ಚೆಂದದ ಬ್ಯಾಗು ಬಾಳಿಕೆ ಬರಲು ಏನು ಮಾಡಬೇಕು?

ದುಬಾರಿ ಬೆಲೆಯನ್ನು ತೆತ್ತು ತರುವ ಈ ಬ್ಯಾಗುಗಳನ್ನು ಸರಿಯಾದ ರೀತಿಯಲ್ಲಿ ನಿರ್ವಹಿಸಿದರೆ ತುಂಬಾ ಕಾಲ ಬಾಳಿಕೆ ಬರುತ್ತದೆ.ಆದ್ದರಿಂದ ಈ ಕೆಳಗಿನ ಸಲಹೆಗಳನ್ನು ಪಾಲಿಸಿದರೆ ಬ್ಯಾಗುಗಳು ಹೆಚ್ಚಿನ ಕಾಲ ಬಾಳಿಕೆ ಬರುವಂತೆ ಮಾಡಬಹುದಾಗಿದೆ.

1. ಬ್ಯಾಗಿನಲ್ಲಿರುವ ಎಲ್ಲಾ ವಸ್ತುಗಳನ್ನು ತೆಗೆದು ಬ್ಯಾಗುಗಳನ್ನು ತೊಳೆಯಬಹುದು, ಫ್ಯಾಬ್ರಿಕ್ ಬ್ಯಾಗುಗಳನ್ನು ಬೇಕಾದರೆ ಮೃದು ಸೋಪು ಬಳಸಿ ತೊಳೆದು ಒಣಗಿಸಬಹುದಾಗಿದೆ.

2. ಒಂದು ವೇಳೆ ಬ್ಯಾಗು ಫ್ಯಾಬ್ರಿಕ್ ಅಲ್ಲದಿದ್ದರೆ ವ್ಯಾಕ್ಯೂಮ್ ಕ್ಲೀನರ್ ನಲ್ಲಿ ಸಹ ಶುದ್ಧ ಪಡಿಸಬಹುದಾಗಿದೆ. ಹೀಗೆ ಶುದ್ಧ ಮಾಡುವಾಗ ಎಲ್ಲಾ ಜಿಪ್ ಗಳನ್ನು ಶುದ್ಧ ಪಡಿಸ ಬೇಕು.

3. ಚರ್ಮದ ಬ್ಯಾಗುಗಳನ್ನು ಹತ್ತಿ ಬಟ್ಟೆಯನ್ನು ನೆನಸಿ ಅದರಿಂದ ಉಜ್ಜಿ ಒಣಗಿಸಬೇಕು.

4. ಸ್ಯೂಡ್ ಬ್ಯಾಗುಗಳಿಗೆ ಸ್ಯೂಡ್ ಕ್ಲೀನರ್ ಗಳನ್ನು ಬಳಸಿ ಶುಚಿಗೊಳಿಸಬಹುದು.

5. ವೆಲ್ವೆಟ್ ಮತ್ತು ಸಿಲ್ಕ್ ಬ್ಯಾಗುಗಳನ್ನು ಡ್ರೈ ವಾಸ್ ಗೆ ಕೊಡಬಹುದಾಗಿದೆ.

6. ಬ್ಯಾಗಿನಲ್ಲಿ ದೂಳು ತುಂಬಿದರೆ ಅದನ್ನು ಒಳಗೆ, ಹೊರಗೆ ಮಡಚಿ ಹಳೆಯ ಹಲ್ಲು ಉಜ್ಜುವ ಬ್ರೆಷ್ ಬಳಸಿ ತೆಗೆಯಬಹುದಾಗಿದೆ.

7. ಬ್ಯಾಗಿನಲ್ಲಿ ಚಿಲ್ಲರೆ ಹಣವನ್ನು ನೇರವಾಗಿ ಹಾಕುವುದರ ಬದಲು ಅದಕ್ಕಾಗಿ ಚಿಕ್ಕ ಚೀಲ ಮಾಡಿ ನಂತರ ಅದನ್ನು ಬ್ಯಾಗಿನಲ್ಲಿ ಹಾಕಿ.

8. ಹಣವನ್ನು ನೇರವಾಗಿ ಬ್ಯಾಗಿನಲ್ಲಿ ಇಡದೆ ಅದನ್ನು ಪರ್ಸ್ ನಲ್ಲಿ ಇಟ್ಟು ನಂತರ ಇಡಬೇಕು.

9. ಗಂಧದ ಪುಡಿ ಅಥವಾ ಲ್ಯಾವೆಂಡರ್ ಪುಡಿಯನ್ನು ಬ್ಯಾಗ್ ನಲ್ಲಿ ಇಡುವುದರಿಂದ ಬ್ಯಾಗಿನಿಂದ ಕೆಟ್ಟವಾಸನೆ ಬರುವುದಿಲ್ಲ.

10. ಬಳಕೆ ಮಾಡದಿದ್ದ ಬ್ಯಾಗುಗಳನ್ನು ಒಂದು ಪೇಪರ್ ನಲ್ಲಿ ಸುತ್ತಿ ತೆಗೆದು ಇಡಬೇಕು.

ಈ ರೀತಿ ಮಾಡಿ ಬ್ಯಾಗುಗಳನ್ನು ಸ್ಟೈಲಿಷ್ ಆಗಿ ಇಡಬಹುದಾಗಿದೆ.