ಚೆಂದದ ತೋಟಕ್ಕೆ ಮನೆಯಲ್ಲೇ ಗೊಬ್ಬರ ತಯಾರಿಸಿ

ಕೆಲವು ನೈಸರ್ಗಿಕ ಗೊಬ್ಬರವನ್ನು ಬಳಸುವ ರೀತಿ ಇಲ್ಲಿದೆ.

* ಕಾಫಿ: ಉಳಿದ ಕಾಫಿ ಪುಡಿಯನ್ನು ಮತ್ತು ಗಷ್ಟವನ್ನು ಗಿಡದ ಬುಡಕ್ಕೆ ಬಳಸಿದರೆ ಒಳ್ಳೆಯದು. ಆದರೆ ಹಾಕುವ ಮುನ್ನ ನೀರಿನಲ್ಲಿ ಬೆರೆಸಿ ಹಾಕಬೇಕು. ಪ್ರತಿದಿನವೂ ಇದನ್ನು ಬಳಸಬಾರದು. ವಾರಕ್ಕೊಮ್ಮೆ ಕಾಫಿ ಗೊಬ್ಬರ ಹಾಕಿದರೆ ಗಿಡಕ್ಕೆ ಅವಶ್ಯವಿರುವ ವಿಟಮಿನ್ ನೀಡುತ್ತದೆ.

* ಟೀ: ತಿಂಗಳಿಗೆ ಒಂದು ಬಾರಿ ಟೀ ಉಳಿಕೆಯನ್ನು ಗಿಡಕ್ಕೆ ಹಾಕಿದರೆ ಅವಶ್ಯಕವಾದ ಮಿನರಲ್ ದೊರೆಯುತ್ತದೆ. ಇದು ಗಿಡದ ಚಿಗುರಿಗೆ ಉತ್ತಮ. ಟೀ ಬ್ಯಾಗ್ ಗಳನ್ನೂ ಕೂಡ ಗಿಡದ ಬುಡಕ್ಕೆ ಹಾಕಬಹುದು.

* ಬಾಳೆ ಸಿಪ್ಪೆ: ರೋಜಾ ಹೂವಿಗೆ ಬಾಳೆಹಣ್ಣಿನ ಸಿಪ್ಪೆ ತುಂಬಾ ಒಳ್ಳೆಯದು. ತಿಂದ ಸಿಪ್ಪೆಯನ್ನು ಕಿತ್ತು ಬುಡಕ್ಕೆ ಹಾಕಿದರೆ ಫಲವತ್ತತೆ ನೀಡುತ್ತದೆ.

* ಮೊಟ್ಟೆ ಸಿಪ್ಪೆ: ಗಿಡಕ್ಕೆ ಅತಿ ಅಗತ್ಯವಿರುವ ಪೊಟಾಶಿಯಂ ಮತ್ತು ಕ್ಯಾಲ್ಸಿಯಂ ಅನ್ನು ಮೊಟ್ಟೆ ಸಿಪ್ಪೆ ನೀಡುತ್ತದೆ. ಪುಡಿ ಮಾಡಿದ ಮೊಟ್ಟೆ ಸಿಪ್ಪೆಯನ್ನು ಗಿಡದ ಬುಡದ ಸುತ್ತ ಹಾಕಬೇಕು. ಅಥವಾ ನೀರಿನಲ್ಲಿ ಸುಮಾರು 15 ಮೊಟ್ಟೆ ಸಿಪ್ಪೆಗಳನ್ನು 8 ಗಂಟೆಯವರೆಗೆ ನೆನೆಸಿ, ಸಿಪ್ಪೆ ತೆಗೆದು ವಾರಕ್ಕೆ ಒಂದು ಬಾರಿ ಈ ನೀರನ್ನು ಗಿಡಗಳಿಗೆ ಹಾಕಬಹುದು.

* ಓಕ್ ಎಲೆ: ಒಣಗಿದ ಓಕ್ ಎಲೆಗಳನ್ನು ಬಕೆಟ್ ನೀರಿನಲ್ಲಿ ನೆನೆಹಾಕಿ ಬಿಸಿಲಿನಲ್ಲಿ ಇಡಬೇಕು. ಆ ನೀರು ತನ್ನ ಬಣ್ಣ ಬದಲಿಸುವವರೆಗೂ (ಸುಮಾರು ಒಂದು ವಾರ) ಅದನ್ನು ಹಾಗೇ ಬಿಡಬೇಕು. ಅಥವಾ ಒಂದು ವಾರ ಕಾಯುವುದು ಹೆಚ್ಚೆನಿಸಿದರೆ ಬಿಸಿ ನೀರಿಗೆ ಹಾಕಿ ತಣ್ಣಗಾದ ನಂತರ ಗಿಡಗಳಿಗೆ ಸಿಂಪಡಿಸಬಹುದು.

ಈ ನೈಸರ್ಗಿಕ ಗೊಬ್ಬರವನ್ನು ನೀವೂ ತಯಾರಿಸಿ ನಿಮ್ಮ ಕೈತೋಟ ಮತ್ತಷ್ಟು ಕಂಗೊಳಿಸುವಂತೆ ಮಾಡಿ.