಾಣುತ್ತದೆ. ವ್ಯಾಕ್ಯೂಮ್ ಕ್ಲೀನರ್ ಚಿಕ್ಕ ಕಸವನ್ನು ಕೂಡ ತೆಗೆಯುವುದರಿಂದ ನೆಲ ಶುಚಿಯಾಗಿ ಕಾಣುವುದು. ಅಲ್ಲದೆ ಇದನ್ನು ಬಳಸಿದಾಗ ನೆಲ ಶುಚಿ ಮಾಡಲು ಅಧಿಕ ಸಮಯ ಬೇಕಾಗಿಲ್ಲ. ವ್ಯಾಕ್ಯೂಮ್ ಕ್ಲೀನರ್ ಇಲ್ಲ ಅಂದರೆ ಈ ಕೆಳಗಿನ ಸಲಹೆಗಳನ್ನು ಪಾಲಿಸಬಹುದು.

2. ಸೋಪು ನೀರು: ಸೋಪ್ ನೀರು ಹಾಕಿ ಬ್ರಷ್‌ನಿಂದ ತಿಕ್ಕಿದರೆ ನೆಲದಲ್ಲಿ ಅಂಟಿರುವ ಕಲೆಗಳನ್ನು ಸುಲಭದಲ್ಲಿ ತೆಗೆಯಬಹುದು.
* ಮೂಲೆಯಲ್ಲಿರುವ ಕೊಳೆಯನ್ನು ತೆಗೆಯಲು ಹಳೆ ಟೂತ್ ಬ್ರಷ್ ಬಳಸಿ ತಿಕ್ಕಿದರೆ ಸಾಕು.
* ನೆಲ ತೊಳೆದ ಮೇಲೆ ಸಂಪೂರ್ಣವಾಗಿ ಒಣಗುವವರೆಗೆ ಓಡಾಡಬಾರದು.

3. ಅಡುಗೆ ಸೋಡಾ: ಮೊಸಾಯಿಕ್ ಟೈಲ್ಸ್ ನಡುವೆ ಇರುವ ಕೊಳೆಯನ್ನು ತೆಗೆಯಲು ಅಡುಗೆ ಸೋಡಾವನ್ನು ನೀರಿನಲ್ಲಿ ಹಾಕಿ, ಆ ನೀರನ್ನು ಟೈಲ್ಸ್ ಮೇಲೆ ಹಾಕಿ 15 ನಿಮಿಷ ಬಿಡಬೇಕು. ನಂತರ ಬ್ರಷ್ ಹಾಕಿ ತಿಕ್ಕಬೇಕು. ನಂತರ ಸ್ಪಾಂಜ್ ಅನ್ನು ಸೋಪ್ ನೀರಿನಲ್ಲಿ ಹಾಕಿ ನೆಲವನ್ನು ಉಜ್ಜಬೇಕು. ನಂತರ ಶುದ್ಧವಾದ ನೀರಿನಿಂದ ತೊಳೆದರೆ ನೆಲ ತುಂಬಾ ಹೊಳಪನ್ನು ಪಡೆಯುತ್ತದೆ. ಈ ರೀತಿ ತಿಂಗಳಿಗೆ ಎರಡು ಬಾರಿಯಾದರೂ ಮಾಡಬೇಕು. ಆಗ ಟೈಲ್ಸ್ ತನ್ನ ತುಂಬಾ ಶುಚಿಯಾಗಿ ಕಾಣುವುದು.

4. ಆಸಿಡ್ ಕ್ಲೀನಿಂಗ್: ನೆಲ ಶುಚಿಗೆ ಆಸಿಡ್ ಬಳಸುವುದಾದರೆ ಬಳಸುವ ವಿಧಾನದ ಬಗ್ಗೆ ತಿಳಿದಿರಬೇಕು. ಇಲ್ಲದಿದ್ದರೆ ನೆಲ ಹಾಳಾಗುವುದು. ಒಂದು ದೊಡ್ಡ ಬಕೆಟ್ ನೀರಿಗೆ 1/2 ಕಪ್ ಆಸಿಡ್ ಹಾಕಿದರೂ ಸಾಕು. ಕ್ಲೀನ್ ಮಾಡಲು ದುರ್ಬಲ ಆಮ್ಲ ಬಳಸುವುದು ಒಳ್ಳೆಯದು.

5. ಬ್ರಷ್: ನೆಲ ತಿಕ್ಕಲು ಸಿಂಥೆಟಿಕ್ ಫೈಬರ್ ಬ್ರಷ್ ಬಳಸುವುದು ಒಳ್ಳೆಯದು.