ಕಡಿಮೆ ಖರ್ಚಿನಲ್ಲಿ ಮನೆಯ ಅಲಂಕಾರ ಹೇಗೆ?

Improvement

oi-Reena

By Hema S

Published: Tuesday, November 22, 2011, 12:59 [IST]

ಮನೆ ನೋಡಲು ಹಳೆಯದಾಗಿದೆ, ಪಕ್ಕದ ಮನೆ ಪಳಪಳ ಹೊಳೆಯುತ್ತದೆ, ನಮ್ಮ ಮನೆ ಹಾಗೆ ಮಾಡಬೇಕೆಂದರೆ ಸಾಕಷ್ಟು ಹಣ ಬೇಕು ? ಏನು ಮಾಡುವುದು ಎಂದು ಯೋಚಿಸುತ್ತಿದ್ದೀರಾ ? ಚಿಂತೆ ಬಿಡಿ. ಕೆಲವೊಂದು ಉಪಾಯಗಳನ್ನು ಅಳವಡಿಸಿ ನಿಮ್ಮ ಮನೆಯನ್ನು ಸುಂದರವಾಗಿ ಪರಿವರ್ತಿಸಿಕೊಳ್ಳಬಹುದಾಗಿದೆ. ಅದ್ಹೇಗೆ ಎಂದು ತಿಳಿಯಲು ಮುಂದೆ ಓದಿ.

1. ಮನೆಯ ಗೋಡೆಗಳಲ್ಲಿ ಅನೇಕ ವಸ್ತುಗಳನ್ನು ನೇತು ಹಾಕಿದರೆ ಅದನ್ನು ಮೊದಲು ತೆಗೆಯಬೇಕು. ವಸ್ತುಗಳನ್ನು ಅಲ್ಲಲ್ಲಿಯೇ ಹಾಕಿರುವುದರ ಬದಲು ಅದನ್ನು ತೆಗೆದು ಬೇಡದ ವಸ್ತುಗಳನ್ನು ಬಿಸಾಡಿ ಒಪ್ಪವಾಗಿ ಜೋಡಿಸಿ ಇಡಬೇಕು.

2. ಮನೆಯನ್ನು ಪೀಠೋಪಕರಣದಿಂದ ಅಲಂಕರಿಸಬೇಕು. ಅದಕ್ಕಾಗಿ ಹೊಸ ಪೀಠೋಪಕರಣಗಳನ್ನು ತೆಗೆಯ ಬೇಕಾಗಿಲ್ಲ. ಮನೆಯಲ್ಲಿ ಸೋಫಾ ಗೋಡೆ ಬದಿಯಲ್ಲಿ ಇದ್ದರೆ ಅದನ್ನು ಮಧ್ಯೆದಲ್ಲಿ ಇಡುವುದು, ಕುರ್ಚಿಗಳನ್ನು ಆಕರ್ಷಕವಾಗಿ ಕಾಣುವಂತೆ ಇಡುವುದು ಮತ್ತು ಸ್ವಚ್ಚವಾಗಿ ಇಡುವುದರಿಂದ ಮನೆ ಸುಂದರವಾಗಿ ಕಾಣುತ್ತದೆ.

3. ಮನೆಗೆ ಪೇಯಿಂಟ್ ಮಾಡುವುದು, ಅದರಲ್ಲೂ ಪೇಯಿಂಟ್ ಬೋಲ್ಡ್ ಬಣ್ಣದಲ್ಲಿ ಇದ್ದರೆ ಮನೆ ಸುಂದರವಾಗಿ ಕಾಣುತ್ತದೆ.

4. ಕಿಟಕಿ ಮತ್ತು ಬಾಗಿಲಿನ ಪರದೆಗಳನ್ನು ಕೊಳ್ಳುವಾಗ ತಿಳಿಬಣ್ಣದ ಆಕರ್ಷಕ ವಿನ್ಯಾಸವನ್ನು ಹೊಂದಿರುವ ಪರದೆಯನ್ನು ಕೊಳ್ಳಬೇಕು. ಹೀಗೆ ಟೇಬಲ್ ಕವರ್, ಮ್ಯಾಟ್ಸ್ ಅನ್ನು ಬದಲಾಯಿಸಿದರೆ ಮನೆ ಸುಂದರವಾಗಿ ಕಾಣುತ್ತದೆ.

5. ಮನೆಯಲ್ಲಿ ಗಾಳಿ ಮತ್ತು ಬೆಳಕು ಸರಿಯಾಗಿ ಬರುವಂತೆ ಇರಬೇಕು. ಆಕರ್ಷಕ ವಿನ್ಯಾಸದ ಬಲ್ಬ್ ಮತ್ತು ಸ್ಟ್ರಾಕ್ ನಿಯಾನ್ ಬಲ್ಬ್ ಗಳನ್ನು ಬಳಸಬಹುದಾಗಿದೆ.

6. ಮನೆಯ ಮುಂದೆ ಹೂವಿನ ಗಿಡಗಳನ್ನು ಬೆಳಸುವುದರಿಂದ ಸಹ ಮನೆಯ ಅಂದವನ್ನು ಹೆಚ್ಚಿಸುತ್ತದೆ.