ದೆಹಲಿ ಮಳೆ: ನಿಮ್ಮ ಮನೆಯಲ್ಲಿ ಬೂಷ್ಟು ಮತ್ತು ತೇವಾಂಶ ತಡೆಯಲು 45 ನಿಮಿಷದ ಸಿಂಪಲ್ ಪ್ಲಾನ್!

Add as a preferred source on Google

ದೆಹಲಿ-ಎನ್‌ಸಿಆರ್‌ನಲ್ಲಿ ಸೆಪ್ಟೆಂಬರ್ 14 ರವರೆಗೆ ಸಾಧಾರಣ ಮಳೆಯಾಗುವ ಮುನ್ಸೂಚನೆ ಇರುವುದರಿಂದ, ಸಣ್ಣ ಮನೆಗಳಲ್ಲಿ ತೇವಾಂಶ ಮತ್ತು ಬೂಷ್ಟು ಕಾಟ ಹೆಚ್ಚಾಗುವ ಸಾಧ್ಯತೆಯಿದೆ. ಸೆಪ್ಟೆಂಬರ್ 13-14 ರಂದು ಮೋಡಕವಿದ ವಾತಾವರಣದ ಜತೆಗೆ ಹಗುರ ಮಳೆಯಾಗಲಿದೆ ಎಂದು ಐಎಂಡಿಯ ಸಫ್ದರ್‌ಜಂಗ್ ಕೇಂದ್ರ ತಿಳಿಸಿದೆ. ಅಂದರೆ ಮನೆಯೊಳಗಿನ ತೇವಾಂಶ ಇದ್ದಕ್ಕಿದ್ದಂತೆ ಹೆಚ್ಚಾಗಲಿದೆ. ಒದ್ದೆಯಾದ ವಸ್ತುಗಳು 24-48 ಗಂಟೆಗಳ ಕಾಲ ಹಾಗೆಯೇ ಇದ್ದರೆ ಬೂಷ್ಟು ಹಿಡಿಯಲು ಪ್ರಾರಂಭವಾಗುತ್ತದೆ. ವಾತಾವರಣ ಹೀಗಿರುವಾಗ ನಿಮ್ಮ ಕೊಠಡಿಗಳು, ವಾರ್ಡ್ರೋಬ್‌ಗಳು ಮತ್ತು ಬಟ್ಟೆಗಳನ್ನು ಒಣಗಿಸಲು ಈ 45 ನಿಮಿಷಗಳ ಸಿಂಪಲ್ ಪ್ಲಾನ್ ಫಾಲೋ ಮಾಡಿ.

ಮೊದಲಿಗೆ, ಮನೆಯ ಕಿಟಕಿಗಳನ್ನು 5 ನಿಮಿಷಗಳ ಕಾಲ ಎರಡೆರಡು ಬಾರಿ ತೆರೆದು ಗಾಳಿ ಆಡಲು ಬಿಡಿ. ನಂತರ ಹೊರಗಿನ ತೇವಾಂಶ ಒಳಗೆ ಬರದಂತೆ ಕಿಟಕಿಗಳನ್ನು ಮುಚ್ಚಿ. ಕಿಚನ್ ಮತ್ತು ಬಾತ್‌ರೂಮ್ ಎಕ್ಸಾಸ್ಟ್ ಫ್ಯಾನ್‌ಗಳನ್ನು 10 ನಿಮಿಷಗಳ ಕಾಲ ಆನ್ ಮಾಡಿ. ಎಸಿಯನ್ನು 'ಡ್ರೈ ಮೋಡ್' (Dry mode) ಗೆ ಹಾಕಿ; ಕೋಣೆ ತುಂಬಾ ತಂಪಾಗದಂತೆ ತೇವಾಂಶ ಕಡಿಮೆ ಮಾಡಲು 26–27°C ತಾಪಮಾನ ಇರಿಸಿ. ಡ್ರೈ ಮೋಡ್ ಇಲ್ಲದಿದ್ದರೆ ಡಿಹ್ಯೂಮಿಡಿಫೈಯರ್ ಬಳಸಿ. ಒಗೆಯುವ ಬಟ್ಟೆಗಳನ್ನು ಗರಿಷ್ಠ rpm ನಲ್ಲಿ ಸ್ಪಿನ್ ಮಾಡಿ ಮತ್ತು ಒಣಗಾಕುವಾಗ ಒಂದರ ಪಕ್ಕ ಒಂದಕ್ಕೆ ಕನಿಷ್ಠ ಒಂದು ಬೆರಳಿನಷ್ಟು ಅಂತರವಿರಲಿ. ವಾರ್ಡ್ರೋಬ್ ಹಾಗೂ ಶೂ ರ್‍ಯಾಕ್‌ಗಳಲ್ಲಿ ಕ್ಯಾಲ್ಸಿಯಂ-ಕ್ಲೋರೈಡ್ ಇರುವ ಡೆಸಿಕೆಂಟ್ ಬೌಲ್‌ಗಳನ್ನು ಇಡಿ.

