ಚಳಿಯಲ್ಲಿ ದೇಹ ಬೆಚ್ಚಗಿಡುವ ಸಾಕ್ಸ್ ನಿರ್ವಹಣೆ ಹೇಗೆ

Improvement

oi-Sumalatha

By Sumalatha

Published: Tuesday, November 29, 2011, 13:52 [IST]

ಚಳಿಗಾಲದಲ್ಲಿ ಸಾಕ್ಸ್ ಧರಿಸುವುದು ತುಂಬಾ ಮುಖ್ಯ. ಕಾಲು ಚೀಲ ಧರಿಸುವುದರಿಂದ ದೇಹವನ್ನು ಬೆಚ್ಚಗಿಡಲು ಸಾಧ್ಯ. ಆದರೆ ಸಾಕ್ಸ್ ಗಳನ್ನು ಶುದ್ಧವಾಗಿಡದಿದ್ದರೆ ಅದರಲ್ಲಿನ ಬ್ಯಾಕ್ಟೀರಿಯಾ ಕಾಲಿನಲ್ಲಿ ಕೊಳಕು ವಾಸನೆ ಉಂಟುಮಾಡಬಹುದು. ಸಾಕ್ಸ್ ಗಳನ್ನು ಸರಿಯಾಗಿ ಒಗೆಯದಿದ್ದರೆ ಅದು ಸಡಿಲಗೊಳ್ಳಲೂಬಹುದು. ಆದ್ದರಿಂದ ಸಾಕ್ಸ್ ಗಳನ್ನು ಹೆಚ್ಚು ಕಾಲ ಬಾಳಿಕೆ ಬರುವಂತೆ ನಿರ್ವಹಿಸುವುದು ಹೇಗೆ ಎಂದು ಇಲ್ಲಿ ತಿಳಿಯಿರಿ.

ಸಾಕ್ಸ್ ಗಳನ್ನು ಒಗೆಯುವ ವಿಧಾನ ಇಲ್ಲಿದೆ.

1. ಬಿಸಿ ನೀರಿನಲ್ಲಿ ಅಥವಾ ತುಂಬಾ ತಣ್ಣಗಿನ ನೀರಿನಲ್ಲಿ ಸಾಕ್ಸ್ ಒಗೆಯಬೇಕು. ಅದನ್ನು ಒಗೆಯುವ ಮುನ್ನ ಲೇಬಲ್ ಓದಿಕೊಳ್ಳಬೇಕು.

2. ಸಾಕ್ಸ್ ಗಳ ಎಲಾಸ್ಟಿಸಿಟಿಯನ್ನು ಹಾಗೆಯೇ ಉಳಿಸಲು 10 ನಿಮಿಷ ಡಿಟರ್ಜೆಂಟ್ ಜೊತೆ ನೆನೆ ಹಾಕಿ ಒಗೆಯಬೇಕು.

3. ಕಡಿಮೆ ಸಾಂದ್ರತೆಯಿರುವ ಡಿಟರ್ಜೆಂಟ್ ಉಪಯೋಗಿಸಿ ಸಾಕ್ಸ್ ಒಗೆಯಬೇಕು. ಇದು ಬೇಗನೆ ಕೊಳೆ ಹೋಗುವಂತೆ ಮಾಡುತ್ತದೆ.

4. ಸಾಕ್ಸ್ ಒಗೆಯುವಾಗ ಬ್ರಶ್ ಉಪಯೋಗಿಸಬೇಡಿ. ಕೈಗಳಿಂದಲೇ ಒಗೆಯಿರಿ. ಇಲ್ಲದಿದ್ದರೆ ಸಾಕ್ಸ್ ಎಲೆಸ್ಟಿಕ್ ಸಡಿಲಗೊಳಿಸುತ್ತದೆ. ಬ್ರಶ್ ಬಳಕೆ ಸಾಕ್ಸ್ ಗುಣಮಟ್ಟವನ್ನು ಹಾಳು ಮಾಡುತ್ತವೆ.

5. ಸಾಕ್ಸ್ ನ ಕೆಟ್ಟ ವಾಸನೆ ಹೋಗಿಸಲು ಬಟ್ಟೆಗಳಿಗೆಂದಿರುವ ಫ್ಯಾಬ್ರಿಕ್ ಕಂಡೀಶನರ್ ಬಳಸಬಹುದು ಅಥವಾ ವೈಟ್ ವಿನೆಗರನ್ನು ನೀರಿನೊಂದಿಗೆ ಬೆರೆಸಿದರೆ ವಾಸನೆ ಇರುವುದಿಲ್ಲ.

6. ಸಾಕ್ಸ್ ಗಳಲ್ಲಿ ಬ್ಯಾಕ್ಟೀರಿಯಾ ಇರಬಾರದೆಂದರೆ ಸಾಕ್ಸ್ ನೆನೆಹಾಕುವಾಗ ಅಡುಗೆ ಸೋಡಾ ಬೆರೆಸಿ.

7. ಸಾಕ್ಸ್ ಗಳನ್ನು ಬಿಸಿಲಿನಲ್ಲಿ ಚೆನ್ನಾಗಿ ಒಣಗಿಸಿ. ಇವನ್ನು ಐರನ್ ಮಾಡಬಾರದು.