ಬಟ್ಟೆ ಬಣ್ಣ ಮಾಸದಂತೆ ತಡೆಯುವುದು ಹೇಗೆ?

ಆದರೆ ಇವುಗಳ ನಿರ್ವಹಣೆಯನ್ನು ಸರಿಯಾಗಿ ಮಾಡಿದರೆ ಈ ಬಟ್ಟೆಗಳ ಬಣ್ಣವನ್ನು ಉಳಿಸಿ ಇದರ ಬಣ್ಣ ಇನ್ನಿತರ ಬಟ್ಟೆಗಳಿಗೆ ಸೋಕುವುದನ್ನೂ ತಡೆಯಬಹುದು. ಅದು ಹೇಗೆ ಎಂದು ಇಲ್ಲಿ ತಿಳಿದುಕೊಳ್ಳಿ.

ಬಣ್ಣದ ಬಟ್ಟೆಗಳನ್ನು ನಿರ್ವಹಣೆ ಮಾಡುವುದು ಹೇಗೆ?

1. ಬಣ್ಣ ಹೋಗುವ ಬಟ್ಟೆಗಳೊಂದಿಗೆ ಬಿಳಿ ಮತ್ತು ಇನ್ನಿತರ ತಿಳಿ ಬಣ್ಣದ ಬಟ್ಟೆಗಳನ್ನು ನೆನೆಹಾಕಬೇಡಿ. ಇದರಿಂದ ಬೇರೆ ಬಟ್ಟೆಗಳಿಗೂ ಬಣ್ಣ ತಗುಲುವುದು ತಪ್ಪುತ್ತದೆ. ಕಾಟನ್ ಬಟ್ಟೆಯನ್ನು ಮೊದಲ ಬಾರಿ ಒಗೆಯುತ್ತಿದ್ದರೆ ಅದನ್ನು ನೀರು, ಕಲ್ಲುಪ್ಪು ಮತ್ತು ಸ್ವಲ್ಪ ಸೋಡಾದೊಂದಿಗೆ ನೆನೆಹಾಕಿದರೆ ಬಣ್ಣ ಹರಡುವುದಿಲ್ಲ.

2. ಬಣ್ಣ ಹೋಗುವ ಬಟ್ಟೆಯನ್ನು ಹೆಚ್ಚು ಕಾಲ ನೆನೆಸಬಾರದು. ಇದರಿಂದ ಬಣ್ಣ ಹೆಚ್ಚಾಗಿ ಹೋಗಲು ಅವಕಾಶ ಮಾಡಿಕೊಟ್ಟಂತಾಗುತ್ತದೆ. ಇಂತಹ ಬಟ್ಟೆಗಳಿಗೆ ಬ್ರಶ್ ಬಳಸಬಾರದು. ತಣ್ಣಗಿನ ನೀರಿನಲ್ಲಿ ಕೈಯ್ಯಲ್ಲೇ ಉಜ್ಜಿ ನೆರಳಿನಲ್ಲಿ ಒಣಗಿಸಬೇಕು.

3. ಈ ರೀತಿ ಬಣ್ಣ ಹೋಗುವ ಬಟ್ಟೆಗಳನ್ನು ಮೆಶಿನ್ ನಲ್ಲಿ ಒಗೆಯಬೇಕೆಂದಿದ್ದರೆ, ಗಾಢ ಬಣ್ಣದ ಬಟ್ಟೆಗಳು, ಒಂದೇ ಬಣ್ಣದ ಬಟ್ಟೆಗಳನ್ನು (ಕಪ್ಪು, ಗಾಢ ಕಂದು, ಮರೂನ್ ಮುಂತಾದುವು) ಒಟ್ಟಿಗೆ ಹಾಕಿ. ಇದರಿಂದ ಬಣ್ಣ ಹೋದರೂ ಗೋಚರಿಸುವುದಿಲ್ಲ.

4. ಬಟ್ಟೆಗಳನ್ನು ಒಗೆದ ನಂತರ ನೆರಳಿರುವ ಜಾಗದಲ್ಲಿ ಒಣಗಿಸಿ. ಇದರಿಂದ ಬಟ್ಟೆ ಬಣ್ಣ ಮಾಸುವುದಿಲ್ಲ.

5. ಒಗೆದ ಬಟ್ಟೆಗಳನ್ನು ತುಂಬಾ ಹಿಂಡಬೇಡಿ. ಇದರಿಂದ ಬಟ್ಟೆಯಲ್ಲಿ ಗೆರೆ ಮೂಡಿ ಹಳೆಯದಂತೆ ಕಾಣುತ್ತದೆ. ಚೆನ್ನಾಗಿ ಒದರಿದ ನಂತರ ಸರಿಯಾಗಿ ಒಣಹಾಕಬೇಕು.