ಬಟ್ಟೆ ಮೇಲಿನ ಮಣ್ಣಿನ ಕಲೆ ಹೋಗಿಸುವುದು ಹೇಗೆ?

ಬಟ್ಟೆಯ ಮೇಲಿನ ಮಣ್ಣಿನ ಕಲೆ ಹೋಗಿಸುವುದು ಹೇಗೆ?

1. ಮಣ್ಣಿನ ಕಲೆಯಾದರೆ ಅದು ತೇವವಿದ್ದಾಗಲೇ ಒರೆಸಬಾರದು. ಇದರಿಂದ ಕಲೆ ಇನ್ನಷ್ಟು ಹರಡುತ್ತದೆ. ಅದನ್ನು ಪ್ರತ್ಯೇಕವಾಗಿ ಒಣಹಾಕಿ ಅದು ಒಣಗಿದ ನಂತರ ಒರೆಸಬೇಕು.

2. ಕಲೆಯಾದ ಬಟ್ಟೆ ಒಣಗಿದ ನಂತರ ಹಾಗೆಯೇ ಒಗೆಯಲು ನೆನೆಹಾಕಬಾರದು. ಬ್ರಶ್ ಸಹಾಯದಿಂದ ಬಟ್ಟೆಗೆ ಮೆತ್ತಿಕೊಂಡ ಮಣ್ಣನ್ನು ಮೊದಲು ಉದುರಿಸಬೇಕು.

3. ಬೆಚ್ಚಗಿನ ನೀರಿಗೆ ವಾಷಿಂಗ್ ಪೌಡರ್ ಬೆರೆಸಿ 20 ನಿಮಿಷ ನೆನೆಸಬೇಕು. ಮೊದಲು ಬಟ್ಟೆ ಮೇಲಿನ ಲೇಬಲ್ ಪರೀಕ್ಷಿಸಬೇಕು. ಕೆಲವು ಬಟ್ಟೆಯನ್ನು ಬಿಸಿ ನೀರಿನಲ್ಲಿ ಒಗೆಯಬಾರದೆಂಬ ಸೂಚನೆಯಿರುತ್ತದೆ. ಈ ವಿಧಾನದಿಂದ ಮಣ್ಣಿನ ಕಲೆಯನ್ನು ಬೇಗ ತೆಗೆಯಬಹುದು.

4. ನಿಂಬೆಹಣ್ಣಿನ ಹೋಳಿನಿಂದ ಮಣ್ಣಿನ ಕಲೆಯಾದ ಜಾಗದ ಮೇಲೆ ಉಜ್ಜಿದರೆ ಕಲೆ ಬೇಗನೆ ಬಿಡುತ್ತದೆ.

5. ಬಟ್ಟೆ ನೆನೆಸುವ ನೀರಿನೊಂದಿಗೆ ಅಡುಗೆ ಸೋಡಾ ಬೆರೆಸಿದರೆ ಕಲೆಯನ್ನು ಇನ್ನೂ ಸುಲಭವಾಗಿ ಹೋಗಿಸಬಹುದು.

6. ಜೀನ್ಸ್ ಮೇಲೆ ಕಲೆ ಆಗಿದ್ದರೆ ನೀರಿನಲ್ಲಿ ನೆನೆಸಿದ ನಂತರ ಡಿಟರ್ಜೆಂಟ್ ಅಥವಾ ಸೋಪನ್ನು ಹಾಕಿ ಬ್ರಶ್ ನಿಂದ ಅದರ ಮೇಲೆ ಮೃದುವಾಗಿ ಉಜ್ಜಬೇಕು. ಆಗ ಕಲೆ ಹೋಗುತ್ತದೆ.

7. ಕಲೆಯನ್ನು ಹೋಗಿಸಲು ನಿಂಬೆರಸದೊಂದಿಗೆ ಉಪ್ಪನ್ನು ಬೆರೆಸಿಯೂ ಉಜ್ಜಬಹುದು ಅಥವಾ ನೀರಿನಿಂದ ಕೊಳೆಯನ್ನು ತೊಳೆದ ನಂತರ ವಿನೆಗರ್ ನಿಂದ ತೊಳೆದು ಒಣಗಿಸಿದರೆ ಕಲೆ ಕಾಣುವುದಿಲ್ಲ.