ವಾಷಿಂಗ್ ಮೆಷಿನ್ ಗೂ ವಾಷ್ ಬೇಕು

Improvement

oi-Sumalatha N

By Sumalatha N

Published: Tuesday, August 23, 2011, 12:40 [IST]

ದಿನ ನಿತ್ಯವೂ ನಮ್ಮ ಬಟ್ಟೆಗಳನ್ನು ಶುದ್ದಗೊಳಿಸುವ ವಾಷಿಂಗ್ ಮೆಷಿನ್ ಕೂಡ ಕೊಳೆಯಾಗುತ್ತೆ. ಬಟ್ಟೆ ಕೊಳೆ ಮತ್ತು ಅದಕ್ಕೆ ಬೆರೆಸುವ ಸೋಪಿನ ಪುಡಿ, ರಾಸಾಯನಿಕಗಳು ವಾಷಿಂಗ್ ಮೆಷಿನ್ ನಲ್ಲಿ ಸಂಗ್ರಹಗೊಂಡು ಅಶುದ್ಧವಾಗಿ ಕಾಣುವುದಲ್ಲದೆ, ಇದನ್ನು ಹೀಗೇ ಬಿಟ್ಟರೆ ವಾಷಿಂಗ್ ಮಷಿನ್ ಕೆಟ್ಟು ಹೋಗಲೂ ಬಹುದು. ಆದ್ದರಿಂದ ವಾಷಿಂಗ್ ಮೆಷಿನ್ ಶುದ್ದವಾಗಿಟ್ಟುಕೊಳ್ಳುವುದೂ ತುಂಬಾ ಮುಖ್ಯ.

ವಾಷಿಂಗ್ ಮಷಿನ್ ಕ್ಲೀನ್ ಮಾಡುವ ವಿಧಾನ:

1. ಬಟ್ಟೆಗಳನ್ನು ಒಗೆದ ನಂತರ ವಾಷಿಂಗ್ ಮೆಷಿನ್ ಗೆ ಉಗುರು ಬೆಚ್ಚಗಿನ ನೀರನ್ನು ಹಾಕಿ ಮಷಿನ್ ಚಾಲನೆ ಮಾಡಬೇಕು.

2. ನಂತರ ನಿಲ್ಲಿಸಿ ಅದಕ್ಕೆ 1 1\2 ಲೋಟ ವೈಟ್ ವಿನೆಗರ್ ಅಥವಾ ನಿಂಬೆರಸ ಮತ್ತು ಸ್ವಲ್ಪ ಬೇಕಿಂಗ್ ಸೋಡಾ ಬೆರೆಸಿ ಮತ್ತೆ ಚಾಲನೆ ಮಾಡಬೇಕು.

3. ಈಗ ಮೆಷಿನ್ ನಲ್ಲಿದ್ದ ಕೊಳೆ ನಿವಾರಣೆಯಾಗಿರುತ್ತದೆ. ನಂತರ ಆ ನೀರನ್ನು ಹೊರಗೆ ಬಿಡಬೇಕು. ಈಗ ಮೆಷಿನ್ ಕೊಳೆಮುಕ್ತವಾಗಿ ಕಂಗೊಳಿಸುತ್ತಿರುತ್ತದೆ.

4. ಟಿಶ್ಯೂ ಪೇಪರ್ ನಿಂದಲೋ ಅಥವಾ ಮೆತ್ತಗಿನ ಟವಲ್ ನಿಂದಲೋ ಮೆಷಿನ್ ಒಳಭಾಗವನ್ನು ಮೃದುವಾಗಿ ಒರೆಸಬೇಕು. ಇದರಿಂದ ಕೊಳೆ ಸಂಪೂರ್ಣವಾಗಿ ಬಿಟ್ಟು ಹೋಗುತ್ತದೆ.

5. ಕೊನೆಗೆ ಮತ್ತೊಮ್ಮೆ ತಣ್ಣೀರನ್ನು ಹಾಕಿ ಮೆಷಿನ್ ಚಾಲನೆ ಮಾಡಿ ನಂತರ ಒಣ ಬಟ್ಟೆಯಿಂದ ಒರೆಸಬೇಕು.

6. ವಾಷಿಂಗ್ ಮೆಷಿನ್ ಹೊರಗೆ ಸ್ವಲ್ಪ ಒದ್ದೆ ಬಟ್ಟೆಯಿಂದ ಯಾವುದಾದರೂ ಸೋಪ್ ಆಯಿಲ್ ಬೆರೆಸಿ ಶುದ್ಧಗೊಳಿಸಿಕೊಳ್ಳಬೇಕು.

ವಾಷಿಂಗ್ ಮೆಷಿನ್ ಕೊಳೆಯಂತೆ ಕಂಡುಬಂದಾಗಲೆಲ್ಲ ಈ ರೀತಿ ಶುದ್ಧಗೊಳಿಸುತ್ತಿರಬೇಕು. ವಾಷಿಂಗ್ ಮೆಷಿನ್ ಪ್ರತಿ ಉಪಯೋಗದ ನಂತರ ಅದರ ಮುಚ್ಚುಳವನ್ನು ಸ್ವಲ್ಪ ಕಾಲ ತೆರೆದಿಟ್ಟರೆ ವಾಸನೆ ಬರುವುದಿಲ್ಲ. ಕ್ಲೀನ್ ಮಾಡುವ ಈ ವಿಧಾನವನ್ನು ಅನುಸರಿಸಿದರೆ ವಾಷಿಂಗ್ ಮೆಷಿನ್ ದೀರ್ಘ ಕಾಲ ಬಾಳಿಕೆ ಬರುತ್ತದೆ.