ಹೂ ಗುಚ್ಛದ ಗುಲಾಬಿ ಬೇಗನೆ ಬಾಡಬಾರದೇ?

ಹೆಚ್ಚಿನ ಮನೆಯ ಹಾಲಿನಲ್ಲಿ ಹೂ ಗುಚ್ಛ ಇಟ್ಟಿರುತ್ತಾರೆ. ಹೂ ಗುಚ್ಛ ಮನೆಯ ಅಂದ ಹೆಚ್ಚಿಸುವುದು ಮಾತ್ರವಲ್ಲ, ಮನೆಗೆ ಬಂದವರು ಅದನ್ನು ನೋಡಿದಾಗ ನೀವು ಮನೆಯನ್ನು ಆಕರ್ಷಕವಾಗಿ ಇಟ್ಟಿದ್ದೀರಿ ಎಂದು ನಿಮ್ಮನ್ನು ಮೆಚ್ಚುಗೆಯಿಂದ ನೋಡುವಂತಾಗುವುದು.

ಸುಂದರವಾದ ಗುಲಾಬಿಯನ್ನು ಹೂಗುಚ್ಛದಲ್ಲಿ ಇಡುವಾಗ ಆ ಗುಚ್ಛ ನೋಡಲು ಖುಷಿಯಾಗುತ್ತದೆ. ಆದರೆ ಸುಂದರವಾದ ಆ ಗುಲಾಬಿ ದಳಗಳು ಎರಡೇ ದಿನದಲ್ಲಿ ಬಾಡುವಾಗ ಬೇಜಾರಾಗುತ್ತದೆ.

ಹೂ ಬೇಗನೆ ಬಾಡದಿರಲು ಕೆಲವು ಟಿಪ್ಸ್ ನೀಡಿದ್ದೇವೆ, ನೋಡಿ:

* ಹೂಗುಚ್ಛ ಬ್ಯಾಕ್ಟೀರಿಯಾಗಳಿಂದ ಮುಕ್ತವಾಗಿರಬೇಕು. ಆದ್ದರಿಂದ ಹೂ ಗುಚ್ಛವನ್ನು ಬಿಸಿ ನೀರಿನಲ್ಲಿ ತೊಳೆದು, ಬ್ಯಾಕ್ಟೀರಿಯಾವನ್ನು ಕೊಲ್ಲುವ ಬ್ಲೀಚ್ ಹಾಕಿಯೂ ತೊಳೆದು, ಅದರಲ್ಲಿ ತಾಜಾ ಗುಲಾಬಿ ಹೂಗಳನ್ನು ಇಡಿ.

* ಹೂ ಗುಚ್ಛವನ್ನು ತಂಪಾದ ಜಾಗದಲ್ಲಿ ಇಡುವುದು ಒಳ್ಳೆಯದು. ಸೂರ್ಯನ ಬೆಳಕು, ಬಲ್ಭ್ ನ ಶಾಖ ನೇರವಾಗಿ ಬೀಳುವಲ್ಲಿ ಇಡಬೇಡಿ. ರಾತ್ರಿ ರೋಸ್ ಅನ್ನು ಫ್ರಿಜ್ ನಲ್ಲಿಟ್ಟು, ಬೆಳಗ್ಗೆ ಗೂ ಗುಚ್ಛದಲ್ಲಿಡಿ.

* ಹೂವನ್ನು ಹೂ ಗುಚ್ಛಕ್ಕೆ ಇಡುವ ಮುನ್ನ ನೀರಿಗೆ ಬ್ಲೀಚ್ ಚಿಮುಕಿಸಿ ಅದರಲ್ಲಿ ಹೂವಿನ ಕಡ್ಡ ಇಡುವುದು ಒಳ್ಳೆಯದು.

* ತಣ್ಣೀರ ಬದಲು ಬಿಸಿ ನೀರು ಹಾಕಿ, ಅದರಲ್ಲಿ ಹೂವಿನ ಕಡ್ಡಿ ಇಟ್ಟರರೆ, ಹೂ ಬೇಗನೆ ಬಾಡುವುದಿಲ್ಲ.

* ಕಡ್ಡಿಯಲ್ಲಿರುವ ಎಲೆಗಳನ್ನು ತೆಗೆದು ಇಡುವುದು ಒಳ್ಳೆಯದು.

* ದಿನಾ ಕಡ್ಡಿಯ ಬುಡವನ್ನು ಕತ್ತರಿಸಿ, ಹಾಗೂ ಬಾಡಿದ ಹೂವನ್ನು ಕಿತ್ತು ಬಿಸಾಡಿ. ಆಗ ಹೂ ತಾಜಾದಂತೆ ಕಾಣುವುದು.

* ಹೂ ಗುಚ್ಛದಲ್ಲಿರುವ ನೀರನ್ನು ಪ್ರತೀದಿನ ಬದಲಾಯಿಸಿ.
ಇಷ್ಟು ಮಾಡಿದರೆ ಗುಲಾಬಿ ಹೂ ಬೇಗನೆ ಬಾಡುವುದಿಲ್ಲ.