ಮಕ್ಕಳ ರೂಂ ಅಲಂಕಾರಕ್ಕೆ ಟಿಪ್ಸ್

ಮಕ್ಕಳ ಕೋಣೆಯನ್ನು ಪ್ಲೇನ್ ಆಗಿ ಇಡುವ ಬದಲು ಗೊಂಬೆಗಳಿಂದ ಹಾಗೂ ಬಣ್ಣ-ಬಣ್ಣದ ಚಿತ್ತಾರಗಳಿಂದ ಅಲಂಕರಿಸಿದರೆ ನೋಡಲು ತುಂಬಾ ಆಕರ್ಷಕವಾಗಿ ಕಾಣುತ್ತದೆ. ಅಲ್ಲದೆ ಮಕ್ಕಳು ಬಣ್ಣದ ವಸ್ತುಗಳನ್ನು ತುಂಬಾ ಇಷ್ಟಪಡುತ್ತಾರೆ. ಮಕ್ಕಳ ಕೋಣೆಯನ್ನು ಈ ಕೆಳಗಿನಂತೆ ಅಲಂಕರಿಸಿದರೆ ತುಂಬಾ ಆಕರ್ಷಕವಾಗಿ ಕಾಣುವುದು.

ಆಕರ್ಷಕವಾದ ಡೆಸ್ಕ್ ಟಾಪ್: ಅವರ ಡೆಸ್ಕ್ ಅನ್ನು ಸನ್ ಫ್ಲವರ್ ಅಥವಾ ಸೂಪರ್ ಹೀರೋಗಳ ಚಿತ್ರ, ಹೂವಿನ ಚಿತ್ರ ಈ ರೀತಿಯ ವಸ್ತುಗಳಿಂದ ಅಲಂಕರಿಸಿ. ಹೀಗೆ ಅಲಂಕರಿಸುವಾಗ ಡೆಸ್ಕ್ ಅನ್ನು ಯಾವ ರೀತಿಯ ಚಿತ್ರಗಳಿಂದ ಅಲಂಕರಿಸಬೇಕೆಂದು ಮಕ್ಕಳ ಹತ್ತಿರನೇ ಕೇಳಿ. ಅವರ ರೂಂ ಹೇಗಿರಬೇಕೆಂದು ನಮಗಿಂತ ಚೆನ್ನಾಗಿ ಅವರಿಗೆ ಐಡಿಯಾ ಇರುತ್ತದೆ.

ಗೋಡೆಯ ಬಣ್ಣ: ಗೋಡೆಗೆ ಒಂದೇ ಬಣ್ಣ ಹೊಡೆಯುವ ಬದಲು 2-3 ಬಣ್ಣದಿಂದ ಅಲಂಕರಿಸಿದರೆ ತುಂಬಾ ಆಕರ್ಷಕವಾಗಿ ಕಾಣುತ್ತದೆ. ಪಿಂಕ್ ಕಲರ್ ಮಕ್ಕಳಿಗೆ ತುಂಬ ಇಷ್ಟವಾಗುತ್ತದೆ, ಗೋಡೆಗೆ ಹಚ್ಚಿದಂತಹ ಬಣ್ಣದ ಚೇರ್ ಗಳನ್ನೇ ತಂದಿಡಿ. ಈ ರೀತಿ ಅಲಂಕರಿಸಿದರೆ ಕೋಣೆ ತುಂಬಾ ಆಕರ್ಷಕವಾಗಿ ಕಾಣುವುದು.

ಗೊಂಬೆ: ಮಕ್ಕಳ ಕೋಣೆಯನ್ನು ಗೊಂಬೆಗಳಿಂದ ಅಲಂಕರಿಸಿ, ಟೇಬಲ್ ಮೇಲೆ ಪೆನ್ ಸ್ಟ್ಯಾಂಡ್ ಇಡಿ. ಬುಕ್ ಗಳನ್ನು ಜೋಡಿಸಲು ಕಬೋರ್ಡ್ ಇರಲಿ. ಸಾಧ್ಯವಾದರೆ ಒಂದು ಬ್ಯಾಕ್ ಬೋರ್ಡ್ ಇಡುವುದು ಒಳ್ಳೆಯದು. ಈ ರೀತಿ ಕೋಣೆ ತುಂಬಾ ಅಚ್ಚುಕಟ್ಟಾಗಿದ್ದರೆ ಮಕ್ಕಳಿಗೆ ಓದಲು ಸೂಕ್ತ ವಾತಾವರಣ ಒದಗಿಸಿಕೊಟ್ಟಂತೆ ಆಗುವುದು. ಮಕ್ಕಳ ರೂಂನಲ್ಲಿ ಗಾಳಿ, ಬೆಳಕು ಸರಿಯಾಗಿ ಬರುವಂತೆ ಇರಲಿ.