ದೆಹಲಿ-ಎನ್‌ಸಿಆರ್ ಮಳೆ: ಅಡುಗೆಮನೆ, ಬಾತ್‌ರೂಮ್, ವಾರ್ಡ್ರೋಬ್ ಮತ್ತು ಶೂ ರ್‍ಯಾಕ್‌ಗಳನ್ನು ಬೂಷ್ಟಿನಿಂದ ರಕ್ಷಿಸುವುದು ಹೇಗೆ?

ನಂತರ ಬಾತ್‌ರೂಮ್ ಮತ್ತು ಕಿಚನ್ ಕಡೆ ಗಮನ ಕೊಡಿ. ನೀರು ಹೀರದ ಗಟ್ಟಿ ಮೇಲ್ಮೈಗಳ ಮೇಲಿರುವ ಬೂಷ್ಟಿನ ಕಲೆಗಳನ್ನು ಡಿಟರ್ಜೆಂಟ್ ಮತ್ತು ನೀರಿನಿಂದ ಚೆನ್ನಾಗಿ ಉಜ್ಜಿ ತೊಳೆಯಿರಿ. ಟೈಲ್ಸ್ ಅಥವಾ ಸ್ಟೀಲ್ ಮೇಲಿನ ದುರ್ವಾಸನೆ ಹೋಗಲಾಡಿಸಲು ವೈಟ್ ವಿನೆಗರ್ ಸ್ಪ್ರೇ ಮಾಡಬಹುದು. ಆದರೆ ನೆನಪಿಡಿ, ವಿನೆಗರ್ ಅಥವಾ ಯಾವುದೇ ಆಮ್ಲಗಳನ್ನು ಬ್ಲೀಚ್ ಜೊತೆ ಎಂದಿಗೂ ಬೆರೆಸಬೇಡಿ. ಒದ್ದೆಯಾದ ಕಾರ್ಪೆಟ್ ಮತ್ತು ಪೀಠೋಪಕರಣಗಳನ್ನು ತಕ್ಷಣ ಒಣಗಿಸಿ; 24–48 ಗಂಟೆಗಳ ಒಳಗೆ ಒಣಗಿಸಿದರೆ ಅವುಗಳನ್ನು ಹಾಳಾಗದಂತೆ ತಡೆಯಬಹುದು. ತೇವವಾಗಿಯೇ ಇರುವ ವಸ್ತುಗಳನ್ನು ಬೂಷ್ಟು ಹರಡದಂತೆ ತಡೆಯಲು ಬಿಸಾಡುವುದೇ ಸೂಕ್ತ.

ಮನೆಯೊಳಗೆ ಬಟ್ಟೆ ಒಣಗಿಸುವ ಟಿಪ್ಸ್ ಮತ್ತು ಬಾಲ್ಕನಿ ಗಿಡಗಳ ಆರೈಕೆ

ಮನೆಯೊಳಗೆ ಬಟ್ಟೆ ಒಣಗಿಸುವಾಗ ಫ್ಯಾನ್ ಗಾಳಿ ಬಟ್ಟೆಗಳ ರ್‍ಯಾಕ್‌ನತ್ತ ಬೀಸಲಿ, ಗೋಡೆಯ ಕಡೆಗಲ್ಲ. ಇದರಿಂದ ತೇವಾಂಶ ಬೇಗ ಹೊರಹೋಗುತ್ತದೆ. ಮಳೆ ಕಡಿಮೆಯಾದಾಗ ಸ್ವಲ್ಪ ಸಮಯ ಕಿಟಕಿಗಳನ್ನು ತೆರೆಯಿರಿ. ಬಾಲ್ಕನಿಯಲ್ಲಿರುವ ಗಿಡಗಳ ಕುಂಡಗಳನ್ನು ಮಳೆ ನೀರು ಬೀಳದ ಸೂರುಗಳ ಅಡಿಗೆ ಸರಿಸಿ; ಗಿಡದ ಮೇಲ್ಮಣ್ಣನ್ನು ಸಡಿಲಗೊಳಿಸಿ, ಪ್ಲೇಟ್‌ಗಳಲ್ಲಿರುವ ನೀರನ್ನು ಖಾಲಿ ಮಾಡಿ ಮತ್ತು ಉದ್ದವಾಗಿ ಬೆಳೆದ ಕಾಂಡಗಳಿಗೆ ಬೆಂಬಲ ನೀಡಿ. ಎಲೆಗಳು ತೇವವಾಗಿ ಶಿಲೀಂಧ್ರ (ಫಂಗಸ್) ತಗುಲುವುದನ್ನು ತಡೆಯಲು ಕುಂಡಗಳ ನಡುವೆ ಗಾಳಿಯಾಡುವಂತೆ ಜಾಗ ಬಿಡಿ. ತ್ವರಿತ ಸಲಹೆಗಳು: ಗಾಳಿಯ ಹರಿವು, ಡ್ರೈ ಮೋಡ್ ಆನ್, ಉಪ್ಪಿನ ಪಾತ್ರೆ, ಬಟ್ಟೆಗಳಿಗೆ ಅಂತರ.