ಲೆದರ್ ಜಾಕೆಟ್ ಹೆಚ್ಚು ಕಾಲ ಬಾಳಿಕೆ ಬರಬೇಕೆ?

Improvement

oi-Sumalatha

By Sumalatha

Published: Wednesday, October 12, 2011, 16:54 [IST]

ಚಳಿಗಾಲದಲ್ಲಿ ಲೆದರ್ ಜಾಕೆಟ್ ಕಂಫರ್ಟೆಬಲ್ ಮತ್ತು ಸ್ಟೈಲಿಶ್ ಲುಕ್ ಕೊಡುತ್ತೆ. ಆದರೆ ಬೇರೆ ಬಟ್ಟೆಗೆ ಹೋಲಿಸಿದರೆ ಲೆದರ್ ನಿರ್ವಹಣೆ ತುಂಬಾ ಕಷ್ಟ. ಆದ್ದರಿಂದ ಲೆದರ್ ಬಟ್ಟೆ ಹೆಚ್ಚು ಕಾಲ ಬಾಳಿಕೆ ಬರುವಂತೆ ಮಾಡುವ ಕೆಲವು ಟಿಪ್ಸ್ ಇಲ್ಲಿ ನೀಡಲಾಗಿದೆ. ಇದನ್ನು ಬೇರೆ ಲೆದರ್ ವಸ್ತುಗಳ ನಿರ್ವಹಣೆಗೂ ಅನುಸರಿಸಬಹುದು.

ಲೆದರ್ ಜಾಕೆಟ್ ಗಳ ಕ್ಲೀನಿಂಗ್ ಮತ್ತು ನಿರ್ವಹಣೆ ಹೀಗಿರಲಿ:

1. ಲೆದರ್ ಜಾಕೆಟ್ ಗಳನ್ನು ಹ್ಯಾಂಗರ್ ನಲ್ಲಿ ತೂಗಿಟ್ಟರೆ ಸುಕ್ಕಾಗುವುದಿಲ್ಲ. ಈ ಮೂಲಕ ಲೆದರ್ ನಲ್ಲಿ ಬಿರುಕು ಮೂಡುವುದು ತಪ್ಪುತ್ತದೆ. ಆಗಾಗ್ಗೆ ಲೆದರ್ ವಸ್ತುಗಳನ್ನು ಬಿಸಿಲಿನಲ್ಲಿ ಒಣಗಿಸಬೇಕು ಮತ್ತು ತುಂಬಾ ಇಕ್ಕಟ್ಟಿನಲ್ಲಿಡದೆ ಗಾಳಿಯಾಡುವ ಜಾಗದಲ್ಲಿಡಬೇಕು.

2. ಜಾಕೆಟ್ ಗಳನ್ನು ಸ್ವಲ್ಪ ತೇವದ ಬಟ್ಟೆಯಿಂದ ಒರೆಸಿದರೆ ಅಷ್ಟೇ ಸಾಕು. ಅಕಸ್ಮಾತ್ ಬೆವರಿನ ಕಲೆ ಅಧಿಕವಾಗಿದ್ದರೆ ಡ್ರೈ ಕ್ಲೀನ್ ವಾಶ್ ಉತ್ತಮ.

3. ಲೆದರ್ ವಸ್ತುಗಳನ್ನು ಕ್ಲೀನ್ ಮಾಡಲು ಬ್ರಶ್ ಅಥವಾ ನೀರನ್ನು ಉಪಯೋಗಿಸಬೇಡಿ. ಇದರಿಂದ ಬೇಗನೆ ಹರಿದುಹೋಗುವ ಸಾಧ್ಯತೆಯಿದೆ.

4. ಲೆದರ್ ಮೇಲೆ ಕಲೆಯಾದರೆ ಆಲಿವ್ ಎಣ್ಣೆ ಮತ್ತು ನೀರು ಅಥವಾ ವಿನಿಗರ್ ಮತ್ತು ನೀರು ಅಥವಾ ಗಡುಸಲ್ಲದ ಸೋಪಿನ ನೀರಿನಿಂದ ಕಲೆಯಾದ ಜಾಗವನ್ನು ಮಾತ್ರ ಮೃದುವಾಗಿ ಉಜ್ಜಿ, ತಕ್ಷಣವೇ ಪೇಪರ್ ಟವಲ್ ನಿಂದ ಒರೆಸಿ ಒಣಗಿಸಿಬಿಡಬೇಕು.

5. ಐರನ್ ಮಾಡಬೇಕೆಂದರೆ ತುಂಬಾ ಕಡಿಮೆ ಉಷ್ಣಾಂಶದಲ್ಲಿ, ಒಳಗಿನ ಭಾಗವನ್ನು ಮಾತ್ರ ಐರನ್ ಮಾಡಬೇಕು. ಲೆದರ್ ಬಟ್ಟೆ ಮೇಲೆ ಕಾಟನ್ ಬಟ್ಟೆ ಇಟ್ಟು ಐರನ್ ಮಾಡಿದರೆ ತೊಂದರೆಯಾಗುವುದಿಲ್ಲ.

6. ಲೆದರ್ ನಲ್ಲಿ ಬಿರುಕು ಕಾಣಿಸಿಕೊಂಡರೆ ಫ್ಯಾಬ್ರಿಕ್ ಗ್ಲೂ ಬಳಸಬೇಕು. ಲೆದರ್ ಬಟ್ಟೆಗಳಿಗೆಂದೇ ಇರುವ ಲೆದರ್ ಕಂಡೀಶನರ್ ಹೆಚ್ಚು ಬಾಳಿಕೆ ಬರುತ್ತದೆ.

7. ಲೆದರ್ ಬಟ್ಟೆ ಇಡುವ ವಾಡ್ರೋಬ್ ನಲ್ಲಿ ನುಸಿನುಂಡೆ ಮತ್ತು ಇನ್ನಿತರ ಫ್ರೆಶ್ನರ್ ಗಳನ್ನು ಇಡುವುದನ್ನು ಮರೆಯಬೇಡಿ. ಇದರಿಂದ ಲೆದರ್ ಬಟ್ಟೆಗೆ ಮುಸುಕು ವಾಸನೆ ಬರುವುದು ತಪ್ಪುತ್ತದೆ.