ಟೀ ಶರ್ಟ್ ಬಣ್ಣ ಮಾಸದಿರಲು ಏನು ಮಾಡಬೇಕು?

Improvement

oi-Sumalatha

By Sumalatha

Published: Friday, October 7, 2011, 16:52 [IST]

ಟೀ ಶರ್ಟ್ ತೊಡುವುದಕ್ಕೆ ತುಂಬಾ ಕಂಫರ್ಟೆಬಲ್. ಅದರಲ್ಲೂ ಕಾಟನ್ ಟೀ ಶರ್ಟ್ ತುಂಬಾ ಚೆಂದ. ಆದರೆ ಒಗೆಯುತ್ತಾ ಒಗೆಯುತ್ತಾ ಬಣ್ಣ ಮತ್ತು ಆಕಾರ ಕಳೆದುಕೊಳ್ಳುವ ಟೀ ಶರ್ಟ್ ಗಳು ನಂತರ ಕಬೋರ್ಡ್ ಮೂಲೆಗೆ ಸೇರುತ್ತವೆ. ಆದ್ದರಿಂದ ಟೀ ಶರ್ಟ್ ಗಳನ್ನು ಹೆಚ್ಚು ಕಾಲ ಬಾಳಿಕೆ ಬರುವಂತೆ ನಿರ್ವಹಿಸುವುದು ಹೇಗೆ ಎಂದು ಇಲ್ಲೊಂದಿಷ್ಟು ಟಿಪ್ಸ್ ಗಳನ್ನು ನೀಡಲಾಗಿದೆ.

ಟೀ ಶರ್ಟ್ ನಿರ್ವಹಣೆ ಹೀಗಿರಲಿ:
1. ಬಿಸಿ ನೀರಿನಲ್ಲಿ ಎಂದಿಗೂ ಟೀ ಶರ್ಟ್ ನೆನೆ ಹಾಕುವುದಾಗಲೀ, ಒಗೆಯುವುದಾಗಲೀ ಮಾಡಬೇಡಿ.
2.ಹೆಚ್ಚು ಬಿಸಿಲಿರುವ ಜಾಗದಲ್ಲಿ ಟೀ ಶರ್ಟ್ ಒಣಹಾಕಬಾರದು. ನೆರಳಿರುವ ಜಾಗದಲ್ಲಿ ಒಣಹಾಕಿದರೆ ಬಣ್ಣ ಮಾಸುವುದಿಲ್ಲ.
3. ಹೆಚ್ಚು ಗಾಢವಲ್ಲದ ಸೋಪಿನಿಂದ ಒಗೆದು ಬೇಗನೆ ಒಣಹಾಕಿದರೆ ಟೀ ಶರ್ಟ್ ಬೇಗನೆ ಆಕಾರ ಕಳೆದುಕೊಳ್ಳುವುದಿಲ್ಲ.
4. ಟೀ ಶರ್ಟ್ ನಿಂದ ನೀರು ತೆಗೆಯಲು ಅತಿಯಾಗಿ ಹಿಂಡಬಾರದು. ಸ್ವಲ್ಪವೇ ಹಿಂಡಿ ಮಡಚಿ ಒಣಹಾಕಿದರೆ ಉತ್ತಮ.
5. ಕೈನಲ್ಲಿಯೇ ಒಗೆದರೆ ಉತ್ತಮ. ವಾಷಿಂಗ್ ಮೆಷಿನ್ ಗೆ ಹಾಕಿದರೆ ಟೀ ಶರ್ಟ್ ಬೇಗ ಸಡಿಲಗೊಳ್ಳುತ್ತದೆ.
6. ಟೀ ಶರ್ಟ್ ಗಳಿಗೆ ಹೆಚ್ಚು ಸೋಪು ಬಳಸಬಾರದು ಮತ್ತು ಹೆಚ್ಚು ಬ್ರಶ್ ಕೂಡ ಮಾಡಬಾರದು. ಕೈನಲ್ಲಿಯೇ ಮೃದುವಾಗಿ ಉಜ್ಜಬೇಕು.
7. ಈ ಬಟ್ಟೆಗಳನ್ನು ಪ್ಯಾಬ್ರಿಕ್ ಕಂಡೀಶನರ್ ಅಥವಾ ನೀರಿಗೆ ಸ್ವಲ್ಪ ಅಡುಗೆ ಸೋಡಾ ಬೆರೆಸಿ ನೆನೆಹಾಕಿದರೆ ಬಟ್ಟೆ ಮೃದು ಇರುವಂತೆ ನೋಡಿಕೊಳ್ಳುತ್ತದೆ.