ಆರ್ಟ್ ವರ್ಕ್ ಶುಚಿ ಮಾಡಲು ಕೆಲ ಸಲಹೆಗಳು

Published: Thursday, March 15, 2012, 15:58 [IST]

ತೈಲ ಚಿತ್ರಗಳು, ಪೇಯಿಂಟಿಂಗ್ ಇವೆಲ್ಲ (ಆರ್ಟ್ ವರ್ಕ್) ಬೆಲೆ ಬಾಳುವಂತಹದು. ಇವುಗಳು ಮನೆಯ ಗೋಡೆಯನ್ನು ಅಲಂಕರಿಸಿದ್ದರೆ ಮನೆ ವಿಶೇಷ ಕಳೆಯಿಂದ ಹೊಳೆಯುವುದು. ಈ ಕಲೆ ಎಲ್ಲರಿಗೆ ಬರುವುದಿಲ್ಲ. ಆರ್ಟ್ ಫೋಟೊಗಳನ್ನು ಕೆಲವರು ತಾವೆ ಸ್ವತಃ ಮಾಡಿದ್ದರೆ ಮತ್ತೆ ಕೆಲವರು ಅಧಿಕ ಬೆಲೆಗೆ ಹೊರಗಿನಿಂದ ಕೊಂಡು ತಂದಿರುತ್ತಾರೆ.

ನಿಮ್ಮ ಮನೆಯಲ್ಲಿ ಇಂತಹ ಕಲೆಗಳಿದ್ದರೆ ಅವುಗಳಿಗೆ ಫ್ರೇಮ್ ಇಲ್ಲವಾದರೆ ಅವುಗಳನ್ನು ಶುಚಿಗೊಳಿಸುವಾಗ ಎಚ್ಚರಿಕೆ ವಹಿಸದಿದ್ದರೆ ಹಾಳಾಗುವುದು. ಆದ್ದರಿಂದ ಈ ಕೆಳಗಿನ ಸರಳ ವಿಧಾನಗಳಿಂದ ಶುಚಿಗೊಳಿಸಿ.

1. ಇಂತಹ ಫೋಟೊ ಪ್ರೇಮ್ ಗಳನ್ನು ಶುಚಿಗೊಳಿಸುವಾಗ ಬಟ್ಟೆಗಳಿಂದ ಉಜ್ಜಬಾರದು. ದೂಳು ಒರೆಸುವ ಪೊರಕೆ (ಡಸ್ಟರ್) ಬಳಸುವುದು ಕೂಡ ಸೂಕ್ತವಲ್ಲ. ಫ್ರೇಮ್ ಹಾಕಿದ ಚಿತ್ರಗಳಿಗೆ ಈ ನಿಯಮ ಅನ್ವಯಿಸುವುದಿಲ್ಲ.

2. ಪಾಸ್ಟರ್ ಆಫ್ ಪ್ಯಾರೀಸ್ ನಿಂದ ತಯಾರಿಸಿದ ಶಿಲ್ಪಗಳನ್ನು ಶುಚಿಗೊಳಿಸಲು ಬಟ್ಟೆಯನ್ನು ಬಳಸಬಹುದು. ಈ ಶಿಲ್ಪವನ್ನು ನೀರಿನಲ್ಲಿ ಮುಳುಗಿಸಿ ನಂತರ ಚೆನ್ನಾಗಿ ತಿಕ್ಕಬೇಕು. ನಂತರ ಚೆನ್ನಾಗಿ ಒಣಗಿಸಬೇಕು.

3. ಮರದ ಶಿಲ್ಪಗಳಿದ್ದರೆ ಹಳೆಯ ಟೀ ಶರ್ಟ್ ತುದಿಯನ್ನು ನೀಲಗಿರಿಯ ಎಣ್ಣೆಯಲ್ಲಿ ಅದ್ದಿ ಒರೆಸಬೇಕು. ಈ ರೀತಿ ವಾರಕ್ಕೊಮ್ಮೆ ಮಾಡುವುದು ಒಳ್ಳೆಯದು.
ತುಂಬಾ ಬೆಲೆಬಾಳುವ ಆರ್ಟ್ ವರ್ಕ್ ಶುಚಿ ಮಾಡಲು ಪರಿಣಿತರನ್ನು ಕರೆಸಿ.