ಬಾಚಣಿಕೆ, ಹೇರ್ ಬ್ರಶ್ ಸುಲಭವಾಗಿ ಕ್ಲೀನ್ ಮಾಡೋದು ಹೇಗೆ?

Improvement

oi-Sumalatha

By Sumalatha

Published: Wednesday, October 12, 2011, 11:55 [IST]

ಕೂದಲನ್ನು ಶುದ್ಧವಾಗಿಡುವುದರಲ್ಲಿ ಬಾಚಣಿಕೆಯೂ ಮುಖ್ಯ. ಆದರೆ ಬಾಚಣಿಕೆ ಅಥವಾ ಹೇರ್ ಬ್ರಶ್ ನಲ್ಲಿ ಬೇಗನೆ ಕೊಳೆ ತುಂಬಿಕೊಳ್ಳುತ್ತದೆ. ಕೊಳೆ ತುಂಬಿದ ಹೇರ್ ಬ್ರಶ್ ಉಪಯೋಗಿಸಿದರೆ ಕೂದಲೂ ಉದುರಲು ಆರಂಭಿಸುತ್ತದೆ. ಆದ್ದರಿಂದ ಬಾಚಣಿಕೆ ಮತ್ತು ಹೇರ್ ಬ್ರಶ್ ಅನ್ನು ಸುಲಭವಾಗಿ ಕ್ಲೀನ್ ಮಾಡುವ ಕೆಲವು ಟಿಪ್ಸ್ ಗಳನ್ನು ಇಲ್ಲಿ ನೀಡಲಾಗಿದೆ.

1. ಬಾಚಣಿಕೆ ಅಥವಾ ಹೇರ್ ಬ್ರಶ್ ಶುದ್ದಗೊಳಿಸುವ ಮುನ್ನ ಅದರಲ್ಲಿ ಸುತ್ತಿಕೊಂಡಿರುವ ಕೂದಲನ್ನು ಒಂದಿಷ್ಟೂ ಬಿಡದೆ ತೆಗೆದುಬಿಡಬೇಕು.

2. ಬಾಚಣಿಕೆಯ ಅನುಸಾರವಾಗಿ ಬಿಸಿ ಅಥವಾ ತಣ್ಣಗಿನ ನೀರಿನಲ್ಲಿ ಬಾಚಣಿಕೆಯನ್ನು ಸ್ವಲ್ಪ ತೇವಗೊಳಿಸಬೇಕು.

3. ಒಂದು ಚಿಕ್ಕ ಟಬ್ ನಲ್ಲಿ ಬೆಚ್ಚಗಿನ ನೀರಿಗೆ ಶಾಂಪೂ ಬೆರೆಸಿ ಅದರಲ್ಲಿ ಬಾಚಣಿಕೆ ಅಥವಾ ಹೇರ್ ಬ್ರಶ್ ಅನ್ನು 10 ನಿಮಷ ನೆನೆಸಿಡಬೇಕು. ಇದು ಬಾಚಣಿಕೆ ಮತ್ತು ಹೇರ್ ಬ್ರಶ್ ಕೊಳೆ ಹೋಗಿಸುವ ಪರಿಣಾಮಕಾರಿ ವಿಧಾನ.

4. ಈಗ ಟೂಥ್ ಬ್ರಶ್ ನಿಂದ ಬಾಚಣಿಕೆಯ ಹಲ್ಲುಗಳ ಮಧ್ಯೆ ವಿರೋಧ ದಿಕ್ಕಿನಲ್ಲಿ ಉಜ್ಜಬೇಕು. ಬಾಚಣಿಕೆಯ ಎರಡೂ ಬದಿಯಲ್ಲೂ ಹೀಗೆ ಮಾಡಬೇಕು.

5. ಹೇರ್ ಬ್ರಶ್ ದುಂಡಗಿರುವುದರಿಂದ ಅದನ್ನು ತೊಳೆಯುವುದು ಸ್ವಲ್ಪ ಕಷ್ಟವೆನಿಸಬಹುದು. ಆದ್ದರಿಂದ ಸಣ್ಣಗಿರುವ ಬ್ರಶ್ ನಿಂದ ಬ್ರಶ್ ನ ಸಂದಿಗಳನ್ನು ನಿಧಾನವಾಗಿ ಉಜ್ಜಬೇಕು.

6. ಬಾಚಣಿಕೆ ಶುದ್ಧಗೊಳಿಸುವಾಗ ಹೆಚ್ಚು ಒತ್ತಡ ಹಾಕಿ ಉಜ್ಜಬೇಡಿ. ಇದರಿಂದ ಬಾಚಣಿಕೆಯ ಹಲ್ಲುಗಳು ಕಿತ್ತುಬರಬಹುದು. ಬ್ರಶ್ ಅಥವಾ ಬಾಚಣಿಕೆಯಲ್ಲಿ ಸ್ವಲ್ಪವೂ ಶಾಂಪೂ ಉಳಿಯದಂತೆ ತೊಳೆದು ಟವಲ್ ನಿಂದ ಒಮ್ಮೆ ಒರೆಸಿ ಅದನ್ನು ಒಣಗಲು ಬಿಡಬೇಕು.

7. ನಿಮ್ಮ ಹೇರ್ ಬ್ರಶ್ ಯಾವಾಗಲೂ ಶುದ್ಧವಾಗಿರಬೇಕೆಂದರೆ ಎರಡು ದಿನಕ್ಕೊಮ್ಮೆ ನೀವು ಮಲಗುವ ಮುನ್ನ ನೀರಿನಲ್ಲಿ 3-4 ನಿಮಿಷ ನೆನೆ ಹಾಕಿ ಮೃದುವಾಗಿ ಉಜ್ಜಿ, ಒಣಗಿಸಿದರೆ ಹೆಚ್ಚು ಶ್ರಮವಿಲ್ಲದೆ ನಿಮ್ಮ ಬಾಚಣಿಕೆ ಶುದ್ಧಗೊಳ್ಳುತ್ತದೆ.