ಸಿಂಕ್ ಶುದ್ಧತೆಗೆ ಅಡುಗೆ ಸೋಡಾ

Improvement

oi-Reena

By Hema S

Published: Monday, March 26, 2012, 14:13 [IST]

ಅಡುಗೆ ಮನೆಯ ಸಿಂಕ್ ಬೇಗನೆ ಗಲೀಜು ಆಗುತ್ತದೆ. ಸಿಂಕ್ ಶುದ್ಧವಾಗಿ ಇಡದಿದ್ದರೆ ಅಡುಗೆ ಮನೆ ಶುದ್ಧವಾಗಿ ಕಾಣುವುದಿಲ್ಲ. ಬೇಸಿಗೆಯಲ್ಲಂತೂ ಶುಚಿಯಾಗಿಡದಿದ್ದರೆ ನೊಣಗಳು ಹಾರಾಡುತ್ತಿರುತ್ತದೆ. ಆದರೆ ಈ ಕೆಳಗಿನ ಸರಳ ವಿಧಾನಗಳು ಸಿಂಕ್ ಶುಚಿಯಾಗಿಡಲು ಸಹಕಾರಿಯಾಗಿದೆ.

1. ಅಡುಗೆ ಮತ್ತು ವಿನಿಗರ್ ಅನ್ನು ಸಮಪ್ರಮಾಣದಲ್ಲಿ ತೆಗೆದು ಕೊಡು ಸ್ವಲ್ಪ ಬಟ್ಟಲಿನಲ್ಲಿ ಹಾಕಿ ಮಿಶ್ರ ಮಾಡಬೇಕು. ಈಗ ಈ ಮಿಶ್ರಣವನ್ನು ಬೇಗನೆ ಸುರಿಯ ಬೇಕು. ಮಿಶ್ರ ಮಾಡಿ ತುಂಬಾ ಹೊತ್ತು ಇಟ್ಟರೆ ಕೊಳೆಯನ್ನು ತೆಗೆಯುವ ಸಾಮರ್ಥ್ಯ ಕಡಿಮೆಯಾಗುವುದು.

2. ಹೀಗೆ ಸುರಿದು 5 ನಿಮಿಷ ಬಿಡಬೇಕು. ಈಗ ಬಿಸಿ ನೀರಿನಿಂದ ಸಿಂಕ್ ತೊಳೆಯಬೇಕು.

3. ಇಷ್ಟು ಮಾಡಿ ಕೊಳೆ ಹೋಗದಿದ್ದರೆ ಕೆಮಿಕಲ್ ಡ್ರೈನ್ ಕ್ಲಿನರ್ ಕೊಂಡು ತಂದು ಬಳಸುವುದು ಒಳ್ಳೆಯದು.

4. ಸಿಂಕ್ ತೊಳೆಯುವಾಗ ಅಡುಗೆ ಸೋಡಾವನ್ನು ಸಿಂಕ್ ಮೇಲೆ ಉದುರಿಸಿ ನಂತರ ಬಿಸಿ ನೀರಿನಿಂದ ತೊಳೆದರೆ ಕೊಳೆ ನಿವಾರಣೆಯಾಗುವುದು. ನಿಂಬೆ ಹಣ್ಣನ್ನು ಕತ್ತರಿಸಿ ಅದರಿಂದ ಸಿಂಕ್ ಉಜ್ಜಿದರೆ ಸಿಂಕ್ ಶುದ್ಧವಾಗುವುದು.