ಟೇಬಲ್ ಅಂದವಾಗಿದ್ದರೆ ಮನೆ ನೋಡಲು ಚೆಂದ

ಡೈನಿಂಗ್ ಟೇಬಲ್ ಹಾಗೂ ಟೀಪಾಯಿಯು ಆಕರ್ಷಕವಾಗಿದ್ದರೆ ಮನೆ ಅಂದ ಹೆಚ್ಚುವುದು. ಟೇಬಲ್ ತುಂಬಾ ಬೆಲೆ ಬಾಳುವಂತದ್ದು ಆಗಿರಬೇಕೆಂದಿಲ್ಲ, ಇರುವ ಡೈನಿಂಗ್ ಟೀಬಲ್ ಅನ್ನೇ ಅಲಂಕರಿಸಿ ಬೆಲೆ ಬಾಳುವ ಟೇಬಲ್ ಲುಕ್ ಕೊಡಬಹುದು. ಮನೆಯನ್ನು ಹೇಗೆ ಇಟ್ಟಿದ್ದೇವೆ ಅನ್ನುವುದು ಮನೆಯ ಡೈನಿಂಗ್ ಟೇಬಲ್ ನೋಡಿದರೆ ಅರ್ಥವಾಗುತ್ತದೆ. ಈ ಕೆಳಗಿನ ಸಲಹೆಗಳು ಟೇಬಲ್ ಮತ್ತು ಮನೆಯ ಅಂದವನ್ನು ಹೆಚ್ಚಿಸುವಲ್ಲಿ ಸಹಕಾರಿಯಾಗಿದೆ.

ಕಾಟನ್: ಫ್ಯಾಬ್ರಿಕ್ ಅಥವಾ ಕಾಟನ್ ಬಟ್ಟೆಗಳನ್ನು ಟೇಬಲ್ ಮೇಲೆ ಹಾಸಲು ಬಳಸಬಹುದು. ಇಂತಹ ಬಟ್ಟೆಗಳ ಮೇಲೆ ವಿನ್ಯಾಸವಿದ್ದರೆ ಟೇಬಲ್ ಮತ್ತಷ್ಟು ಆಕರ್ಷಕವಾಗಿ ಕಾಣುವುದು.

ಲೈನಿನ್: ಮರದ ಟೈನಿಂಗ್ ಟೇಬಲ್ ಅನ್ನು ಅಲಂಕಾರ ಮಾಡಲು ಲೈನಿನ್ ಟೇಬಲ್ ಬಟ್ಟೆಯನ್ನು ಉಪಯೋಗಿಸಬಹುದು. ತೆಳು ಬಣ್ಣದ ಟೇಬಲ್ ಬಟ್ಟೆಯ ಮೇಲೆ ಗಾಢ ಬಣ್ಣದ ಟೇಬಲ್ ರನ್ನರ್ ಹಾಕಿದರೆ ಟೇಬಲ್ ನೋಡಲು ಮತ್ತಷ್ಟು ಆಕರ್ಷಕವಾಗಿ ಕಾಣುವುದು.

ಸಿಲ್ಕ್: ಮನೆಯಲ್ಲಿ ಪಾರ್ಟಿಯಿದ್ದರೆ ಸಿಲ್ಕ್ ಟೇಬಲ್ ರನ್ನರ್‌ನಿಂದ ಅಲಂಕಾರ ಮಾಡಿದರೆ ಮನೆ ಮತ್ತಷ್ಟು ಪಾರ್ಟಿ ಕಳೆ ಬರುತ್ತದೆ.

ಟೇಬಲ್ ರನ್ನರ್ ಗಳಲ್ಲಿ ಈ ಕೆಳಗಿನವುಗಳು ಟೇಬಲ್ ಅಲಂಕಾರ ಹೆಚ್ಚುವಂತೆ ಮಾಡುತ್ತದೆ.

ವಿನ್ಯಾಸವಿಲ್ಲದ ಟೇಬಲ್ ರನ್ನರ್: ಈ ರನ್ನರ್ ಅನ್ನು ಯಾವುದೇ ಬಣ್ಣದ ರೂಂನಲ್ಲಿರುವ ಟೇಬಲ್ ಮೇಲೆ ಹಾಕಬಹುದು. ಈ ರನ್ನರ್ ಹಾಕಿದರೆ ಟೇಬಲ್ ಎದ್ದು ಕಾಣುವುದು. ಆದರೆ ಚಿಕ್ಕ ಮಕ್ಕಳಿರುವ ಮನೆಯಲ್ಲಿ ಈ ರೀತಿಯ ರನ್ನರ್ ಬಳಸದಿರುವುದು ಸೂಕ್ತ, ಏಕೆಂದರೆ ಕೊಳೆಯಾದರೆ ಬೇಗನೆ ಎದ್ದು ಕಾಣುವುದು.

ಪ್ರಾಣಿಗಳ ಚಿತ್ರವಿರುವ ಟೇಬಲ್ ರನ್ನರ್: ಇವುಗಳನ್ನು ಟೇಬಲ್ ಮೇಲೆ ಹಾಸಿದಾಗ ತುಂಬಾ ಚೆನ್ನಾಗಿರುತ್ತದೆ. ಅದರಲ್ಲೂ
ಚಿರತೆ, ಹುಲಿ ಚಿತ್ರವಿರುವ ರನ್ನರ್ ಬಳಸಬಹುದು.

ಹೂವಿನ ಅಲಕಾರವಿರುವ ರನ್ನರ್: ಹೂವಿನ ವಿನ್ಯಾಸವಿರುವ ಕರ್ಟನ್, ಕುಶನ್ ಬಳಸಿ, ಹೂವಿನ ವಿನ್ಯಾಸ ಟೇಬಲ್ ರನ್ನರ್ ಬಳಸಿದರೆ ಮನೆ ಸುಂದರವಾದ ಹೂತೋಟದಂತೆ ಕಾಣುವುದು.