ಬೀನ್ ಬ್ಯಾಗ್ ಶುಚಿಗೊಳಿಸುವ 7 ಸರಳ ಉಪಾಯಗಳು

Improvement

oi-Reena

By Hema S

Published: Tuesday, March 20, 2012, 10:52 [IST]

ಸೋಫಾ, ಕುರ್ಚಿಗಳು ಹಳೆಯ ಸ್ಟೈಲ್ ಆಯ್ತು. ಬೀನ್ ಬ್ಯಾಗ್ ಗಳನ್ನು ಬಳಸುವುದು ಇತ್ತೀಚಿನ ಟ್ರೆಂಡ್ ಆಗಿದೆ. ಕೂರಲು ತುಂಬಾ ಆರಾಮದಾಯಕ ಅನಿಸುವ ಈ ಬ್ಯಾಗ್ ಶುಚಿಗೊಳಿಸುವ ಕೆಲವು ಸರಳ ಉಪಾಯಗಳನ್ನು ಇಲ್ಲಿ ಹೇಳುತ್ತಿದ್ದೇವೆ, ಈ ಉಪಾಯಗಳನ್ನು ಪಾಲಿಸಿ ಬೀನ್ ಬ್ಯಾಗ್ ಶುಚಿಗೊಳಿಸಬಹುದು.

1. ಬೀನ್ ಬ್ಯಾಗ್ ಕಾಟನ್ ಫ್ಯಾಬ್ರಿಕ್ ಆಗಿದ್ದರೆ ಅದರ ಹೊರ ಭಾಗದ ಕವರ್ ತೆಗೆದು ವಾಶಿಂಗ್ ಮೆಷಿನ್ ನಲ್ಲಿ ತೊಳೆಯಬಹುದು. ಕಾಟನ್ ಫ್ಯಾಬ್ರಿಕ್ ಅನ್ನು ಸ್ವಲ್ಪ ಬಿಸಿ ನೀರಿನಲ್ಲಿ ಸಾಬೂನು ಹಾಕಿ ತೊಳೆಯಬೇಕು ನಂತರ ಹೇರ್ ಡ್ರೈ ಬಳಸಿ ಒಣಗಿಸಿದರೆ ಬ್ಯಾಗ್ ಬೀನ್ ಶುಚಿಯಾಗುವುದು.

2. ವಿನೈಲ್ ಬೀನ್ ಬ್ಯಾಗ್ ತೊಳೆಯುವುದು ಕಷ್ಟ. ಆದ್ದರಿಂದ ಒಂದು ಕಾಟನ್ ಬಟ್ಟೆಯನ್ನು ಸೋಪು ನೀರಿನಲ್ಲಿ ನೆನೆಸಿ ಅದರಿಂದ ಬ್ಯಾಗ್ ಉಜ್ಜಬಹುದು, ಬ್ಯಾಗ್ ನಲ್ಲಿ ಕೊಳೆ ಅಂಟಿ ಹಿಡಿದಿದ್ದರೆ ಹಳೆಯ ಟೂತ್ ಬ್ರಷ್ ಬಳಸಿ ಉಜ್ಜಿ ಶುಚಿಗೊಳಿಸಬಹುದು. ನಂತರ ಒಣ ಬಟ್ಟೆಯಿಂದ ಈ ಬ್ಯಾಗ್ ಉಜ್ಜಿ ಶುಚಿಗೊಳಿಸಿ.

3. ಆಗಾಗ ಈ ಬ್ಯಾಗ್ ನಿಂದ ದೂಳನ್ನು ಒರೆಸುತ್ತಿದ್ದರೆ ಬ್ಯಾಗ್ ಶುಚಿಯಾಗಿರುವುದು.

4. ಸೂಡೆ ಕವರ್ ಪ್ರತಿ ದಿನಾ ಶುಚಿಗೊಳಿಸಬೇಕು. ಕೊಳೆ ಅಂಟಿದ್ದರೆ ಸೂಡೆ ಇರೇಸರ್ ಬಳಸಿ.

5. ವೆಲ್ವೆಟ್ ಬೀನ್ ಬ್ಯಾಗ್ ಶುಚಿಗೊಳಿಸಲು ಒಣ ಬಟ್ಟೆ ಬಳಸಬೇಕು.

6. ಶುದ್ಧವಾದ ಒಣ ಬಟ್ಟೆಯಿಂದ ಲೆದರ್ ಬೀನ್ ಬ್ಯಾಗ್ ಶುಚಿಗೊಳಿಸಬೇಕು. ತಿಂಗಳಿಗೊಮ್ಮೆ ಟವಲ್ ನೆನೆಸಿ ಅದರಿಂದ ಬ್ಯಾಗ್ ಉಜ್ಜಬೇಕು.

7. ಒಂದು ವೇಳೆ ಬ್ಯಾಗಿನಲ್ಲಿ ಬೆವರು, ಕೊಳೆ ವಾಸನೆ ಇದ್ದರೆ ಸ್ವಲ್ಪ ಸೋಡಾವನ್ನು ಚಿಮುಕಿಸಿ ಅಥವಾ ಅಡುಗೆ ಸೋಡಾವನ್ನು ನೀರಿನಲ್ಲಿ ಮಿಶ್ರ ಮಾಡಿ ಸ್ಪ್ರೇ ಮಾಡಿ, ನಂತರ ಒಣ ಬಟ್ಟೆಯಿಂದ ಉಜ್ಜಿದರೆ ಬ್ಯಾಗ್ ಶುಚಿಯಾಗುವದು.