ಫ್ರಿಡ್ಜ್‌ ಬ್ಲಾಸ್ಟ್‌ ಆಗಲು ಕಾರಣವೇನು? ತಡೆಗಟ್ಟುವುದು ಹೇಗೆ?

ಫ್ರಿಡ್ಜ್‌ ಬ್ಲಾಸ್ಟ್‌ ಆಗಿರುವ ಹಲವು ಘಟನೆಗಳು ಸಂಭವಿಸಿವೆ. ಫ್ರಿಡ್ಜ್ ಬ್ಲಾಸ್ಟ್ ಆದರೆ ತುಂಬಾನೇ ಅಪಾಯಕಾರಿ, ಇಡೀ ಮನೆ ಬೆಂಕಿಗೆ ಆಹುತಿಯಾಗಬಹುದು, ಆದ್ದರಿಂದ ಫ್ರಿಡ್ಜ್ ವಿಷಯದಲ್ಲಿ ನಿರ್ಲಕ್ಷ್ಯ ಮಾಡಲೇಬಾರದು.

ಫ್ರಿಡ್ಜ್‌ ಬ್ಲಾಸ್ಟ್‌ಗೆ ಕಾರಣವೇನು?
ಫ್ರಿಡ್ಜ್‌ ಬ್ಲಾಸ್ಟ್‌ಗೆ ಪ್ರಮುಖ ಕಾರಣ ಕಂಪ್ರೆಸರ್‌ನಲ್ಲಿ ಬೀಳುವ ಒತ್ತಡ ಎಂದು ಹೇಳಲಾಗುವುದು, ಕಂಪ್ರೆಸರ್ ಒಳಗಡೆ ಗ್ಯಾಸ್‌ ಸೇರಿಕೊಂಡು ಒತ್ತಡ ಉಂಟಾಗಿ ಬ್ಲಾಸ್ಟ್‌ ಸಂಭವಿಸಬಹುದು.ಸಾಮಾನ್ಯವಾಗಿ 8-10 ವರ್ಷ ಹಳೆಯದಾದ ಫ್ರಿಡ್ಜ್‌ ಬ್ಲಾಸ್ಟ್‌ ಆಗಿದೆ, ಹೊಸ ಫ್ರಿಡ್ಜ್‌ನಲ್ಲಿ ಈ ರೀತಿ ಕಂಡು ಬಂದಿಲ್ಲ.

ಅಲ್ಲದೆ ಫ್ರಿಡ್ಜ್‌ ಅನ್ನು ಗೋಡೆ ಅಂಟಿದಂತೆ ಇಡಬಾರದು ಎಂದು ಹೇಳಲಾಗುವುದು, ಇನ್ನು ಕಂಪ್ರೆಸರ್‌ ಕಾಯಿಲ್‌ ಆಗಾಗ ಶುಚಿಗೊಳಿಸುವುದರಿಂದ ಈ ರೀತಿಯ ಅಪಾಯ ತಪ್ಪಿಸಬಹುದು.

ಫ್ರಿಡ್ಜ್‌ ಯಾವ ರೀತಿಯ ಸೌಂಡ್‌ ಮಾಡಿದರೆ ಗಮನಿಸಬೇಕು?
ಕಂಪ್ರೆಸರ್‌ ಸರಿಯಾಗಿ ಕಾರ್ಯನಿರ್ವಹಿಸುತ್ತಿದ್ದರೆ ಅದರಿಂದ ಒಂದು ರೀತಿಯ ಸೌಂಡ್‌ ಬರಲಾರಂಭಿಸುತ್ತದೆ. ಅದೇ ಫ್ರಿಡ್ಜ್‌ನಿಂದ ಬೇರೆ ರೀತಿಯ ಸೌಂಡ್‌ ಬರುತ್ತಿದ್ದರೆ ಅದರ ಕಾಯಿಲ್‌ ಬಂದ್‌ ಆಗಿದೆ ಎಂದರ್ಥ. ಒಂದು ವೇಳೆ ಫ್ರಿಡ್ಜ್‌ ಯಾವುದೇ ಸೌಂಡ್‌ ಬೀರದಿದ್ದರೂಕೂಡ ಅಪಾಯಕಾರಿ, ಫ್ರಿಡ್ಜ್‌ನಲ್ಲಿ ಆಗುವ ಈ ವ್ಯತ್ಯಾಸ ಗಮನಿಸಬೇಕು.

ಫ್ರಿಡ್ಜ್‌ ಬ್ಲಾಸ್ಟ್‌ ತಪ್ಪಿಸಲು ವಿಧಾನವೆಂದರೆ ಕಂಡೆನ್ಸರ್‌ ಕಾಯಿಲ್‌ ಶುದ್ಧಗೊಳಿಸಲೇಬೇಕು. ಈ ರೀತಿ ಮಾಡುವುದರಿಂದ ಫ್ರಿಡ್ಜ್‌ ಬ್ಲಾಸ್ಟ್‌ ಆಗುವುದನ್ನು ತಡೆಗಟ್ಟಬಹುದು.

