ಅಡುಗೆ ಮನೆಯಲ್ಲಿ ಧರಿಸೋ ಮೇಲುಡುಪು ಹೀಗಿರಲಿ

Improvement

oi-Reena

By Hema S

Published: Monday, January 23, 2012, 16:42 [IST]

ಅಡುಗೆ ಮನೆಯಲ್ಲಿ ಕೆಲಸ ಮಾಡುವಾಗ ಏಪ್ರೊನ್ ಬಳಸಿದರೆ ಧರಿಸಿದ ಬಟ್ಟೆ ಕೊಳೆ ಅಥವಾ ಸಾರಿನ ಕಲೆ ಆಗುವುದಿಲ್ಲ. ಆದರೆ ಏಪ್ರೊನ್ ನೋಡಿದರೆ ಸಾರು ಚೆಲ್ಲಿ, ಹಿಟ್ಟಿನ ಪುಡಿ ತಾಗಿ ಬಟ್ಟೆ ಕೆಂಪು, ಅರಿಶಿಣ, ಕಪ್ಪು ಅಂತ ಅನೇಕ ಬಣ್ಣಗಳನ್ನು ಪಡೆದು ಕೊಂಡಿರುತ್ತದೆ. ಗಲೀಜ್ ಆಗಿರುವ ಏಪ್ರೊನ್ ಅನ್ನು ಕೈಯಲ್ಲಿ ತೊಳೆಯುವುದು ಲಾಂಡ್ರಿಯಲ್ಲಿ ಕೊಡುವುದಕ್ಕಿಂತ ಒಳ್ಳೆಯದು. ಏಪ್ರೊನ್ ಅನ್ನು ಸುಲಭವಾಗಿ ಶುದ್ಧಗೊಳಿಸಲು ಈ ರೀತಿ ಮಾಡಿ:

1. ಏಪ್ರೊನ್ ತೊಳೆಯುವ ಮೊದಲು ಆ ಬಟ್ಟೆಯನ್ನು ಬಿಸಿನೀರಿನಲ್ಲಿ ತೊಳೆಯಬಹುದಾ ಎಂದು ಅದರಲ್ಲಿ ಬರೆದಿರುವ ಸಲಹೆಗಳನ್ನು ಓದಿ. ಇಲ್ಲದಿದ್ದರೆ ತಣ್ಣೀರಿನಲ್ಲಿ ಹಾಕಿ.

2. ಒಣ ಕಲೆಯನ್ನು ಹೋಗಲಾಡಿಸಲು 3 ಚಮಚ ಅಮೋನಿಯಂ ಅನ್ನು ಅರ್ಧ ಬಕೆಟ್ ನೀರಿನಲ್ಲಿ ಹಾಕಿ ಅದರಲ್ಲಿ ಏಪ್ರೊನ್ ಹಾಕಿ 20 ನಿಮಿಷ ಬಿಟ್ಟು ಬ್ರಷ್ ನಿಂದ ಉಜ್ಜಿದರೆ ಒಣ ಕಲೆ ಮಾಯವಾಗುತ್ತದೆ.

3. ಗ್ರೀಸ್ ನಿಂದ ಉಂಟಾದ ಕಲೆಯನ್ನು ಹೋಗಲಾಡಿಸಲು ಲಿಕ್ವಿಡ್ ವಾಶ್ ಅನ್ನು ಕಲೆ ಮೇಲೆ ಹಾಕಿ ಉಜ್ಜಿದರೆ ಕಲೆ ಮಾಯವಾಗುವುದು.

4. ಏಪ್ರೊನ್ ನಲ್ಲಿರುವ ಈರುಳ್ಳಿ, ಬೆಳ್ಳುಳ್ಳಿ ಮತ್ತು ವೈನ್ ವಾಸನೆಯನ್ನು ಹೋಗಲಾಡಿಸಲು ಬಕೆಟ್ ನೀರಿನಲ್ಲಿ ಹೈಡ್ರೋಜನ್ ಪೆರಾಕ್ಸೈಡ್ ಹಾಕಿ ಅದರಲ್ಲಿ 10 ನಿಮಿಷ ಮುಳುಗಿಸಿಡಬೇಕು. ನಂತರ ನೀರಿನಲ್ಲಿ ಮುಳುಗಿಸಿ ಒಣಗಿಸಬೇಕು.

5. ಹಾಲಿನ ವಾಸನೆಯನ್ನು ಬಿಳಿ ವಿನಿಗರ್ ಬಳಸಿ ಹೋಗಲಾಡಿಸಬಹುದು.

6. ನಿಂಬೆಹಣ್ಣಿನಲ್ಲಿ ಉಪ್ಪು ಹಾಕಿ ಅದನ್ನು ಏಪ್ರೊನ್ ನಲ್ಲಿ ಉಜ್ಜಿದರೆ ಏಪ್ರೊನ್ ಶುದ್ಧತೆಯ ಜೊತೆಗೆ ಸುವಾಸನೆಯನ್ನು ಪಡೆಯುತ್ತದೆ.

ಈ ಟಿಪ್ಸ್ ನಿಂದ ನಿಮ್ಮ ಏಪ್ರೊನ್ ಶುಚಿಯಾಗದಿದ್ದರೆ ಮತ್ತೆ ಕೇಳಿ.