ತುಕ್ಕು ಹಿಡಿಯುವುದನ್ನು ತಡೆಯುವುದು ಸುಲಭ

Improvement

oi-Sumalatha

By Sumalatha

Published: Wednesday, December 7, 2011, 13:05 [IST]

ಲೋಹದ ವಸ್ತುಗಳು ಬೇಗನೆ ತುಕ್ಕು ಹಿಡಿಯುತ್ತವೆ. ತುಕ್ಕು ಹಿಡಿದ ವಸ್ತುಗಳನ್ನು ಬಳಸಲೂ ಕಷ್ಟವೆನಿಸುತ್ತೆ. ಅದರಲ್ಲೂ ದಿನನಿತ್ಯ ಬಳಸುವ ಚಾಕು, ಕತ್ತರಿ ಮುಂತಾದ ವಸ್ತುಗಳನ್ನು ತೇವ ಮತ್ತು ಗಾಳಿಗೆ ಒಡ್ಡುವುದರಿಂದ ತುಕ್ಕು ಹಿಡಿಯುವುದು ಸುಲಭ. ಆದರೆ ಕೆಲವೇ ನಿಮಿಷಗಳಲ್ಲಿ ತುಕ್ಕನ್ನು ಸುಲಭವಾಗಿ ತೆಗೆಯಬಹುದು. ಅದು ಹೇಗೆಂದು ಇಲ್ಲಿ ತಿಳಿದುಕೊಳ್ಳಿ.

ಚಾಕು ಅಥವಾ ಇನ್ನಿತರ ವಸ್ತುವಿನ ತುಕ್ಕು ಹೋಗಿಸುವ ವಿಧಾನ:
1. ತುಕ್ಕು ಹೋಗಿಸುವ ಪರಿಣಾಮಕಾರಿ ವಿಧಾನವೆಂದರೆ ಆಲೂಗಡ್ಡೆಯನ್ನು ಕತ್ತರಿಸಿ ಆಲೂಗಡ್ಡೆ ರಸವನ್ನು ಪೂರ್ಣ ಸವರಿ ರಾತ್ರಿಯಿಡೀ ಬಿಟ್ಟು ಬೆಳಗ್ಗೆ ಬೆಚ್ಚಗಿನ ನೀರಿನಿಂದ ತೊಳೆದು ಒರೆಸಬೇಕು.

2. ಈರುಳ್ಳಿಯಿಂದ ಚಾಕು ಅಥವಾ ಕತ್ತರಿಯನ್ನು ಉಜ್ಜಿದರೆ ಈರುಳ್ಳಿ ಮೇಲೆ ತುಕ್ಕು ಕೆಂಪು ರಸದ ಮೂಲಕ ಕಾಣಿಸಿಕೊಳ್ಳುತ್ತದೆ. ಈರುಳ್ಳಿಯಲ್ಲಿರುವ ಆಸಿಡ್ ನಿಂದ ತುಕ್ಕು ಬೇಗನೆ ಹೋಗುತ್ತದೆ.

3. ಕೊಬ್ಬರಿ ಎಣ್ಣೆಯನ್ನೂ ತುಕ್ಕು ಹೋಗಿಸಲು ಬಳಸಬಹುದು. 45-60 ನಿಮಿಷ ಕೊಬ್ಬರಿ ಎಣ್ಣೆಯನ್ನು ಹಚ್ಚಿ ಬಿಡಬೇಕು. ನಂತರ ಬಿಸಿ ನೀರಿನಿಂದ ತೊಳೆದು ಒಣಗಿಸಬೇಕು.

4. ಬಿಳಿ ವಿನೆಗರ್ ತುಕ್ಕನ್ನು ಹೋಗಿಸುವಲ್ಲಿ ಹೆಚ್ಚು ಪರಿಣಾಮಕಾರಿ. ತುಕ್ಕನ್ನು ಶಾಶ್ವತವಾಗಿ ಹೋಗಿಸಲೂ ಬಿಳಿ ವಿನೆಗರ್ ಬಳಸಬಹುದು.

5. ವೈಟ್ ವಿನೆಗರ್ ನಲ್ಲಿ ಸ್ವಲ್ಪ ಕಾಟನ್ ಬಟ್ಟೆಯನ್ನು ಅದ್ದಿ ಚಾಕುವಿನ ತುದಿಯನ್ನು ಜಾಗರೂಕತೆಯಿಂದ ಉಜ್ಜಬೇಕು. ಇದರಿಂದ ತುಕ್ಕು ಹಿಡಿದಿರುವುದು ಬೇಗನೆ ಹೋಗುತ್ತದೆ.

6. ವೈಟ್ ವಿನೆಗರ್ ನಲ್ಲಿ ಅದ್ದಿದ ಬಟ್ಟೆಯಲ್ಲಿ ಚಾಕು ಅಥವಾ ಕತ್ತರಿಯನ್ನು ಸುತ್ತಿಟ್ಟು ಒಂದು ರಾತ್ರಿ ಬಿಡಬೇಕು. ಬೆಳಗ್ಗೆ ಬೆಚ್ಚಗಿನ ನೀರಿನಂದ ತೊಳೆದು ತಕ್ಷಣವೇ ಒರೆಸಿದರೆ ತುಕ್ಕು ಬೇಗನೆ ಹೋಗುತ್ತದೆ.

7. ವ್ಯಾಸೆಲಿನ್ ಹಚ್ಚಿದರೂ ಕೂಡ ತುಕ್ಕನ್ನು ಹೋಗಲಾಡಿಸಬಹುದು.

ಯಾವಾಗಲೂ ಲೋಹದ ವಸ್ತುಗಳನ್ನು ನೀರು ಬೀಳದಂತೆ ನೋಡಿಕೊಳ್ಳಬೇಕು. ಬಿದ್ದರೂ ತಕ್ಷಣವೇ ಒಣಗಿಸಬೇಕು. ತುಕ್ಕು ಹೋಗಿಸುವ ಮೇಲಿನ ವಿಧಾನವನ್ನು ಅನುಸರಿಸಿದ ನಂತರ ಲೋಹದ ವಸ್ತುಗಳನ್ನು ಸಂಪೂರ್ಣವಾಗಿ ಒಣಗಲು ಅವಕಾಶ ನೀಡಬೇಕು. ಇಲ್ಲವೆಂದರೆ ಮತ್ತೆ ತುಕ್ಕು ಹಿಡಿಯುತ್ತದೆ.