ಸೋಷಿಯಲ್‌ ಮೀಡಿಯಾದಲ್ಲಿ ವ್ಯಕ್ತಿಯೊಬ್ಬರು ಹಂಚಿಕೊಂಡ ಉಪಯುಕ್ತ ಮಾಹಿತಿ
ಸೋಷಿಯಲ್‌ ಮೀಡಿಯಾದಲ್ಲಿ ವ್ಯಕ್ತಿಯೊಬ್ಬರು ಫ್ರಿಡ್ಜ್ ಬ್ಲಾಸ್ಟ್‌ಗೆ ಇನ್ನಿತರ ಕಾರಣ ಏನಿರಬಹುದು ಎಂಬುವುದಾಗಿ ಹೇಳಿದ್ದಾರೆ, ಅವರು ಹೇಳಿರುವ ರೀತಿಗಳು ಸಮಂಜಸವಾಗಿರುವುದರಿಂದ ಅದರ ಮಾಹಿತಿ ಇಲ್ಲಿ ಹಂಚಿಕೊಂಡಿದ್ದೇವೆ.

ಫ್ರಿಡ್ಜ್‌ ಮೇಲೆ ಬೆಂಕಿಪೊಟ್ಟಣ ಇಡುವುದರಿಂದ ಬ್ಲಾಸ್ಟ್‌ ಆಗುವ ಸಾಧ್ಯತೆ ಇದೆ
ಶಾರ್ಟ್‌ ಸರ್ಕ್ಯೂಟ್‌ನಿಂದಾಗಿ ಫ್ರಿಡ್ಜ್ ಬ್ಲಾಸ್ಟ್‌ ಆಯ್ತು ಎಂದು ಹೇಳುವುದನ್ನು ಕೇಳುತ್ತೇವೆ, ಆದರೆ ಶಾರ್ಟ್‌ ಸರ್ಕ್ಯೂಟ್‌ನಿಂದ ಆಗುವ ಸಾಧ್ಯತೆ ಕಡಿಮೆ, ಶಾರ್ಟ್‌ ಸರ್ಕ್ಯೂಟ್‌ ಆದರೆ ಪವರ್
ಕಟ್ ಆಗಿ ಈ ಅಪಾಯ ತಪ್ಪುತ್ತದೆ.

ಇನ್ನು ಸಾಮಾನ್ಯವಾಗಿ ಫ್ರಿಡ್ಜ್‌ ಮೇಲೆ ಬೆಂಕಿಪೊಟ್ಟಣ ಇಡುವ ಅಭ್ಯಾಸ ಕೆಲವರಲ್ಲಿದೆ ಇದು ಕೂಡ ಅಪಾಯಕಾರಿ
ಫ್ರಿಡ್ಜ್‌ ಮೇಲೆ ವಸ್ತುಗಳನ್ನು ಇಡುವ ಅಭ್ಯಾಸ ಕೆಲವರಲ್ಲಿ ಇರುತ್ತದೆ, ಆದರೆ ಫ್ರಿಡ್ಜ್‌ ಮೇಲೆ ಬೆಂಕಿಪೊಟ್ಟಣ ಇಟ್ಟರೆ ಅದು ಕಾಯಿಲೆ ಮೇಲೆ ಬಿದ್ದರೆ ಹೊತ್ತಿಕೊಂಡು ಉರಿಯಬಹುದು. ಹಾಗಾಗಿ ಬೆಂಕಿಪೊಟ್ಟಣ ಇಡಬೇಡಿ ಎಂದು ತಿಳಿಸಿದ್ದಾರೆ.

ಫ್ರಿಡ್ಜ್‌ ಬೆಡ್‌ರೂಂನಲ್ಲಿ ಇಡುವುದು ಅಥವಾ ಫ್ರಿಡ್ಜ್‌ ಬಳಿ ಮಲಗುವುದು ಮಾಡಬೇಡಿ
ಇದು ತುಂಬಾನೇ ಅಪಾಯಕಾರಿ, ಫ್ರಿಡ್ಜ್ ಬ್ಲಾಸ್ಟ್‌ ಆದರೆ ಹೆಚ್ಚು ಅಪಾಯ ಉಂಟಾಗಬಹುದು. ಮನೆ ಚಿಕ್ಕದಾಗಿದ್ದರೆ ಫ್ರಿಡ್ಜ್‌ ಸಮೀಪ ಮಲಗುತ್ತಾರೆ. ಆದರೆ ಇದು ಸುರಕ್ಷತೆ ದೃಷ್ಟಿಯಿಂದ ಒಳ್ಳೆಯದಲ್ಲ.