1BHK ಮನೆ ಚಿಕ್ಕದಾಗಿದ್ದರೂ ಇಕ್ಕಟ್ಟಾಗದಿರಲು ಈ ಟಿಪ್ಸ್ ಬಳಸಿ

ಮಡಚಬಹುದಾದ ಪೀಠೋಪಕರಣ ಬಳಸಿ

1 BHK ಮನೆಯಾದರೆ ಸ್ವಲ್ಪ ಹೊಸ ವಿನ್ಯಾಸದ ಪೀಠೋಪಕರಣಗಳನ್ನು ಬಳಸುವುದು ಸೂಕ್ತ. ಡೈನಿಂಗ್ ಟೇಬಲ್, ಸ್ಟಡಿ ಟೇಬಲ್ , ಐರನ್‌ ಟೇಬಲ್ ಹೀಗೆ ಎಲ್ಲದಕ್ಕೂ ಸೂಕ್ತವಾಗುವಂತೆ ಮಡಚಬಹುದಾದ ಟೇಬಲ್ ಬಳಸಿ. ಆಗ ಮಡಚಿ ಇಟ್ಟರೆ ಸ್ಥಳಾವಕಾಶ ಕಾಣುವುದು, ಅಗ್ಯತವಿದ್ದಾಗ ಮಾತ್ರ ಅವುಗಳನ್ನು ಬಿಡಿಸಿಕೊಂಡು ಬಳಸಬಹುದು.

ಸ್ಟೋರೇಜ್‌ ಜಾಗ ತುಂಬಾ ಇರಲಿ

ಮನೆ 1 BHK ಆದರೂ ಸ್ಟೋರೇಜ್‌ ಜಾಗಗಳು ತುಂಬಾ ಇದ್ದರೆ ಯವುದೇ ತೊಂದರೆಯಾಗಲ್ಲ. ಅಡುಗೆ ಮನೆ ಹಾಗೂ ಬೆಡ್‌ ರೂಂ, ಹಾಲ್‌ನಲ್ಲಿ ಕಪಾಟುಗಳು ಅಧಿಕವಿರಬೇಕು. ಆಗ ವಸ್ತುಗಳನ್ನು ನೀಟಾಗಿ ಅದರಲ್ಲಿ ಜೋಡಿಸಬಹುದು, ಚೆಲ್ಲಾಪಿಲ್ಲಿಯಾಗಿ ಇಡಬೇಕಾಗಿಲ್ಲ. ವಸ್ತುಗಳನ್ನು ಕಪಾಟಿನಲ್ಲಿಟ್ಟರೆ ನೆಲದಲ್ಲಿ ಜಾಗವಿರುವುದು, ಜೋಡಲು ಕೂಡ ನೀಟಾಗಿ ಕಾಣುವುದು.

ಬಣ್ಣ

ಇನ್ನು ಮನೆ ಗೋಡೆಗೆ ಬಳಸುವ ಬಣ್ಣ ಕೂಡ ಮನೆಯನ್ನು ವಿಶಾಲವಾಗಿ ಕಾಣುವಂತೆ ಮಾಡುತ್ತದೆ. ಬಿಳಿ, ಬೀಜ್, ಲೈಟ್ ಬ್ರೌನ್, ಗ್ರೇ, ಕ್ರೀಮ್ ಈ ರೀತಿಯ ಬಣ್ಣಗಳು ಕೋಣೆಗಳು ಚಿಕ್ಕದಾದರೂ ನೋಡಲು ಸ್ವಲ್ಪ ದೊಡ್ಡದಾಗಿರುವಂತೆ ಭ್ರಮೆ ಉಂಟು ಮಾಡುವುದು.

ಮನೆಯ ವಸ್ತುಗಳನ್ನು ಸರಿಯಾಗಿ ಜೋಡಿಸಿ

ದೊಂದು ವಸ್ತುವನ್ನು ಹಾಗೇ ಇಡುವುದಕ್ಕಿಂತ ಅವುಗಳನ್ನು ಒಂದರ ಮೇಲೆ ಒಂದು ಎಂಬಂತೆ ನೀಟಾಗಿ ಜೋಡಿಸಿಕೊಂಡು ಹೋಗಿ. ಸ್ಲಿಮ್ ಟಿವಿ ಬಳಸಿ, ನಿಮ್ಮ ವಸ್ತುಗಳನ್ನು ಇಡಲು ನೆಲಕ್ಕಿಂತ ಗೋಡೆಯ ಜಾಗವನ್ನು ಹೆಚ್ಚಾಗಿ ಬಳಸಿ. ಅಂದ್ರೆ ಗೋಡೆಗಳನ್ನು ಆಕರ್ಷಕವಾಗಿ ಕಾಣುವಂತೆ ವಸ್ತುಗಳನ್ನು ಇಡಿ. ಈ ರೀತಿ ಮಾಡಿದರೆ ಮನೆ ಚಿಕ್ಕದಾಗಿದ್ದರೂ ತುಂಬಾ ಇಕ್ಕಟ್ಟಾಗಿ ಕಾಣುವುದಿಲ್ಲ.

ಕೊನೆಯದಾಗಿ

ನೀವು ನಗರ ಪ್ರದೇಶದಲ್ಲಿ ಇರುವಾಗ ಈ ಟಿಪ್ಸ್ ಖಂಡಿತ ಸಹಾಯ ಮಾಡುವುದು. ಇರುವ ಮನೆಯಲ್ಲಿ ಹೆಚ್ಚು ಕಬೋರ್ಡ್ ವ್ಯವಸ್ಥೆ ಇಲ್ಲದಿದ್ದರೆ ಸುಲಭವಾಗಿ ಕೊ<ಡೊಯ್ಯಲು ಅನುಕೂಲವಾಗುವಂಥ ಕಪಾಟುಗಳು ಒರೆಯುತ್ತವೆ, ಅವುಗಳನ್ನು ಬಳಸಿ. ಅಲ್ಲದೆ ತುಂಬಾ ವಸ್ತುಗಳನ್ನು ಜೋಡಿಸುವ ಬದಲಿಗೆ ಅಗ್ಯತವಿರುವ ವಸ್ತುಗಳನ್ನಷ್ಟೇ ಜೋಡಿಸಿ.